ISAÍAS 65:24 - Biblia Guarani Tumpa Iñee

²⁴ Jare ndei oyerure reta mbae re cheve mbove, che omboyevɨta ma; imiari vɨteri ñogüɨnoi ramboeve, che aenduta ma.

ISAÍAS 65:24 ပူးပေါင်းရင်းမြစ်များ

GÉNESIS 24:15

Jare ndei jae opa imiari mbove, ko ou Rebeca güeru reve iyatiɨ re ɨrɨru, jae ko Betuel tayɨ; Betuel ko jae Milca imembɨ Nacor pe vae, jae ko Abraham tɨvɨ.

2 REYES 19:20

Jayave Isaías Amoz taɨ omondo jei Ezequías pe: “Körai jei yandeYa Israel iTumpa: ‘Che aendu reyerure cheve Senaquerib, mburuvicha guasu Asiria pegua re vae.’ ”

SALMOS 32:5

Cheyoa amombeu ndeve, mbaetɨ añomi ndegüi mbaeyoa ayapogüe. Jae: “Tamombeu cheYa pe mbaetɨ iporookuai ayapo vae.” Jare nde neɨ̈ro cheyoa ikavimbae re.

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 91:15

Chereenɨita, jare che aenduta chupe; ¡jae ndive aïta mbɨatɨtɨ pe! Aepɨta jare amboeteukata.

ISAÍAS 30:19

Sión pegua reta, Jerusalén ipo reta: Ngaraa ye ma peyaeo. Mboroparareko güɨnoi vae, pepararekota, oendu yave pesapúkai ikotɨ vae.

ISAÍAS 41:17

Paravete vae reta oeka tëi ɨ, ërei mbaetɨ oväe. Ikü otini iɨuve güi; ërei che, peYa ayemoambekota jese reta, che, Israel iTumpa, ngaraa aeya reta.

ISAÍAS 55:6

“Eeka yandeYa ipuere oñeväe ramboeve, eenɨi köi oï ramboeve.

ISAÍAS 58:9

Jayave, reyerureta jare ndeYa oenduta, resapúkai yave, jae jeita: ‘Ko aï.’ Reeya yave reporogüɨrekoasɨ katu vae, mbaetɨ yave reporomomburu ani rere ñee ikavimbae vae,

ISAÍAS 59:1

YandeYa mbaetɨ ko ipo ombosɨrɨ, mbaetɨ vaerä oporogüɨroasayepe, mbaetɨ ko oyopia iyapɨsa, mbaetɨ vaerä oendu.

DANIEL 10:12

Jayave jei cheve: ‘Daniel, agüɨye ekɨɨye; echa jókuae ara voi nde reipota reikuaa mbaembae yavai yae vae jare vi reñemomichi neTumpa jóvai rupive jae oendu ndeve ndeyerure, jáeramo che ayu.

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

San Marcos 11:24

Jáeramo che jae peve, oime yave mbae re peyerure Tumpa pe perovia reve vae, oñemeeta ko peve, penoita ko.

Hechos 4:31

Jare opa oyerure yave, yatɨ ñogüɨnoia okana. Jare opaete jae reta tɨnɨe Espíritu Santo pe, jare imiari reta Tumpa iñee re okɨɨyembae reve.