ISAÍAS 65:25 - Biblia Guarani Tumpa Iñee

²⁵ Aguarayaɨmba jare vecha kuimbae raɨ okaru päveta, yaguapope jouta kapii güeye rami; jare mboi jembiurä ɨvɨkúi. Ngaraa oyombopɨatɨtɨ reta, jare ngaraa oyapo reta ikavimbae opaete cheɨvɨtɨ oñeñono tee vae pe.” Jei yandeYa.

ISAÍAS 65:25 ပူးပေါင်းရင်းမြစ်များ

JOB 5:23

Ita reta ave ngaraa ndemboavai ndeko pe, mɨmba reta ñana rupigua ngaraa maratu ndeapo.

ISAÍAS 2:4

Jare oporojäata opaete tëtaguasu reta re, jare ombosɨmbita jeta vae reta jeko. Jare opata oyapo reta ikɨsepuku reta arao itïrä, jare imii reta oyapota tembiporu hozrä. Tëtaguasu reta mbaetɨta ma oñoraro, jare ngaraa ye ma oime yemboe ñeraro peguarä.

ISAÍAS 35:9

Jokoropi mbaetɨta oime yaguapope, ngaraa oime ani ou jokoropi mbaeporou reta. Oyeyoragüe retaño yogüeruta jokoropi,

ISAÍAS 56:7

che araja retata cheɨvɨtɨ oñeñono tee vae pe, jare ambovɨakatu retata chero yerure pegua pe; jare mɨmba oyeyukagüe opa etei oyeapɨ vae, jare ïru mɨmba oyeyukagüe reta re chepɨakatuta amae, omee reta yave mɨmba oyeyuka oyeapɨ jese vae re; echa chero oyembojeeta, o yerure pegua opaete vae reta peguarä.

ISAÍAS 65:11

Ërei, pe chereeya vae reta, peakañɨ cheɨvɨtɨ oñeñono tee vae güi, peñono tembíu tumpa-raanga Gad, mbaeyekou pegua pe, pemee mbota vino oyepɨyere vae tumpa-raanga Mení, maratuta vae regua pe,

ISAÍAS 66:20

Jare güeru retata opaete perëtara reta, tëtaguasu ñavo pe oime vae, güeru retata kavayu re, käretou pe, voɨka pe, mburika guasu re jare camello re. Güeru retata mbotarä cheve tëta Jerusalén pe, ɨvɨtɨ oñeñono tee vae re. Israel iñemuña reta güeru chero pe mbota mbae ikɨambae vae pe rami.” Che, peYa ko jae kuae.

EZEQUIEL 43:11

Imara reta yave opaete mbae oyapogüe güi, eikuaauka chupe reta kërai kuae tupao oñejäa oï vae, opaete mbaembae japɨpe pegua reta, jöke reta ñaë jare yaike jupi vae, jare opaete kërai vae, jaeramiño vi mborookuai reta oyapo retata vae. Eikuatía tupao iä chupe reta, oikuaa reta vaerä kërai oyapo. Eikuatía chupe reta opaete mborookuai reta, ipuere vaerä oyapo reta.

DANIEL 11:45

omopüata jeyupa ɨguasu jare ɨvɨtɨ guasu iyemboetea yae vae jare oñeñono tee vae ipäu pe. Ërei joko pe oväeta omano vaerä, jare mbaetɨta kia omborɨ vae.

MIQUEAS 4:3

Jare oporojäata jeta vae tëta reta re, jare ombosɨmbita tëtaguasu reta imbaepuere yae vae jeko, mombɨrɨ ñogüɨnoi vae reta ave; jare opata oyapaso martillo pe ikɨsepuku reta, oyapo vaerä äsarourä jare imii reta oyapota tembiporu hozrä; tëtaguasu reta mbaetɨta ma oupi oyokotɨ kɨsepuku, jare ngaraa ye ma oime yemboe ñeraro peguarä.

MIQUEAS 7:17

¡Ɨvɨ toere reta mboi rami, ipɨtía re oguata vae reta rami! ¡Torɨrɨi toñogüɨnoe jare tokɨɨye reve toyogüeru ndekotɨ, cheYa Tumpa!

ZACARÍAS 8:3

Che ayapo kavi ye Sión, jare aikota Jerusalén pe; Jerusalén jeeta Tëta guasu Jupi vae, jare che peYa Imbaepuere yae ete vae iɨvɨtɨ jeeta, Ɨvɨtɨ Ikɨambae.

Hechos 9:1

Jare Saulo omomburu oyuka vaerä yandeYa re güɨrovia vae reta, jáeramo ojo sacerdote tenondegua ete oïa pe.

Romanos 16:20

jayave Tumpa mbɨakatu omee vae ɨmambae tomoamɨri Satanás, toñono pepɨ igüɨ pe. YandeYa Jesucristo ipɨakavi toï pe reta ndive.

2 Pedro 3:13

Ërei yande reta ñaäro ñaï jae güɨrökuavee vae, ara ipɨau vae jare ɨvɨ ipɨau vae, joko pe oimeta jupi vaeño.

Apocalipsis 14:1

Jaɨkue rupi amae jare aecha Vecha kuimbae taɨrusu vae oyemboɨ oï ɨvɨtɨ Sión re. Jae ndive ciento cuarenta y cuatro mil vae reta. Jae reta jesɨva re oyekuatía oï Vecha kuimbae taɨrusu vae jee jare Tu jee.