ISAÍAS 64:2 - Biblia Guarani Tumpa Iñee

² tata jaku rai yae vae mbae omondɨkui vae rami, tata ombopupu ɨ vae rami. Jayave nderovaicho reta ndekuaata, jare tëtaguasu reta orɨrɨita nderóvai.

ISAÍAS 64:2 ပူးပေါင်းရင်းမြစ်များ

SALMOS 106:8

Ërei Tumpa güɨroasayepe, oaɨu jee ramo; oechauka vaerä imbaepuere.

SALMOS 46:10

“¡Peñemokïrii! ¡Peikuaa che ko jae Tumpa! ¡Che ko aï opaete tëtaguasu reta iárambo! ¡Chetuicha yaeta opaete ɨvɨ iárambo!”

SALMOS 79:10

Echa tëtaguasu reta jeita: “¿Ketɨ ra oime oï iTumpa?” ¡Emee toroecha jare toikuaa opaete vae! ¡Reyepɨ nderembiokuai reta jugüɨ oyepɨyeregüe re vae!

SALMOS 83:13

CheRu Tumpa, eyapo chupe reta kusumirou güɨroveve ɨtɨ rami, ñana joogüe ɨvɨtu opa güɨroveve rami;

SALMOS 9:20

Eiämondo reta cheYa, ¡toikuaa jae reta kuimbaeño ko vae!

SALMOS 99:1

¡YandeYa ko mburuvicha guasu! Torɨrɨi tëta reta; ¡jae güɨnoi iguapɨa, araɨgua querubín reta iä ipäu pe vae! Tokana opaete ɨvɨ.

ÉXODO 14:4

Jare che amotätata Faraón ipɨa, peraɨkuemoña vaerä; jare ayemboeteukata Faraón rupi jare opaete isundaro reta rupi, jare oikuaata Egiptoɨgua reta che ko jae peYa vae.” Jare jae reta jökorai oyapo.

ISAÍAS 28:21

Echa yandeYa oyapota ɨvɨtɨ Perazim pe rami, ɨvɨtɨ päu ipe kavi vae Gabaón pe rami iyarasɨta, oyapo vaerä jembiapo, jembiapo ambuaeyee vae, oyapo vaerä jembiapo yaikuaa rapembae vae.

ISAÍAS 37:20

Añave, oreYa Tumpa, orereepɨ jókuae mburuvicha ipo güi, opaete tëtaguasu reta oikuaa vaerä, ndeño ko jae oreYa Tumpa añetete vae.”

ISAÍAS 63:12

jókuae iyemboetea oñono Moisés re vae; ɨguasu omboyao jae reta japerä vae, jökorai oyapo jee jërakua yae avei vaerä vae,

JEREMÍAS 33:9

Jare Jerusalén oïta cheve yerovia katurä, mbaemboete jare yemboete pegua opaete tëtaguasu reta ɨvɨ pegua jóvai. Jare jae reta oikuaa che amee opaete mbae ikavi vae Jerusalén pegua reta pe yave, orɨrɨi retata okɨɨye güi.”

JEREMÍAS 5:22

Che, peYa jae: ¿Mbaetɨ pa peipoɨu chegüi? ¿Mbaetɨ pa pekɨɨye chegüi? Che añono ɨvɨkuitï ɨguasu jembeɨrä, ɨguasu ngaraai oasa vae. Yepe tëi tuicha ɨaparúa opüa, ërei ngaraai ipuere oasa.

AMÓS 4:12

“Jáeramo, jökorai ñotai ko poapo, pe Israel iñemuña reta; ¡jayave, peyupavo peñoövaiti vaerä peTumpa ndive!”

MIQUEAS 1:4

Jare jókuae ɨvɨtɨ guasu reta opata tɨkui iraitɨ tata pe oï rami, jare ɨvɨtɨ päu ipe kavi vae reta opata oñemoɨ̈aka-soro, ɨ oa ɨ̈vavira rupi rami.

ZACARÍAS 14:4

Jókuae ara ogüeyɨta ɨvɨtɨ Olivo jee vae re, Jerusalén jóvai kuaraɨ oëa kotɨ oï vae re; jare ɨvɨtɨ Olivo jee vae oyemboyaota mbɨte rupi, kuaraɨ oëa kotɨ jare oikea kotɨ rupi, jare opɨtata ɨvɨtɨ päu ipe kavi jare ɨvɨtɨ jovaichogüe opɨtata ɨvɨtuguasu kotɨ, jare ïru jovaichogüe opɨtata arayevɨ kotɨ.

DEUTERONOMIO 2:25

Añave güive amboɨpɨta añono kɨɨye rai opaete tëta reta re pegüi; oendu yave peregua, ipɨatɨtɨta jare orɨrɨita pegüi.’