ISAÍAS 65:11 - Biblia Guarani Tumpa Iñee

¹¹ Ërei, pe chereeya vae reta, peakañɨ cheɨvɨtɨ oñeñono tee vae güi, peñono tembíu tumpa-raanga Gad, mbaeyekou pegua pe, pemee mbota vino oyepɨyere vae tumpa-raanga Mení, maratuta vae regua pe,

ISAÍAS 65:11 ပူးပေါင်းရင်းမြစ်များ

2 REYES 21:3

Echa omopüa pɨau ye mbaemboete renda ɨvɨtɨ rupigua reta tu Ezequías opa omboaigüe, jare omopüa mɨmba oyeyuka oyeapɨ jese vae reta Baal pe jare oyapo metei Asera iä, Acab, mburuvicha guasu Israel pegua oyapo rami, jare omboete opaete ara ipo reta,

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

SALMOS 132:13

Echa yandeYa oiparavo ɨvɨtɨ Sión. ¡Oiparavo jae oiko vaerä joko pe!

SALMOS 137:5

Cheakañɨ ndegüi yave, Jerusalén, chepo cheakatu kotɨgua tijëogüe.

ISAÍAS 1:28

ërei oyembopɨapochɨ chekotɨ vae reta jare iyoa vae reta opata oñemokañɨtei, jare oyembosɨrɨ chegüi vae reta opata omano.

ISAÍAS 1:4

¡Paravete, iyoa vae reta, tëta tɨnɨe ikavimbae pe vae, ipɨapochɨ vae reta iñemuña, jare jeko opa oikomeguagüe reta! Oyembosɨrɨ reta yandeYa güi, omboarasɨuka reta Iyoambae Israel pegua, oyerova reta ye chugüi.

ISAÍAS 11:9

Ngaraa oyapo reta ikavimbae opaete cheɨvɨtɨ oï tee vae pe; echa opaete ɨvɨ pegua reta oikuaata yandeYa, ɨ tɨnɨe ɨguasu oï rami.

ISAÍAS 2:2

Ara taɨkuegua rupi, ɨvɨtɨ yandeYa jo oï jese vae, oïta kuri opaete ɨvɨtɨ reta itenondeguarä, jare oyembotuicha yaeta opaete vae ɨvɨtɨ reta güi, jare opaete tëtaguasu reta yogüeruta ikotɨ;

ISAÍAS 2:3

jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ISAÍAS 56:7

che araja retata cheɨvɨtɨ oñeñono tee vae pe, jare ambovɨakatu retata chero yerure pegua pe; jare mɨmba oyeyukagüe opa etei oyeapɨ vae, jare ïru mɨmba oyeyukagüe reta re chepɨakatuta amae, omee reta yave mɨmba oyeyuka oyeapɨ jese vae re; echa chero oyembojeeta, o yerure pegua opaete vae reta peguarä.

ISAÍAS 57:13

Resapúkai netumpa-raanga reta pe ndemborɨ vaerä yave, ngaraa ndemborɨ, ngaraa vi ndereroasayepe. Opata ɨvɨtu güɨroveve jókuae netumpa-raanga reta; ërei cheré güɨrovia vae, güɨnoita ɨvɨ imbaerä jare oikota cheɨvɨtɨ oñeñono tee vae pe.

ISAÍAS 65:25

Aguarayaɨmba jare vecha kuimbae raɨ okaru päveta, yaguapope jouta kapii güeye rami; jare mboi jembiurä ɨvɨkúi. Ngaraa oyombopɨatɨtɨ reta, jare ngaraa oyapo reta ikavimbae opaete cheɨvɨtɨ oñeñono tee vae pe.” Jei yandeYa.

ISAÍAS 66:20

Jare güeru retata opaete perëtara reta, tëtaguasu ñavo pe oime vae, güeru retata kavayu re, käretou pe, voɨka pe, mburika guasu re jare camello re. Güeru retata mbotarä cheve tëta Jerusalén pe, ɨvɨtɨ oñeñono tee vae re. Israel iñemuña reta güeru chero pe mbota mbae ikɨambae vae pe rami.” Che, peYa ko jae kuae.

JEREMÍAS 17:13

CheYa Tumpa, nde jae ko Israel iyeroviaka. Opaete ndereeya vae imarata ko. Opaete oyembosɨrɨ ndegüi vae, okañɨta metei kuimbae jee oyekuatía ɨvɨkúi re rami, echa ndereeya, nde ɨesaɨ osɨrɨ vae.

JEREMÍAS 19:4

Echa Israel iñemuña reta chereeya, jare omongɨa reta kuae ɨvɨ; oapɨ reta ikäti kavi vae incienso tumpa-raanga reta pe, jae reta mbaetɨ oikuaa vae pe, iñemuñagüe reta ave jare mburuvicha guasu reta Judá pegua mbaetɨ oikuaa vae pe; jare kuae ɨvɨ omotɨnɨe reta jekombae jugüɨ pe.

JEREMÍAS 2:28

Judá, ¿ketɨ pa oime tumpa-raanga reta reyapo ndeyeupe vae? ¡Topüa reta, yaecha ra ipuere reta ndereepɨ ou yave ndeve mbaesusere! Echa, ¡jeta yae tumpa-raanga renoi, tëta guasu reta jeta yae renoi rami!

JEREMÍAS 7:18

Michia reta güeru yepea tu pe jare tu reta oyatapɨ, kuña reta omboípɨu trigokúi mbɨyaperä omee vaerä mbota tumpa-raanga ara pegua Mburuvicha kuña pe oenɨi jae reta vae. Omee reta vi mbota vino oyepɨyere vae tumpa ambuae reta pe, chemboarasɨuka vaerä.

DEUTERONOMIO 32:17

omee reta mɨmba oyeyukagüe aña reta pe, jare mbaetɨ omee reta Tumpa pe; tumpa reta mbaetɨ oikuaa vae reta pe, tumpa ipɨau vae reta, köi güi güeru ramo vae pe, mbaetɨ peñemuñagüe reta omboete vae reta pe.

Hebreos 12:22

Ërei pe reta peya ma ɨvɨtɨ guasu Sión re, Tumpa oikove vae jëta guasu re. Jae ko Jerusalén ara pegua, araɨgua reta jeta yae ñogüɨnoia re,