ISAÍAS 62:10 - Biblia Guarani Tumpa Iñee

¹⁰ Peasa, peasa öke reta rupi, peipea tape chembae vae reta peguarä. Peñono kavi tape oyeguata jupi vae, pembosɨrɨ tape güi ita reta, peupi bandera, oecha vaerä opaete vae tëtaguasu reta.

ISAÍAS 62:10 ပူးပေါင်းရင်းမြစ်များ

SALMOS 24:7

¡Öke reta, peyepea! ¡Öke reta ñɨma vae, peyepea, Mburuvicha guasu imboetea yae vae oiketa!

SALMOS 68:4

Petairari Tumpa pe, petairari Salmo pe jae jee re. Pembotuicha ɨvate ara rupi oguata vae. ¡Peyerovia yandeYa jee re! ¡Peyerovia jae jóvai!

ÉXODO 17:15

Jare Moisés oyapo metei mɨmba oyeyuka oyeapɨ jese vae, jare ombojee “yandeYa-nissi,”

ISAÍAS 11:10

Jare jókuae ara Ɨvɨraɨpɨ rami vae Isaí güi oëta metei jokɨ, jae oñeñonota metei bandera rami opaete vae reta peguarä, opaete vae reta oekata; jare jëta jërakua yaeta.

ISAÍAS 11:12

Omopüata bandera opaete tëtaguasu reta peguarä, omboatɨta peɨvɨ Israel güi oyemombogüe reta, omboatɨta Judá pegua reta opa oñemoai ñogüɨnoi mombɨrɨ ara igüɨ kotɨ rupi vae.

ISAÍAS 11:16

Oyepeata tape, tëta imbae vae jembɨregüe pe, Asiria kotɨ güi oyerova reta ye yave, jëtara Israel iñemuña reta oyerova ye Egipto kotɨ güi yave rami.

ISAÍAS 18:3

Pe reta, opaete ɨvɨ pegua reta, bandera oñemopüa ɨvɨtɨ re yave pemae jese, jare mimbɨguasu oñemoñee yave peyeapɨsaka jese.

ISAÍAS 19:23

Jókuae ara oimeta tape tuicha vae ojo Egipto güi Asiria kotɨ vae. Asiriaɨgua reta yogüɨrajata oväe Egipto pe jare Egiptoɨgua reta Asiria pe; jare jae reta omboete päveta yandeYa.

ISAÍAS 26:1

Jókuae ara otairari retata kuae tairari ɨvɨ Judá pe: “Ñanoi tëta guasu jëguambae, yandeYa yandereepɨ vaerä oñono tëta guasu ikësea, omboyokupe oñono.

ISAÍAS 26:2

Peipea öke reta, oike vaerä jupi vae reta, añete vae rupi yogüɨreko vae reta.

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

ISAÍAS 35:9

Jokoropi mbaetɨta oime yaguapope, ngaraa oime ani ou jokoropi mbaeporou reta. Oyeyoragüe retaño yogüeruta jokoropi,

ISAÍAS 40:3

Ñeeäta oyeendu ñuu pe körai: “Peñono kavi tape yandeYa pe; pembosɨmbi tape ñaneTumpa pe, tapembaea rupi.

ISAÍAS 40:4

Opaete ɨvɨtɨ päu reta toyemboyovake, jare opaete ɨvɨtɨ guasu jare ɨvɨtɨ toyembosɨmbi; opaete ɨ̈vɨa toyembosɨmbi, jare ipe kavimbae toyemboipe.

ISAÍAS 48:20

Peë Babilonia güi, petekuarai Caldeaɨgua reta ipɨte güi. Pesapúkai pemoërakua kuae, peyerovia reve, pemoërakua ɨvɨ iyapɨ rupi ave. Pere: ‘¡YandeYa oyora jembiokuai Jacob iñemuña reta!’ ”

ISAÍAS 49:11

Ayapota tape ɨvɨtɨ rupi jare tape amboipe kavita.’

ISAÍAS 49:22

YandeYa jei: “Ayokuaita opaete vae tëtaguasu reta, güeru reta vaerä iyɨva re nemembɨ reta, jare nememɨkuña reta iyatiɨ re.

ISAÍAS 52:11

¡Pesɨrɨ, pesɨrɨ, peë jókuae Babilonia güi, agüɨye peyavɨkɨ mbae ikɨa Tumpa jóvai vae, peë joko güi; peyetɨo yandeYa jembiporu jerajaa reta!

ISAÍAS 57:14

Jayave oyeenduta jei: “Peyapo kavi jare pemboipe tape, pembosɨrɨ tape güi mbae oporomboavai vae reta, chembae vae reta oasa vaerä.”

ISAÍAS 60:11

Neröke reta oyepea aveita; ngaraa oyeokenda ara pe ani pɨ̈tu yave ave, oyereru vaerä ndeve tëtaguasu reta imbaeyekou reta, jare mburuvicha guasu reta oike vaerä jupiegua reta ndive.

ISAÍAS 60:18

Ndeɨvɨ pe ngaraa ma jërakua tekorai, ngaraa ma vi oime susere ndeɨvɨ pe, jaeño nekësea rembojeeta ‘Yereroasayepe’, jare neröke reta ‘Mbaemboete’.

ISAÍAS 66:19

Jare amokañɨmaata chupe reta: Chugüi reta ojoyepegüe, amondota tëtaguasu reta kotɨ, jae ko: Tarsis, Fut jare Lud pe; kuae tëtaguasu Lud pegua reta oikatu oiporu uvɨ, Tubal jare Javán kotɨ, jare matɨ rupi tëtaguasu reta ñogüɨnoi ɨguasu jembeɨ rupi vae, jókuae mbaetɨ oendu reta cheregua vae, jare mbaetɨ vi oecha reta cheyemboetea; jae reta omoërakuata cheyemboetea tëtaguasu reta pe.

JEREMÍAS 18:15

Ërei tëta chembae iñakañɨ chegüi, oapɨ ikäti kavi vae incienso tumpa-raanga reta pe. Opia jape ñɨma vae güi, jare oguata jókuae tape oikuaambaea rupi.

JEREMÍAS 4:6

Pemopüa bandera Sión pe; ¡petekuarai, agüɨye pepɨta! Echa ɨvɨtuguasu kotɨ güi aruta susere jare kañɨtei.

EZEQUIEL 26:2

“Nde kuimbae, Tiro jei Jerusalén kotɨ: ‘¡Tëta guasu Jerusalén opa oyemboai! Tëtaguasu pegua reta omaemee jare ombaegua yepi pɨpe vae. ¡Añave che mo tayemboikokatu, jae oyemboai oï ramboeve!’

San Mateo 22:9

Jáeramo pekua tape rupi jare pere opaete peväe chupe vae pe yogüeru vaerä menda pegua aretea pe.’

Hebreos 12:13

Peyapo kavi pepɨ japerä, agüɨye vaerä pepia tape güi, jaeño pekuera.