ISAÍAS 61:3 - Biblia Guarani Tumpa Iñee

³ amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

ISAÍAS 61:3 ပူးပေါင်းရင်းမြစ်များ

ESTER 8:15

Mardoqueo oë mburuvicha guasu oïa güi temimonde mburuvicha pegua jovɨ jare tïi vae ndive, jare äka-regua oro pegua tuicha vae ndive, jare oñeapeva lino pegua pɨ̈ta vae pe. Jayave tëta guasu Susa pegua reta oyerovia yae jare oyekou.

ESTER 9:22

Echa jókuae ara Judáɨgua reta oyepɨ jovaicho reta re, ara jare yasɨ mbɨatɨtɨ pegua oyepoepɨ yerovia katu pe, ara kavi pe; kuae ara oyapo reta okaru vaerä yerovia ndive, oyombopota reve jare omee reve mbae paravete vae reta pe.

SALMOS 104:15

jókuae tembíu reta, omee vaerä mɨ̈rata chupe, vino, omboyerovia vaerä ipɨa, jare asaite pe jova jembipe kavi vaerä oyekuaa reta.

SALMOS 149:4

Echa yandeYa oyerovia imbae vae reta re; jare omee ipɨa omomichi vae reta pe yereroasayepe.

SALMOS 23:5

Reñono kavi mesa cheróvai, chembopɨatɨtɨuka vae reta jovake; cheäka re reñono asaite ikäti kavi vae; chekopa tɨnɨeasɨ yae oï.

SALMOS 30:11

Chepɨatɨtɨ reipoepɨ cheve yerovia katu pe, temimonde mbɨatɨtɨ pegua remboi chegüi, jare chemboemimonde yerovia katu pe.

SALMOS 30:12

Jáeramo, atairarita ndeve mbaemboete pegua, mbaetɨta kïriiño apɨta, romboete aveita cheYa Tumpa.

SALMOS 45:7

Reaɨu jupi rupi mbae oyeapo vae jare remotareɨ ikavimbae. Jáeramo ndeparavo Tumpa, jae ko neTumpa; yerovia katu omee ndeve vae ikavi yae, neïru reta omboyerovia vae güi.

ECLESIASTÉS 9:8

Opaete ara rupi eyemonde avei temimonde tïi vae pe, jare eñono avei neäka re mbae ikäti kavi vae.

ISAÍAS 12:1

Jókuae ara rupi retairarita körai: “Yasoropai amee ndeve cheYa, echa yepe tëi ndearasɨ chekotɨ, ërei oasa ma ndearasɨ chembopɨakatu ye ma.

ISAÍAS 26:2

Peipea öke reta, oike vaerä jupi vae reta, añete vae rupi yogüɨreko vae reta.

ISAÍAS 44:23

¡Ara, etairari reyerovia reve yandeYa oyapogüe re! ¡Ɨvɨroso guasu, esapúkai reyerovia reve! ¡Ɨvɨtɨ reta jare kaa reta opaete ɨvɨra reta pɨpegua ndive, pesapúkai peyerovia reve! Echa yandeYa oyora Israel, Jacob iñemuña reta, jare Israel iñemuña rupi oyemboeteuka yaeta.

ISAÍAS 46:13

Che, aruta yereroasayepe; aruta ete ma, köi yae ma ou. Che ameeta yereroasayepe Sión pe, jare cheyemboete tëtaguasu Israel pe.

ISAÍAS 52:1

Epüa Sión, eñemomɨ̈rata, Jerusalén, tëta guasu oñeñono tee vae, eyemonde nderemimonde ipöragüe pe, echa ngaraa ye ma ou ndekotɨ itumpa-raanga pota vae reta, ani ikɨa Tumpa jesa róvai vae reta.

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

JEREMÍAS 31:13

Kuñatai reta opɨraeta oyerovia reve, jökoraiño vi kunumi reta jare ndechi reta. Che ameeta chupe reta mbɨakatu; jesaɨ, aipoepɨta vɨakatu pe, jare ameeta chupe reta yerovia katu, mbae oiporara vae ipoepɨka pe.

EZEQUIEL 34:29

Ameeta chupe reta jemitɨ ikavi yae vaerä, ngaraa ma karuai rupi yogüɨreko reta, ïru tëtaguasu reta ave ngaraa ma oyóyai yóyai.

EZEQUIEL 47:7

ayu aiko ramboeve aecha ɨ̈aka jembeɨ rupi jare jovaicho jembeɨ rupi jeta yeyé ɨvɨra.

ZACARÍAS 3:5

Jaɨkue rupi jei: “Peñono äka-regua ikɨambae iñäka re.” Jare jae reta oñono jese güire omondeuka chupe temimonde. Jare yandeYa iaraɨgua jekuaeño oyemboɨ oï jóvai.

San Mateo 15:13

Jayave Jesús jei chupe reta: —Opaete temitɨ reta cheRu ara pe oï vae jaeä oñotɨ vae oyeapomondorota ko.

San Mateo 5:16

Jökorai toyekuaa pereko kavi reta ïru vae reta jóvai, oikuaa reta vaerä peyapo ko ikavi vae. Jökorai omboete reta vaerä peRu ara pe oï vae.

San Lucas 15:22

Ërei tu jei jembiokuai reta pe: ‘Peru temimonde ikavi vae pemondeuka chupe. Jaeramiño vi peñono moäka-vera ipoäka re jare pɨapaa ipɨ re.

San Juan 15:8

CheRu oyemboeteuka ko jeta peia yave. Jare körai peikuaaukata pe reta ko cheremimboe reta.

San Juan 16:20

Añetete che jae peve, peyaeota jare pepɨatɨtɨta, ërei ɨvɨ pegua reta oyeroviata. Yepe tëi pepɨatɨtɨta, ërei pepɨatɨtɨ reta oyepoepɨta yerovia katu pe.

1 Corintios 3:9

Echa ore ko roparavɨkɨ Tumpa ndive vae. Pe reta ko jae temitɨ Tumpa iko pegua rami, jare metei o Tumpa omopüa oï vae rami.

1 Corintios 6:20

Echa perete Tumpa oguagüe ko. Jáeramo pemboete Tumpa perete pe jare perekove pe. Echa mókoi reve Tumpa imbae ko.

Filipenses 1:11

ayerure jekuaeño peyapo vaerä mbaembae ikavi vae jupi vae pegua Jesucristo rupi, Tumpa oyemboeteuka vaerä.

2 Tesalonicenses 1:10

yandeYa ou ye yave oyemboeteuka vaerä jare omopɨakañɨ opaete jese güɨrovia reta; echa perovia romombeu peve vae.

Hebreos 1:9

Reaɨu jupi rupi mbae oyeapo vae jare remotareɨ ikavimbae. Jáeramo ndeparavo Tumpa, jae ko neTumpa; yerovia katu omee ndeve vae ikavi yae, neïru reta omboyerovia vae güi.”

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

1 Pedro 4:14

Peyerovia, ïru vae reta jei yave ikavimbae vae pekotɨ Cristo re perovia ramo, echa Tumpa iEspíritu oï pe ndive. Jae reta jei ikavimbae vae Cristo kotɨ, ërei pe reta pemboete.