ISAÍAS 65:16 - Biblia Guarani Tumpa Iñee

¹⁶ Oipotagüe kuae ɨvɨ pe oipota mborerekua vae, güɨnoita Tumpa iyapumbae jee re; jare oipotagüe kuae ɨvɨ pe oñererökuavee mbae oyapo vaerä yave, toyapo Tumpa iyapumbae jee re. Echa opaete tenondegua tembiporara reta opata oasa, opata okañɨ cheróvai güi.”

ISAÍAS 65:16 ပူးပေါင်းရင်းမြစ်များ

JOB 11:16

Jare neakañɨta reiporaragüe güi, neakañɨta chugüi ɨ oasagüe güi rami.

SALMOS 31:5

Añono cherekove ndepo pe, ¡nde chereepɨ cheYa, Tumpa añete vae!

SALMOS 63:11

Ërei che mburuvicha guasu ayeroviata nderé; oyemboeteta opaete jei nderee re vae, echa iyapu imiari vae reta, iyuru oyeokendata.

SALMOS 72:17

¡Mburuvicha guasu jee toiko avei! ¡Tijërakua avei jee toiko, kuaraɨ oime ramboeve! ¡Jese toyekou opaete tëtaguasu reta! ¡Jese timiari kavi opaete tëtaguasu reta!

SALMOS 86:15

Ërei nde cheYa, Tumpa iporoparareko yae vae, mbaetɨ iyarasɨ raivi vae, tuicha iporoparareko jare añete vae ko.

ÉXODO 34:6

YandeYa oasa jae jóvai rupi, oñeenɨi reve jee ae pe: —¡NdeYa! ¡NdeYa! ¡Tuicha yae vae, iporoparareko vae; iyarasɨ raivimbae, iporoparareko tuicha yae ete jare añetete vae!

ISAÍAS 11:16

Oyepeata tape, tëta imbae vae jembɨregüe pe, Asiria kotɨ güi oyerova reta ye yave, jëtara Israel iñemuña reta oyerova ye Egipto kotɨ güi yave rami.

ISAÍAS 19:18

Jókuae ara rupi oimeta pandepo tëta guasu reta Egipto pe imiari reta ñee hebreo pe vae jare omboete retata yandeYa Imbaepuere yae ete vae; metei tëta guasu jeeta Herez.

ISAÍAS 35:10

yandeYa oyoragüe reta oyerovata, jae reta oiketa Sión pe tairari yerovia pegua ndive, yogüɨreko aveita yerovia katu rupi, güɨnoi retata yerovia katu, opata okañɨ mbɨatɨtɨ jare yaeo.

ISAÍAS 48:1

“Peyeapɨsaka, Jacob iñemuña reta, tee Israel pe peñeenɨi vae reta, Judá iñemuña reta; Tumpa jee re peñererökuavee mbae peyapo vaerä vae; Israel iTumpa pe peyerure vae reta, yepe tëi mbaetɨ añetete reve ani jupi rupi;

ISAÍAS 54:4

Agüɨye ekɨɨye, ngaraa reñemomaraiuka; agüɨye nemara, ngaraa ndekura vae. Neakañɨta ndetaɨrusu yave nemara vae güi, jare nememano yave nemara vae güi.

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

ISAÍAS 65:19

Ayeroviata Jerusalén re, jare avɨakatuta chembae vae ndive; jare ngaraa ye ma oyeendu pɨpe yaeo jare jäse vae.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

JEREMÍAS 12:16

Jae reta omboe chembae vae reta jei vaerä mbae Baal jee re, ërei oyapo reta yave añetete rupi chembae vae reta oyapo rami, jare jei reta mbae che cheree re yave, ipuere yogüɨreko chembae vae reta ipɨte pe.

JEREMÍAS 31:12

Otairari retata jare oyeroviata yogüeru ɨvɨtɨ Sión re, oyekou retata yandeYa omborɨgüe re, jae ko: Trigo, vino jare olivo iasaite, vecha reta jare guaka reta. Kó raɨ oyemboɨu kavi yae vae ramita, jare ngaraa ye ma ipɨtu reta.

JEREMÍAS 4:2

ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

DANIEL 12:1

Jókuae ara opüata araɨgua Miguel mburuvicha tenondegua ete, nerëtara Israel iñemuña reta iyangarekoa. Outa mbɨatɨtɨ iara, mbaetɨi jókuae nunga, arakae kuimbae oyeapo ramo güive vae. Ërei jókuae ara oasayepeta nerëtaɨgua reta, opaete jee oyekuatía oï tupapire pe vae.

DANIEL 12:11

Mil dosciento noventa ara oasata oyeopia güire mɨmba oyeyuka oñemee ara ñavo vae, mbae ikavimbae yae oyeapo vae ou regua oväe.

SOFONÍAS 1:5

Amboaita jo iárambo oyeupi oyetavatɨka omboete vaerä yasɨtata, kuaraɨ, yasɨ vae, jare oyetavatɨka reta jei cheree re jare itumpa-raanga Milcom jee re vae reta.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 1:17

Moisés rupi oñemee mborookuai. Ërei Jesucristo rupi ou, Tumpa ipɨakavi jare añete vae.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

Romanos 14:11

Echa oyekuatía oï körai: “Che peYa, tae cheyé aeño, opaete vae oyetavatɨkata cheróvai, jare opaete vae chemboeteta ko.”

DEUTERONOMIO 10:20

YandeYa Tumpa güiño peipoɨu, chupeño peyeokuai, jeia reño peiko, jare jae jee reño opaete mbae peyapo.

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

DEUTERONOMIO 6:13

YandeYa Tumpa güi peipoɨu, chupeño peyeokuai, jae jee reño opaete mbae peyapo.

Filipenses 2:11

jare opaete vae jei vaerä Jesucristo ko jae opaete vae iYa. Kuae rupi yandeRu Tumpa oyemboete vaerä.

Apocalipsis 20:4

Jare aecha mburuvicha iguapɨa reta jare joko pe oguapɨ mbaepuere oñemee chupe oporojäa vaerä vae reta. Jare aecha Jesús regua jare Tumpa iñee omombeu ramo oñeäka-sɨauka vae reta jekove. Jókuae mbaetɨ omboete mbaemɨmba guasu ani iä vae reta, mbaetɨ etei vi güɨnoi ikañɨmaa jesɨva re jare ipo re. Jae reta oikove ye jare oporookuai Cristo ndive mil año.