ISAÍAS 62:8 - Biblia Guarani Tumpa Iñee

⁸ YandeYa jei iyé aeño, oupi reve iyɨva iyakatu kotɨgua imbaepuere yae vae: “Ngaraa ye ma amaeño nderovaicho reta jou ndetrigo ani ketɨgua reta jou vino reparavɨkɨ jese vae;

ISAÍAS 62:8 ပူးပေါင်းရင်းမြစ်များ

ISAÍAS 1:7

Peɨvɨ reta opa opɨta ipombae, perëta guasu reta opa oyeapɨ, ketɨgua reta perovakei opa jou peremitɨ, tovaicho reta opa omboai oeya rami oï perëta.

ISAÍAS 45:23

Cheyé aeño ko añererökuavee, cheyuru güi ko oë ñee jupi vae, jare ngaraa ko opɨta oyembopombae: Opaete vae oyetavatɨkata cheróvai, jare cheree reño jei retata mbaembae oyapo vaerä vae,

ISAÍAS 54:9

“Jáeramo, Noé oiko yave ramita, Noé pe añererökuavee cheree ae re, ngaraa ye ma ɨvɨ opa amboai vaerä ɨ pe, jökorai vi añave, añererökuavee cheree ae re, ngaraa ye ma chearasɨ ndekotɨ, ngaraa ye ma añeengata ndeve.

ISAÍAS 55:2

¿Maera pa peiporu pekorepoti, tembiumbae re, jare peparavɨkɨ, mbae pemoangapɨɨmbae re? Peyeapɨsaka kavi cheré, jare peu tembíu kavi, peu tembíu jëe ngatu vae.

ISAÍAS 59:16

Jare yandeYa ipɨakañɨ, oecha yave mbaetɨ kia oyapo kavi kuaekuae; jayave jae etei oyapo imbaepuere rupi, jare oporomoamɨri.

JEREMÍAS 31:5

Renoi yeta uvarupa, ɨvɨtɨ reta Samaria pegua rupi, uva oñotɨ vae, oyekou yaeta iagüe re.

JEREMÍAS 5:17

Neremitɨ jare nderembíu jou retata, nemichia reta ave jou retata ndegüi. Ndevecha jare ndeguaka reta, ndeuva jare ndeɨva reta. Jembiporu ñeraro pegua pe omboaita tëta guasu oñekëse kavi vae, reyerovia jese vae.”

EZEQUIEL 20:5

Ere chupe reta: ‘YandeYa Tumpa jei Körai: Aiparavo yave Israel, chepo aupi reve añererökuavee iñemuña reta pe jare ayekuaauka chupe reta Egipto pe. Chepo aupi reve añererökuavee, jae chupe reta: Che ko jae peYa Tumpa.

LEVÍTICO 26:16

che ayapota vi peve kuae: Ambouta peve kɨɨye yavaetegüe, peiporara yae vaerä, pembopɨtu yae vaerä, jare pemaetɨ tëiñota, echa perovaicho reta jou vaeräño ko.

AMÓS 9:14

Jayave Israel tëta chembae vae aru yeta tembipɨɨ güi, jare omopüa pɨau reta yeta tëta oyemboai oï vae, jare yogüɨrekota pɨpe; oñotɨ retata uva, jare jou retata tɨgüegüe, ko oyapo retata jare jou retata jemitɨ iagüe.

DEUTERONOMIO 28:30

Pemomiari tëita kuña pemenda ïrurä, ërei ambuae vae kuimbaei güɨrekota; peyapota o, ërei ngaraa peiko pɨpe; peñotɨta uva, ërei ngaraa peyekou iagüe re.

DEUTERONOMIO 28:31

Pegüeye peróvai oyuka retata pegüi, ërei ngaraa peu isoogüe; pemburika peróvai güi oñomita pegüi, ërei ngaraa oyemboyevɨ ye peve; pevecha reta oñemeeta perovaicho reta pe, ërei mbaetɨta kia opɨ̈ro ye peve vaerä.

DEUTERONOMIO 28:33

Peremitɨ iagüe, jare opaete peparavɨkɨ rupi oime vae, jouta peikuaambae vae reta, oiporarauka aveita peve vae.

DEUTERONOMIO 32:40

Che aupita chepo ara kotɨ, jare tae cheyé aeño peve: