ISAÍAS 63:9 - Biblia Guarani Tumpa Iñee

⁹ opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

ISAÍAS 63:9 ပူးပေါင်းရင်းမြစ်များ

GÉNESIS 48:16

Araɨgua chereroasayepe opaete ikavimbae güi vae, tiporerekua kuae kunumi reta re. Kuae reta rupi toiko avei cheree, jare cheru Isaac jee, jare Abraham jee, jare toñemuña reta jeta yeyé kuae ɨvɨ pe.”

JOB 37:23

Imbaepuere yae ete vae regua mbaetɨ yandepuere opa yaikuaa, jae ko tuicha imbaepuere pe vae jare jupi vae; jae mbaetɨ oporogüɨrekoasɨ katu.

SALMOS 25:22

¡CheRu Tumpa, eepɨ Israel iñemuña reta opaete oiporara vae güi!

SALMOS 78:38

Ërei jae ko iporoparareko vae, iñɨ̈ro mbaeyoa re jare mbaetɨ oporomokañɨtei vae; ombosɨrɨ avei iyarasɨ, mbaetɨ omboyekuaa opaetei iyarasɨ.

ÉXODO 14:19

Jare Tumpa iaraɨgua ojo oiko Israel iñemuña reta jenonde vae, osɨrɨ, jare ou oñeñono jae reta jaɨkue kotɨ; jaeramiño vi amapɨtu metei jɨsɨ ojo oiko jae reta jenonde vae osɨrɨ vi, jare ou oñeñono jae reta ikupe kotɨ,

ÉXODO 15:13

Ndeporoparareko rupi reroata kuae tëta reyora vae; reraja ndembaepuere rupi nerëta oñeñono tee vae pe.

ÉXODO 19:4

“Pe reta peecha kërai ayapo Egiptoɨgua reta vae, jare peikuaa kërai pogüeru chekotɨ güɨraké ipepo re rami.

ÉXODO 33:14

Jare Tumpa jei chupe: —Che etei aïta nde ndive, jare mbaetɨta ma mbae re reyemoambeko.

ÉXODO 33:15

Ërei Moisés jei chupe: —Nde mbaetɨta reo che ndive yave, agüɨye orerenoe kuae güi.

ISAÍAS 43:1

Añave, Israel, Jacob iñemuña reta, yandeYa, ndeapoa jei ndeve körai: “Agüɨye ekɨɨye, che ko roepɨ; che ko reenɨi, chembae ko nde.

ISAÍAS 43:4

Echa ndereepɨ yae ko amae nderé, che roaɨu yae ko. Rogüɨnoi vaerä che ndive jare rogüɨroasayepe vaerä, amee ko nderekovia pe kuimbae reta jare tëtaguasu reta.

ISAÍAS 48:20

Peë Babilonia güi, petekuarai Caldeaɨgua reta ipɨte güi. Pesapúkai pemoërakua kuae, peyerovia reve, pemoërakua ɨvɨ iyapɨ rupi ave. Pere: ‘¡YandeYa oyora jembiokuai Jacob iñemuña reta!’ ”

ISAÍAS 51:10

opa ko remondɨpa ɨguasu, ɨguasu rupi reyapo tape, reyoragüe reta oasa vaerä jokoropi.

ISAÍAS 52:9

¡Petairari mbaemboete, peyerovia päve Jerusalén oyemboaigüe; echa yandeYa ombopɨakatu jëta, oepɨ ye Jerusalén!

DANIEL 6:22

CheTumpa ombou iaraɨgua, jae oyopia yaguapope reta iyuru, agüɨye vaerä maratu cheapo, echa jae jóvai mbaetɨ ko chereko; jare nderóvai ave mbaetɨ mbae ikavimbae ayapo mburuvicha guasu.

OSEAS 1:7

Ërei Judá pegua reta re anoita mboroparareko, jare che peYa Tumpa aepɨta; mbaetɨta aepɨ güɨrapa rupi, ani kɨsepuku rupi, ani ñeraro rupi, ani sundaro kavayu regua reta rupi.”

JOEL 2:18

Jayave yandeYa oipararekota imbae vae reta jare iñïrota chupe reta,

ZACARÍAS 2:8

Echa yandeYa Imbaepuere yae ete vae chembou tëtaguasu reta pepogüɨrai pereeya vae pe kuae ñee ndive. “Echa opoko pere yave kia nunga vae, cheresäɨ kunumi re opoko rami ko.

MALAQUÍAS 3:1

YandeYa Imbaepuere yae ete vae jei: “Mase, ko amondo cheñeemombeúa, jae oyapo kavita cheraperä; jare yandeYa outa güɨramoiño tupao guasu pe jókuae pe reta peeka vae, araɨgua morogüɨrökuavee päve pegua, jókuae pe reta peipota vae.”

San Mateo 25:40

Jayave che Mburuvicha guasu jaeta chupe reta: ‘Opaete peyapo kuae cherɨvɨ reta michi vae pe vae, peyapo ko cheve etei.’

San Mateo 25:45

Jayave che jaeta chupe reta: ‘Añete che jae peve, pemborɨä cherɨvɨ reta michi vae yave, cheve ko peyapoä.’

San Lucas 15:5

Jare oväe yave, ovoɨ güeru ye iyatiɨ re oyerovia yae reve.

Hechos 12:11

Jayave ramo Pedro oikuaa kuae oyeapo vae añete yepe, jare jei iyeupe: “Añave aikuaa cheYa ko ombou iaraɨgua chereroasayepe Herodes güi jare opaete judío reta oipota oyapo cheve vae güi.”

Hechos 7:38

Araɨgua omomiari Moisés ɨvɨtɨ guasu Sinaí pe, ñuu pe oyemboatɨ yave Moisés jare ñaneñemuñagüe reta. Tumpa omee Moisés pe ñee tekove pegua, jae omombeu vaerä yandeve.

Hechos 9:4

Jare Saulo oa ɨvɨ re, jare oendu ñee jei chupe: “Saulo, Saulo, ¿maera pa reñemopüa chekotɨ?”

1 Corintios 10:9

Agüɨye vi ñajäa yandeYa ipɨaguasu, echa jökorai oyapo amogüe jae reta, jáeramo oyukauka reta mboi reta rupi.

DEUTERONOMIO 1:31

Kuimbae oipoko taɨ güɨroata rami, peecha yandeYa Tumpa pereroata ñuu rupi opaete peguataa rupi, peyu regua peväe kuae pe.’

DEUTERONOMIO 4:37

Echa jae oaɨu yae peñemuñagüe reta jeko pegua perenoe Egipto güi jae etei imbaepuere tuichagüe ndive.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Hebreos 2:18

Echa aña guasu omomiari oyavɨuka vaerä tëi chupe vae, imbaepuere yae ko omborɨ vaerä jókuae oyavɨta tëi vae.

Hebreos 4:15

Echa yandesacerdote tenondegua ete yandeparareko ko ñanepɨ̈ratambae re, echa jae oiporara opaete morojäa reta yande rami, ërei jae mbaetɨ etei iyoa.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,

JUECES 10:16

Jare Israel iñemuña reta oeya tumpa ambuae reta jare oyerova ye reta omee mbaemboete yandeYa pe; jare yandeYa mbaetɨ ma güɨropɨa Israel iñemuña reta oiporara ñogüɨnoi vae.