ISAÍAS 61:6 - Biblia Guarani Tumpa Iñee

⁶ Jei retata pekotɨ, Tumpa isacerdote reta, Tumpa pe oyeokuai vae reta. Peyekouta ïru tëtaguasu reta imbaeyekou re, jae reta iyemboetea pe peyemboeteta.

ISAÍAS 61:6 ပူးပေါင်းရင်းမြစ်များ

ÉXODO 19:6

Pe reta peiko teeta sacerdote rami, tëta oñeñono tee cheveguarä vae.” Kuae ñee reta emombeu opaete Israel iñemuña reta pe.

ISAÍAS 23:18

Ërei opaete omonganagüe oñeñono teeta yandeYa peguarä, mbaetɨta omboɨru ani oñovatu reta iyeupe, omee retata yandeYa jembiokuai reta pe, jae reta ogua vaerä jeta tembíu jare temimonde ikavigüe.

ISAÍAS 54:3

echa ndeakatu kotɨ jare ndeasu kotɨ reñemoaita; neñemuña reta opɨ̈rota iyeupe tëtaguasu reta, oñemoëta retata tëta guasu reta ipombaea rupi.

ISAÍAS 56:6

Jare ketɨgua reta taɨ, cheremimbota rupi yogüɨreko, oyeokuai reta vaerä cheve vae, jare oaɨu reta cheree yogüɨreko vaerä cherembiokuairä; jare opaete omboete ara mbutuu vae reta, agüɨye vaerä güɨröɨro, yogüɨreko cheporogüɨrökuavee päve rupi vae reta,

ISAÍAS 66:12

Echa che peYa, körai ko jae: “Ko aru jese mbɨakatu, ɨ̈aka pe ɨ ou oväe rami, jare tëtaguasu reta imbaeyekou reta, ɨ̈aka pe ɨ jembeɨ oyepɨyere rami. Jae reta pemongaruta jare pereruta iyɨva re, jare täpapau pe pemboyaru yaru retata.

ISAÍAS 66:21

“Jare chugüi reta aiparavota vi sacerdote retarä jare levita retarä, omborɨ reta vaerä sacerdote reta.”

JEREMÍAS 33:18

Ngaraa vi oata sacerdote jare levita reta iñemuña güi ara ñavo omee vaerä cheve mɨmba oyeyukagüe opaetei oyeapɨ vae, jare oapɨ reta mbota temitɨ jäɨgüe jare ïru mɨmba reta oyeyukagüe vae.”

EZEQUIEL 14:11

Israel iñemuña reta agüɨye ye vaerä ma opia chegüi ani oyemongɨa oyembopɨapochɨ vae rupi. Jae reta yogüɨrekota chembaerä jare che aikota iTumparä. Che peYa Tumpa jae kuae.”

Romanos 12:1

Jáeramo, cherɨvɨ reta, pomoñera Tumpa iporopareko rupi, pemee chupe perete, mɨmba oyeyukagüe Tumpa pe oñemee rami, peñeñono tee chupe, jae omboyerovia vae. Echa jupi ko körai añetete rupi pemboete vaerä Tumpa.

1 Corintios 3:5

Pablo jare Apolos mbaeä ko. Ore reta ko royeokuai vaeño, orerupi peporogüɨrovia vaerä. Royapo ko mbaravɨkɨ metei ñavo yandeYa omee oreve rupi.

1 Corintios 4:1

Jáeramo pemae oreré, ore reta ko Cristo jembiokuai reta, Tumpa iyemongeta yaikuaa rapembae roikuaauka vae.

2 Corintios 11:23

Jae reta Cristo jembiokuai (imbokere vae rami tae), che ayapɨraa reta. Mbaravɨkɨ pe, jeta yae ayapo chugüi reta. Ñenupa pe, jeta yae. Tembipɨɨrɨru pe, jeta yae vi. Jeta yae amano seri.

2 Corintios 6:4

Jekuaeño roechauka ïru vae reta pe Tumpa jembiokuai ko ore vae. Mbɨaguasu rupi, tembiporara reta, mbaravete, mbɨatɨtɨ,

DEUTERONOMIO 18:2

Mbaetɨta oñemee ɨvɨ chupe reta jëtara reta pe oñemee rami, yandeYa etei ko jae reta imbaeyekou, jae oñererökuavee chupe reta rami.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

Apocalipsis 1:6

jare yandeapo mburuvicha guasu retarä jare sacerdote retarä yayeokuai vaerä Tu Tumpa pe; ¡chupe toñemee mbaemboete jare mbaepuere jekuaekuae avei rupi! Amén.

Apocalipsis 20:6

Oyerovia ko tenonde oikove ye vae, echa oñeñono tee Tumpa peguarä vae reta ko. Jókuae mano mokoía ngaraa ipuere jese reta. Jae reta yogüɨrekota Tumpa jare Cristo isacerdoterä. Jare oporookuai retata jae ndive mil año.

Apocalipsis 5:10

oreapo mburuvicha guasu retarä, sacerdote retarä ñaneTumpa pe. Jare roporookuaita ɨvɨ pe.”