ISAÍAS 65:6 - Biblia Guarani Tumpa Iñee

⁶ Oyekuatía ko oï cheróvai kuae, ngaraa amaeño jökoraiño opɨta; aiporaraukata ko chupe reta jembiapo oï rupi,

ISAÍAS 65:6 ပူးပေါင်းရင်းမြစ်များ

SALMOS 107:17

Oiporara yarakuaambae reta, ipɨapochɨ reta jare jembiapo kavimbae jeko pegua,

SALMOS 109:14

YandeYa timaendúa tu oyapo ikavimbae vae re, jare ichɨ iyoa agüɨye tomboai;

SALMOS 50:21

Opaete kuae reyapo, ërei che chekïriiño; nde reyemongeta, che nde ramiño. Ërei che amboetata ndeve, ¡jaeta ndeve nderova pe etei!”

SALMOS 50:3

Outa ñaneTumpa, ërei ngaraa kïriiño ou; jenonde outa tata oporomboai vae, iyɨ́vɨri rupi, ɨvɨtuai imbaepuere yae vae.

SALMOS 56:8

Nde reikuaa kërai ko che atekuarai aiko vae; nde remboɨru cheresaɨ reta ndeɨakua pe. ¿Oimeä yera oyekuatía oï nderembikuatía pe?

SALMOS 79:12

CheRu Tumpa, eyepɨasɨ yeyé orerëta-ɨpɨ pegua reta re, ikavimbae oyapo ndekotɨ reta jare ndemboetembae re,

ÉXODO 17:14

Jayave yandeYa jei Moisés pe: —Kuae eikuatía metei tembikuatía pe yemomaenduarä; jare ere Josué pe, che amboaita opaetei Amalec iñemuña reta ara igüɨ güi vae.

ISAÍAS 26:21

Echa ko yandeYa ou oïa güi, oinupa vaerä ɨvɨ pegua reta, opaete imbaeyoa reta re, jare ɨvɨ omboyekuaata, jekombae jugüɨ oyepɨyere pɨpe vae, ngaraa ma oñomi, oyeyukagüe reta oime pɨpe vae.

ISAÍAS 3:11

¡Paravete iyoa vae! Ngaraa ojo kavi, echa iyoa reta oï rupi jekoviata chupe.

ISAÍAS 42:14

YandeYa jei: “Arakae, iyɨpɨ güive chekïrii mbaetɨ mbae jae jare ayembopɨaguasu; ërei añave cheräseta, metei kuña imembɨrasɨ oï vae rami, chepüae jare chepɨ̈tupa potaecha.

ISAÍAS 59:18

YandeYa omboepɨukata metei ñavo pe, jeko ae re, oiporaraukata jovaicho reta pe. Imotareɨa reta pe omboepɨukata jeko oï rupi; tëtaguasu reta ɨguasu jembeɨ rupigua reta pe ave.

ISAÍAS 64:12

OreYa Tumpa, opaete kuae mbaembae oasa reve ¿mbaetɨta ra mbae reyapo? ¿Nekïriiñota ra, jekuaeñota ra orembopɨatɨtɨ yae?

ISAÍAS 66:6

Tëta guasu pe jeta jäsembaiecha vae, tupao pe ñee oyeendu, jae ko yandeYa iñee oiporarauka vaerä jovaicho reta pe, jeko re.

JEREMÍAS 16:18

Tenonde aiporaraukata täta chupe reta jeko kavimbae jare imbaeyoa reta re, echa omongɨa reta cheɨvɨ itumpa-raanga reta jekovembae pe, jare opaete ɨvɨ chembae rupi oyapo reta mbaembae che aröɨro vae.”

EZEQUIEL 11:21

Ërei jókuae jekuaeño ipɨa pe itumpa-raanga pota vae ani oyemongeta ikavimbae vae re vae, aiporaraukata chupe jeko ae re. Che peYa ko jae kuae.’ ”

EZEQUIEL 22:31

Jáeramo aitɨ chearasɨ jese reta, chearasɨ yae reve amboai reta, aiporarauka vaerä chupe reta jeko. Che peYa Tumpa jae kuae.”

EZEQUIEL 9:10

Jáeramo ngaraa cheɨ̈ro chupe reta, ngaraa aiparareko amae jese reta, aiporaraukata chupe reta, opaete jeko reta re.”

JOEL 3:4

Pe reta: “Tëta guasu Tiro, Sidón jare opaete filisteo reta iɨvɨ, ¿mbae pa ayapo peve? ¿Maera pa peipota peyepɨ cheré? ¡Ërei peyepɨ cheré yave, ɨmambae pegua che amboekoviata peve mbaeyoa peyapogüe!

MALAQUÍAS 3:16

(Jayave yandeYa güi oipoɨu vae reta imiari oyoupe; yandeYa oyeapɨsaka jese jare oendu. Kuae reta jee oyemboguapɨ yandeYa jóvai metei tupapire pe, yandeYa güi oipoɨu vae reta jare omboete vae reta regua.)

San Lucas 6:38

Pemee mbae ïru vae reta pe, jare ïru vae reta omeeta vi mbae peve. Jae reta omeeta peve jeta yae. Echa ïru vae pe peyapo rami, oyeapota vi peve.”

DEUTERONOMIO 32:34

Opaete kuaekuae añovatu aï che ndive, añovatu aï mbae jepɨ yae vae rami,

Apocalipsis 20:12

Jare aecha omanogüe reta oyemboɨ ñogüɨnoi Tumpa jóvai, okuakuaa vae reta jare michia reta. Jare tembikuatía reta oyepea, jare oyepea ïru tembikuatía, jae ko tembikuatía tekove pegua. Jare omanogüe reta oñejäauka jembiapo reta tembikuatía reta pe oyekuatía oï rupi.