ISAÍAS 61:7 - Biblia Guarani Tumpa Iñee

⁷ Echa pe chembae vae reta peiporara yae ko ñemotareɨ jare yeyóyai yóyai reta, jáeramo peɨvɨ pe oyoarambo yeta pekotɨ yemboete, jare peyekou yaeta jekuae avei pegua.

ISAÍAS 61:7 ပူးပေါင်းရင်းမြစ်များ

2 REYES 2:9

Oasa reta ma yave Elías jei Eliseo pe: —Eiporu mbae reipota ayapo ndeve vae, ndei ayererajauka ndegüi mbove. Eliseo jei: —Romoñera che apɨta vaerä nderekovia pe.

JOB 42:10

Jare yandeYa güɨnoe Job mbɨatɨtɨ güi, jae oyerure güire ivɨa-ïru reta re; jare omoïru chupe mókoi yoarambo ye opaete imbaembae reta tenonde yave güɨrekose vae güi.

SALMOS 126:5

Oyaeo reve omaetɨ vae reta, oyerovia reve ombaearɨvota.

SALMOS 16:11

Reechaukata cheve tape tekove pegua; reikoa pe oime avei tuichagüe vɨakatu, yerovia katu opambae vae oime ndeɨpɨ pe.

ISAÍAS 35:10

yandeYa oyoragüe reta oyerovata, jae reta oiketa Sión pe tairari yerovia pegua ndive, yogüɨreko aveita yerovia katu rupi, güɨnoi retata yerovia katu, opata okañɨ mbɨatɨtɨ jare yaeo.

ISAÍAS 40:2

pemiari kavi mboroaɨu ndive Jerusalén ndive; pesapúkai reve pere chupe, kërai oiporara vae iyapɨta ma, iyoa re cheɨ̈ro ma chupe; echa aiporarauka yae ma chupe reta, opaete iyoa reta re.”

ISAÍAS 51:11

Añetete, yandeYa oyoragüe reta oyerova yeta, otairari reve oyerova reta yeta Sión kotɨ; jova, oyerovia katu avei retata; ovɨa jare oyerovia katu retata, mbaeporara jare yaeo opata okañɨ.

ISAÍAS 54:4

Agüɨye ekɨɨye, ngaraa reñemomaraiuka; agüɨye nemara, ngaraa ndekura vae. Neakañɨta ndetaɨrusu yave nemara vae güi, jare nememano yave nemara vae güi.

ISAÍAS 60:15

Ngaraa ma reyemombo reiko, reñereröɨro ani reiko ndeiño, che rombotuicha yaeta jekuae avei pegua, vɨakatu oñeväeta nderé jekuae avei rupi.

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

ISAÍAS 65:13

Jáeramo, yandeYa jei: “Mase, cherembiokuai reta oime jou vaerä, ërei pe reta pekaruaita; jae reta oime oɨu vaerä, ërei pe reta peɨuveta; jae reta oyeroviata, ërei pe reta peñemomaraiukata;

SOFONÍAS 3:19

Jókuae ara che, añemopüata opaete oiporarauka ndeve vae reta kotɨ. Amborɨta vecha iköcho vae, aru yeta okañɨgüe; amboeteukata jare jërakua yaeta opaete ɨvɨ rupi.

ZACARÍAS 8:12

Echa mbɨakatu oimeta chupe reta: Uva iata, jare ɨvɨ omeeta mbaagüɨye, ara güi oata ɨsápɨi; kuae tëta güi jembɨregüe pe ayapota güɨnoi vaerä opaete kuae.

ZACARÍAS 9:12

¡Tembipɨɨ reta peyerova ye peñepɨ̈roa pe, peäro peiko vae! Añave amombeu peve, pomopüa pɨauta oasa ye tenonde peiko vae güi.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

2 Corintios 4:17

Echa kuae roiporara michi peguaño vae, güeru oreve yemboetea ikavi yae vae jare opambae vae.

DEUTERONOMIO 21:17

Omee tai ko chupe membɨrɨpɨ iyekourä vae, echa jae ko taɨrɨpɨ, iñemuña tenondegua ko. Metei ñavo iyekou güɨnoita vae güi tomee chupe mókoi ye.

2 Tesalonicenses 2:16

YandeYa Jesucristo etei jare yandeRu Tumpa yanderaɨu vae jare yandembopɨakatu avei vae jare ñaäro yayerovia reve ipɨakavi rupi vae,