ISAÍAS 62:4 - Biblia Guarani Tumpa Iñee

⁴ Ngaraa ye ma ndembojee reta “Oyeeyagüe pe”, ngaraa ye ma jei reta ndeɨvɨ pe “Oyemboai vae”, ërei ndembojee retata Hefzi-bá pe jare ndeɨvɨ oyembojeeta Beula, echa yandeYa iporoaɨu oï nde ndive, jare jae oikota ndeve, ndeɨvɨ ndive omenda rami.

ISAÍAS 62:4 ပူးပေါင်းရင်းမြစ်များ

SALMOS 149:4

Echa yandeYa oyerovia imbae vae reta re; jare omee ipɨa omomichi vae reta pe yereroasayepe.

SALMOS 16:3

Tumpa-raanga reta imbaepuere ko, jese güɨrovia vae reta peguarä.

ISAÍAS 49:14

Ërei tëta guasu Sión pegua jei: ‘CheYa chereeya, cheYa ñakañɨ chegüi.’

ISAÍAS 54:1

Imembɨmbae vae, eyerovia; nde mbaetɨi nemembɨ vae, etairari, reyerovia güi, echa yandeYa jei: “Kuña oyeeyagüe, jetata imembɨ, kuña ime ndive oï vae güi.”

ISAÍAS 60:15

Ngaraa ma reyemombo reiko, reñereröɨro ani reiko ndeiño, che rombotuicha yaeta jekuae avei pegua, vɨakatu oñeväeta nderé jekuae avei rupi.

ISAÍAS 60:18

Ndeɨvɨ pe ngaraa ma jërakua tekorai, ngaraa ma vi oime susere ndeɨvɨ pe, jaeño nekësea rembojeeta ‘Yereroasayepe’, jare neröke reta ‘Mbaemboete’.

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

ISAÍAS 62:12

Israel iñemuña reta pe jei retata: “Tëta oñeñono tee vae.” “IYa Tumpa oepɨgüe.” Nde ndembojee retata: “Tëta guasu ipotaa yae vae.” “Tëta guasu mbaetɨ oyeeya vae.”

ISAÍAS 62:2

Jayave jeta vae reta oechata ndeporogüɨroasayepe, jare opaete mburuvicha guasu reta oechata ndeyemboetea. Jayave ndembojee pɨauta, tee ipɨau pe, yandeYa etei ndembojeeta.

ISAÍAS 62:5

Echa kunumi omenda kuñatai, mbaetɨ kuimbae ndive oasa vae rami, jökorai Tumpa omendata nde ndive. Kuimbae oyerovia katu jembireko ndive rami, jökorai neTumpa oyerovia katuta nde ndive.

ISAÍAS 65:19

Ayeroviata Jerusalén re, jare avɨakatuta chembae vae ndive; jare ngaraa ye ma oyeendu pɨpe yaeo jare jäse vae.

JEREMÍAS 3:14

YandeYa jei: “Ipɨapochɨ vae reta, peyerova ye, che ko peYa. Perëta guasu ñavo güi aipɨɨta metei jare tëtara ñavo güi mókoi, jare pogüɨrajata Sión pe.

JEREMÍAS 32:41

Che ayerovia yaeta ayapo vaerä ikavi vae chupe reta, jare opaete chepɨa-kɨ̈reɨ ngatu reve ameeta yogüɨreko avei vaerä kuae ɨvɨ pe.”

JEREMÍAS 33:9

Jare Jerusalén oïta cheve yerovia katurä, mbaemboete jare yemboete pegua opaete tëtaguasu reta ɨvɨ pegua jóvai. Jare jae reta oikuaa che amee opaete mbae ikavi vae Jerusalén pegua reta pe yave, orɨrɨi retata okɨɨye güi.”

EZEQUIEL 36:35

Jei retata: Kuae ɨvɨ ipombae oikose vae, añave oyeapo kó raɨ Edén pegua rami; tëta guasu reta oyemboai jendagüeño opɨta vae, añave oñemopüa pɨau ye jare yogüɨreko ye ma pɨpe vae.

OSEAS 2:21

Che peYa jae körai: Jókuae ara rupi, che ayeapɨsakata ara re, jare ara oyeapɨsakata ɨvɨ re;

OSEAS 2:22

jare ɨvɨ omeeta trigo, vino jare olivo iasaite, jare jae reta oyeapɨsakata Jezreel re.

SOFONÍAS 3:17

YandeYa oime oï nde ndive; ¡imbaepuere yae vae ko, jae ndereroasayepeta! Oyerovia katuta ndekotɨ. Iporoaɨu jeko pegua omeeta ndeve tekove pɨau otairari reve.

MALAQUÍAS 3:12

“Jare opaete ïru tëtaguasu reta jeita peve: ‘Oyerovia vae reta’, echa peɨvɨ kavi yaeta.” Jei yandeYa Imbaepuere yae ete vae.

San Juan 3:29

Jae ko metei kuimbae omendata vae rami. Che ko omendata vae ivɨa-ïru rami. Echa omendata vae ivɨa-ïru opɨta omendata vae ndive jare oyeapɨsaka jese jare oyerovia iñee oendu yave. Jökoraiño vi ko che añave ayerovia yae.

2 Corintios 11:2

Cherägüɨro peré, Tumpa jägüɨro rami. Echa pomee ma Cristo pe imenda ïrurä, poñono vaerä jóvai metei kuñatai ndeiño etei oasa kuimbae ndive vae rami.

DEUTERONOMIO 30:9

Jayave yandeYa Tumpa pemboyekouta opaete mbaembae peyapo vae rupi, pemichia reta rupi, perɨmba reta rupi, peremitɨ ia reta rupi, ikavi yae vaerä; echa yandeYa oyerovia yeta peré ikavi vae rupi, peñemuñagüe reta re oyeroviase rami,

Hebreos 13:5

Agüɨye peipotarai korepoti. Peyerovia mbaembae penoi vae re, echa Tumpa jei: “Ngaraa poeya peangarekoambae.”

1 Pedro 2:10

Tenonde yave pe reta Tumpa imbae retaä ko, ërei añave peyeapo ma Tumpa imbae retarä; tenonde yave Tumpa mbaetɨ peparareko, ërei añave peparareko.

Apocalipsis 21:2

Jare che etei aecha jókuae tëta guasu oñeñono tee Tumpa peguarä vae, jae ko Jerusalén ipɨau vae, ogüeyɨ ou Tumpa oïa güi. Oyeapokatu ou metei kuñatai omendata vae rami.