ISAÍAS 61:11 - Biblia Guarani Tumpa Iñee

¹¹ Echa ɨvɨ pe jokɨ ɨvɨra, jare kó raɨ pe jokɨ pɨau temitɨ vae rami ko, jökorai yandeYa Tumpa oyapota jupi vae, jare opaete tëtaguasu reta otairarita ombaemboete.

ISAÍAS 61:11 ပူးပေါင်းရင်းမြစ်များ

GÉNESIS 1:11

Jaɨkue rupi Tumpa jei: “Ɨvɨ tomoñemuña ñana jokɨ vae, temitɨ jäɨ vae reta; ɨvɨra ia vae, metei ñavo ambuaeyee ia oyougüi vae: Jare toï ia iyɨvɨte pe jäɨ, ɨvɨ iárambo.” Jare oiko jökorai.

SALMOS 72:16

¡Metei poagua oñeotɨ trigo ɨvɨ pe, jare ɨvɨtɨ guasu reta rupi vae! ¡Ia jeta yaeta Líbano pe ɨvɨra jeta rami! ¡Tëta guasu pegua reta tijeta, ñana jeta rami!

SALMOS 72:3

ɨvɨtɨ guasu reta jare ɨvɨtɨ raɨ reta tomee mbɨakatu jare jupi vae tëta peguarä.

SALMOS 85:11

añete vae jeñɨita ɨvɨ güi, mbaejupi outa ara güi.

CANTARES 4:16

Ɨvɨtu ɨvɨtuguasu kotɨgua, ¡epüa! Ɨvɨtu arayevɨ kotɨgua, ¡eyu kuae kotɨ! ¡Eipeyu cheko raɨ, jare opa emoai ipiche kavi vae! Eyu, che roaɨu vae, ndeko raɨ pe, jare jeu mbae iagüe jëe ngatu yae vae.

ISAÍAS 4:2

Jókuae ara, yandeYa ombojokɨta vae, ipörata jare imboetea yaeta, Israel pe jembɨreño vae reta peguarä; jare ɨvɨ pe yagüɨyeta vae, imboetea yaeta jare tuichagüe yaeta, Israel pe jembɨreño vae reta peguarä.

ISAÍAS 45:23

Cheyé aeño ko añererökuavee, cheyuru güi ko oë ñee jupi vae, jare ngaraa ko opɨta oyembopombae: Opaete vae oyetavatɨkata cheróvai, jare cheree reño jei retata mbaembae oyapo vaerä vae,

ISAÍAS 45:24

jare jei retata: ‘YandeYa reño ko oime jupi vae jare mbaepuere.’ Jare opaete oyemboyovaicho chekotɨ vae reta, oñemomaraiukata ko.

ISAÍAS 45:8

“Che ambouta ɨvate güi mbae jupi vae, ambouta ama rami, ani ɨsápɨi rami. Jare ɨvɨ omboresiveta, yereroasayepe oñemuñata, temitɨ ia oñemuña rami, jare mbae jupi vae, ipotɨta vi temitɨ rami.” Che ndeYa ko ayapo opaete kuaekuae.

ISAÍAS 46:13

Che, aruta yereroasayepe; aruta ete ma, köi yae ma ou. Che ameeta yereroasayepe Sión pe, jare cheyemboete tëtaguasu Israel pe.

ISAÍAS 48:18

¡Reyeapɨsaka mona cheporookuai re yave! Ɨ omboɨpɨ tuicha vae ramita tëi ko, reiko kavi vae omboɨpɨta tëi ko tuicha, ani ɨguasu iɨaparúa ramita tëi ko.

ISAÍAS 58:11

YandeYa ndeangareko aveita, mbaetɨ mbaea pe, omeeta nderembiurä, jare nekägüe reta omopɨ̈ratata; reikota ko raɨ oyemboɨu kavi vae rami, ɨesaɨ tɨpambae vae rami.

ISAÍAS 60:18

Ndeɨvɨ pe ngaraa ma jërakua tekorai, ngaraa ma vi oime susere ndeɨvɨ pe, jaeño nekësea rembojeeta ‘Yereroasayepe’, jare neröke reta ‘Mbaemboete’.

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

ISAÍAS 62:1

Sión, nde roaɨu jeko pegua ngaraa chekïrii; Jerusalén nde roaɨu jeko pegua mbaetɨta aputuu, oyekuaa kavi regua jupi vae, köembipe jembipe oyekuaa rami, jare iporogüɨroasayepe mechero jendɨ omoembipe rami.

ISAÍAS 62:2

Jayave jeta vae reta oechata ndeporogüɨroasayepe, jare opaete mburuvicha guasu reta oechata ndeyemboetea. Jayave ndembojee pɨauta, tee ipɨau pe, yandeYa etei ndembojeeta.

ISAÍAS 62:7

Agüɨye etei pekuérai chugüi, omopüa pɨau ye regua Jerusalén, opaete ɨvɨ pegua reta pe omboeteuka regua.”

San Mateo 13:23

Ërei jókuae temitɨ oa ɨvɨ kavi pe vae oyembojaanga Tumpa iñee oendu jare oikuaa kavi vae re. Jare jókuae metei temitɨ güi, amogüe cien jäɨ, amogüe sesenta jäɨ jare amogüe treinta jäɨ vae rami ko.”

San Mateo 13:3

Jare Jesús omboe reta jeta mbaembae re ombojaanga reve. Jei chupe reta: “Metei kuimbae omaetɨ vae, oë omaetɨ.

San Mateo 13:8

Ërei ïru temitɨ oa ɨvɨ kavi pe. Kuae reta okuakuaa kavi jare ia. Amogüe cien jäɨ, amogüe sesenta jäɨ jare amogüe treinta jäɨ.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.