ISAÍAS 63:6 - Biblia Guarani Tumpa Iñee

⁶ Chearasɨ rupi opaetei amboai tëtaguasu reta, opa amboai reta chearasɨ rupi, jare jugüɨ apɨyere chugüi reta ɨvɨ rupi, jei yandeYa.

ISAÍAS 63:6 ပူးပေါင်းရင်းမြစ်များ

JOB 21:20

Jae toecha oyavɨgüe, jare toiporara Imbaepuere yae ete vae iyarasɨ.

SALMOS 60:3

Reechauka ndembae vae reta pe mbae yavai yae vae, remee roɨu vino oporombosavaɨpo vae re rami.

SALMOS 75:8

Echa yandeYa ipo pe güɨnoi kopa iyarasɨ pegua, jare vino jayasɨ rai yae oï. Jae opɨyere yave, opaete iyoa vae reta oɨuta jese, opaetei regua omotini.

ISAÍAS 22:5

Echa yandeYa Imbaepuere yae ete vae oñono ma ou vaerä ara yavaetegüe, kañɨtei pegua jare mbɨatɨtɨ pegua tëta guasu ɨvɨtɨ päu ipe kavi vae reta ipäu pegua pe. Opa oyemboai tëta guasu ikësea; ojoi oyeendu jäse reta vae ɨvɨtɨ re.

ISAÍAS 29:9

¡Peiko peikuaambae, jayave! ¡Peiko jesambae rami! ¡Peresagüɨrɨ, osavaɨpogüe rami, yepe tëi mbaetɨ peu mbae oporombosavaɨpo vae!

ISAÍAS 34:2

Echa yandeYa iyarasɨ oï opaete tëtaguasu reta kotɨ, jare opaete sundaro reta kotɨ, opata omboai, opata omee mano pe.

ISAÍAS 34:7

Omano retata mɨmba búfalo jee vae rami, jare toro reta jare toro taɨrusu vae reta rami, jare iɨvɨ ñakɨ̈ta tugüɨ pe, jare ɨvɨkúi oñemonata mbaekɨra pe.

ISAÍAS 49:26

Nderovaicho reta pe jauukata isoo aeño, jare jugüɨ ae pe oyembosavaɨpo reta vino pe rami. Jökorai opaete vae toikuaa, che ndeYa, ndereroasayepe jare ndeReepɨ vae, jae ko Imbaepuere yae ete vae Jacob pe.”

ISAÍAS 51:17

Epa jare epüa Jerusalén. Reiporara yandeYa iyarasɨ, okau vae, opaetei jou kopa pegua vae osavaɨpo opɨta rami.

ISAÍAS 65:12

che pomeeta pemano ñeraro pe, opaete pe reta peyetavatɨkata peäka oyeasɨa vaerä. Echa poenɨi tëi, ërei mbaetɨ pemboyevɨ cheve; pomomiari tëi, ërei mbaetɨ peendu cheve; peyapo ikavimbae cheróvai, peiparavo peyeupe, mbaetɨ etei ipöra cheve vae.”

JEREMÍAS 13:13

Javoi nde ere chupe reta: ‘YandeYa jei: Ambosavaɨpota opaete kuae ɨvɨ pe yogüɨreko vae, mburuvicha guasu reta David jëtara, jae iporookuaía pe oguapɨ vae, sacerdote reta, ñeemombeúa reta jare opaete Jerusalén pe yogüɨreko vae.

LAMENTACIONES 3:15

Tumpa chembopɨatɨtɨ yae; omee aɨu mbae iro yae vae re.

SOFONÍAS 3:8

Jáeramo, cheräro pe reta, ayuta metei ara pojäa. Che, peYa ko jae jökorai: Ayemongeta amboatɨ vaerä tëtaguasu reta jare mborookuaía reta aitɨ vaerä jese reta chearasɨ, chearasɨ yavaetegüe. ¡Cherägüɨro jeko pegua chearasɨ yaeta, opaeteita amboai kuae tëtaguasu reta!

Apocalipsis 14:10

jae jouta vi Tumpa iyarasɨ oyeambae etei oï kopa pe vae. Oiporara yaeta tata jare azufre araɨgua reta iyoambae jare Vecha kuimbae taɨrusu vae jóvai.”

Apocalipsis 16:19

Jare tëta guasu oyemboyao mboapɨ pe, jare tëta guasu reta ïru ɨvɨ pegua opa oa. Jare Tumpa imaendúa jókuae tëta guasu Babilonia jee vae re, jouuka vaerä chupe vinoecha, iyarasɨ yae ikotɨ vae.

Apocalipsis 16:6

echa jae reta oyuka oporogüɨrovia vae reta jare ñeemombeúa reta, jáeramo remee vi jou reta tugüɨ. ¡Echa jupi ko jökorai vaerä!”

Apocalipsis 18:21

Jayave metei araɨgua imbaepuere yae vae oipɨɨ metei ita, ita tuicha vae oyembaeso pɨpe rami vae, jare omombo ɨguasu pe jei reve: “Köraita rea tätagüe tëta guasu Babilonia. Ngaraa ye ma kia ndereecha.