ISAÍAS 62:2 - Biblia Guarani Tumpa Iñee

² Jayave jeta vae reta oechata ndeporogüɨroasayepe, jare opaete mburuvicha guasu reta oechata ndeyemboetea. Jayave ndembojee pɨauta, tee ipɨau pe, yandeYa etei ndembojeeta.

ISAÍAS 62:2 ပူးပေါင်းရင်းမြစ်များ

GÉNESIS 17:15

Tumpa jei vi Abraham pe: —Nderembireko Sarai ngaraa ma reenɨi Sarai pe, rembojeeta Sara.

GÉNESIS 17:5

ngaraa ye ma ndembojee Abram, jae ko añave güive nderee Abraham, echa roñono ma jeta vae reta turä.

GÉNESIS 32:28

Jare jókuae kuimbae jei chupe: —Ngaraa ye ma nderee Jacob. Ndembojee retata Israel; echa reñoïraro ko Tumpa ndive jare kuimbae reta ndive, jare reporomoamɨri.

SALMOS 98:2

YandeYa oechauka iporogüɨroasayepe, imbaejupi oechauka opaete tëtaguasu reta jesa róvai;

ISAÍAS 1:26

Amopüa yeta mburuvicha oporojäa vae reta, oime ye vaerä tenonde yave rami, jare oporomboarakuaa vae reta tenonde yave rami. Jayave nereenɨi reta yeta ‘Tëta guasu jupi vae jenda’, ‘Tëta guasu jupi vae’.

ISAÍAS 26:2

Peipea öke reta, oike vaerä jupi vae reta, añete vae rupi yogüɨreko vae reta.

ISAÍAS 43:7

opaete jókuae cheree güɨnoi vae reta, jókuae ayapo jupi reta ayemboeteuka vaerä vae.’

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 52:10

YandeYa omboyekuaa imbaepuere, opaete tëtaguasu reta jesa róvai, jare opaete ɨvɨ iyapɨ rupi ave oendu ñaneTumpa iporogüɨroasayepe re vae.

ISAÍAS 56:5

yepe tëi mbaetɨ taɨ jare tayɨ, ërei che ameeta chupe reta ikavi yae vae, jae ko, jee opɨta vaerä jekuae avei pegua chero pe, chero japɨpe pe; ameeta chupe jee opambae, ngaraa etei oyemboai vae.

ISAÍAS 60:11

Neröke reta oyepea aveita; ngaraa oyeokenda ara pe ani pɨ̈tu yave ave, oyereru vaerä ndeve tëtaguasu reta imbaeyekou reta, jare mburuvicha guasu reta oike vaerä jupiegua reta ndive.

ISAÍAS 60:16

Tëtaguasu reta omeeta ndeve tembíu ikavigüe jare mburuvicha guasu reta güeruta ndeve imbaeyekou reta; jayave peikuaata che peYa ko jae pereroasayepe vae, che, Imbaepuere yae ete vae Jacob pe vae, che ko jae ndeReepɨ vae.

ISAÍAS 61:11

Echa ɨvɨ pe jokɨ ɨvɨra, jare kó raɨ pe jokɨ pɨau temitɨ vae rami ko, jökorai yandeYa Tumpa oyapota jupi vae, jare opaete tëtaguasu reta otairarita ombaemboete.

ISAÍAS 61:9

Jërakua yaeta iñemuña reta opaete tëtaguasu reta rupi; opaete oecha vae, oikuaata jae ko metei tëta Tumpa iporerekua jese vae.

ISAÍAS 62:12

Israel iñemuña reta pe jei retata: “Tëta oñeñono tee vae.” “IYa Tumpa oepɨgüe.” Nde ndembojee retata: “Tëta guasu ipotaa yae vae.” “Tëta guasu mbaetɨ oyeeya vae.”

ISAÍAS 62:4

Ngaraa ye ma ndembojee reta “Oyeeyagüe pe”, ngaraa ye ma jei reta ndeɨvɨ pe “Oyemboai vae”, ërei ndembojee retata Hefzi-bá pe jare ndeɨvɨ oyembojeeta Beula, echa yandeYa iporoaɨu oï nde ndive, jare jae oikota ndeve, ndeɨvɨ ndive omenda rami.

ISAÍAS 65:15

Peeyata peree cherembiparavo reta oyepopeyu pɨpe vaerä. Jökoraita che peYa poyukauka, ërei cherembiokuai reta ambojee pɨauta, ïru tee pe.

ISAÍAS 66:11

peu jare peyemoangapɨɨ iporombopɨakatu re. Peu jare peyekou iyemboetea jembipe re.”

ISAÍAS 66:12

Echa che peYa, körai ko jae: “Ko aru jese mbɨakatu, ɨ̈aka pe ɨ ou oväe rami, jare tëtaguasu reta imbaeyekou reta, ɨ̈aka pe ɨ jembeɨ oyepɨyere rami. Jae reta pemongaruta jare pereruta iyɨva re, jare täpapau pe pemboyaru yaru retata.

ISAÍAS 66:19

Jare amokañɨmaata chupe reta: Chugüi reta ojoyepegüe, amondota tëtaguasu reta kotɨ, jae ko: Tarsis, Fut jare Lud pe; kuae tëtaguasu Lud pegua reta oikatu oiporu uvɨ, Tubal jare Javán kotɨ, jare matɨ rupi tëtaguasu reta ñogüɨnoi ɨguasu jembeɨ rupi vae, jókuae mbaetɨ oendu reta cheregua vae, jare mbaetɨ vi oecha reta cheyemboetea; jae reta omoërakuata cheyemboetea tëtaguasu reta pe.

JEREMÍAS 33:16

Jókuae ara rupi Judá oyeyorata jare Jerusalén oiko pɨagüiveta, jare ombojee retata: YandeYa ko jae jupi vae yandeveguarä vae.

JEREMÍAS 33:9

Jare Jerusalén oïta cheve yerovia katurä, mbaemboete jare yemboete pegua opaete tëtaguasu reta ɨvɨ pegua jóvai. Jare jae reta oikuaa che amee opaete mbae ikavi vae Jerusalén pegua reta pe yave, orɨrɨi retata okɨɨye güi.”

MIQUEAS 5:8

Körai eteita ko Jacob iñemuña reta jembɨregüe, ïru tëtaguasu reta rupi; yaguapope, mɨmba ñanaɨgua reta ipɨte rupi rami, yaguapope raɨ vecha reta ipɨte rupi rami; kuae oasa yave mɨmba reta ipɨte rupi, mbaetɨ ipuere ojoyepe chugüi vae.

Hechos 11:26

Jare joko pe yogüɨreko metei año oporogüɨrovia vae reta ndive, jare omboe jeta vae. Jare Antioquía pe omboɨpɨ ombojee oporogüɨrovia vae reta “Cristo güɨrovia vae reta” pe.

Hechos 26:23

Echa jae reta jei Cristo oiporara ñotai ko, jare jae tenonde oikove yeta ko omanogüe reta ipɨte güi, oechauka vaerä tembipe judío reta jare judiombae vae reta pe.”

Hechos 9:15

YandeYa jei chupe: “Ekuaño, echa che aiparavo ma kuae kuimbae ojo vaerä omoërakua cheregua judiombae vae reta pe, mburuvicha guasu reta pe jare Israel pegua reta pe.

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

Apocalipsis 2:17

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae maná oñeomi oï vae, jare ameeta vi chupe metei ita raɨ tïi vae. Jókuae ita re oime metei tee ipɨau vae oyekuatía oï, jókuae tee mbaetɨ etei kia oikuaa, jaeño omboresive vae.’

Apocalipsis 3:12

Oporomoamɨri vae añonota cheTumpa jo pe okɨta rami, jare ngaraa etei oë ye. Güɨnoita mbaepuere tuicha vae metei okɨta ipɨ̈rata yae vae rami. Jare aikuatiata jese cheTumpa jee jare jëta guasu Jerusalén ipɨau vae jee ogüeyɨta ara güi cheTumpa ndive vae. Jaeramiño vi aikuatiata jese cheree ipɨau vae.