ISAÍAS 61:10 - Biblia Guarani Tumpa Iñee

¹⁰ ¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

ISAÍAS 61:10 ပူးပေါင်းရင်းမြစ်များ

GÉNESIS 24:53

Jayave tembiokuai güɨnoe mbaembae ikavi vae korepoti pegua jare oro pegua, jare temimonde reta, omee Rebeca pe. Jaeramiño vi omee mbae jepɨ vae ikɨvɨ pe jare ichɨ pe.

2 CRÓNICAS 6:41

CheYa Tumpa añave eyu eputuu, nde jare nekäjou ndembaepuere pegua ndive. CheYa, ndesacerdote reta re toyekuaa ndembaepuere yemborɨ pegua, jare jupi yogüɨreko vae reta toyekou mbaembae güɨnoi vae pe.

NEHEMÍAS 8:10

Jaɨkue rupi jei chupe reta: “Pekua, peu soo ikɨra kavi vae jare vino jëe kavi vae, jare pemee vi tokaru mbaetɨ güɨnoi vae reta; echa ara oñeñono tee yandeYa pe vae ko; agüɨye pepɨatɨtɨ, echa yandeYa Tumpa pegua yerovia ñanemomɨ̈rata vae ko.”

JOB 29:14

Aiko ayemonde jupi vae pe rami, jare jae cheöva, ñeapevaka jare äka-regua rami cheve isɨmbi aiko vae.

SALMOS 132:16

Amboyekuaata ndesacerdote reta re chembaepuere yemborɨ pegua, jare joko pe chembae vae reta oyeroviata.

SALMOS 132:9

Ndesacerdote reta toyemonde jupi vae pe; toyerovia ndembae vae reta.

SALMOS 28:7

YandeYa jae ko cheñepɨ̈roa jëguambae jare cheyeopiaka, jese ayeko jare chemborɨ. Chemboyerovia, amboeteta tairari pe.

SALMOS 35:9

Jayave ayeroviata nderé cheYa, ayeroviata ndeporogüɨroasayepe re.

CANTARES 1:10

¡Nderova omboaruanda nenamicha reta! ¡Ndeayu omboaruanda ndepoɨ reta!

ISAÍAS 12:1

Jókuae ara rupi retairarita körai: “Yasoropai amee ndeve cheYa, echa yepe tëi ndearasɨ chekotɨ, ërei oasa ma ndearasɨ chembopɨakatu ye ma.

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 17:10

echa neakañɨ Tumpa ndereepɨ vae güi, mbaetɨ nemaendúa jae ko neñepɨ̈roa vae, ërei jaeño reñotɨ temitɨ ikavigüe, temitɨ matɨ güi oyererugüe,

ISAÍAS 25:1

CheYa, nde ko jae cheTumpa; tambotuicha jare tamboete nderee, echa reyapo jeta mɨakañɨ, ndeyemongeta arakae güive voi ma reyapo vae, añete vae ko jare oyembopo vae ko.

ISAÍAS 25:9

Jókuae ara jei retata: “Kuae ko jae ñaneTumpa ñaäro yaiko vae, jese yarovia jare jae yandemborɨta. Yayerovia jare yavɨa, echa jae ko yandemborɨta.”

ISAÍAS 35:10

yandeYa oyoragüe reta oyerovata, jae reta oiketa Sión pe tairari yerovia pegua ndive, yogüɨreko aveita yerovia katu rupi, güɨnoi retata yerovia katu, opata okañɨ mbɨatɨtɨ jare yaeo.

ISAÍAS 41:16

Remboveveta jare opata ɨvɨtu güɨraja; kusumirou opata omoai moai. Ërei nde reyeroviata ndeYa re, reyemboeteta Tumpa Iyoambae Israel pegua re.

ISAÍAS 48:18

¡Reyeapɨsaka mona cheporookuai re yave! Ɨ omboɨpɨ tuicha vae ramita tëi ko, reiko kavi vae omboɨpɨta tëi ko tuicha, ani ɨguasu iɨaparúa ramita tëi ko.

ISAÍAS 49:18

Emopüa neäka jare emae ndeɨ́vɨri rupi, emae, kërai oyemboatɨ opaete kuae yogüeru ndépɨri vae reta. Che peYa, tae cheyé aeño ndeve, kërai opaete jókuae yogüeru vae reta pe reñemopörata, metei kuñatai omenda vae oñemopöra vae rami.

ISAÍAS 49:4

Che ko jae tëi: “Aparavɨkɨ mbateeiño ma, ayembokangɨ mbateeiño ma.” Ërei, cheYa ipo pe ko oï cherekove, jae ko omboekoviata cheve cheparavɨkɨ.

ISAÍAS 51:11

Añetete, yandeYa oyoragüe reta oyerova yeta, otairari reve oyerova reta yeta Sión kotɨ; jova, oyerovia katu avei retata; ovɨa jare oyerovia katu retata, mbaeporara jare yaeo opata okañɨ.

ISAÍAS 51:3

Ambopɨakatuta Sión, tëta guasu opaetei oyemboai oï vae. Iɨvɨ ipombae oï vae amopörata, Edén pe ko raɨ añono rami. Joko pe oimeta yerovia jare vɨakatu, tairari mbaemboete pegua.

ISAÍAS 52:1

Epüa Sión, eñemomɨ̈rata, Jerusalén, tëta guasu oñeñono tee vae, eyemonde nderemimonde ipöragüe pe, echa ngaraa ye ma ou ndekotɨ itumpa-raanga pota vae reta, ani ikɨa Tumpa jesa róvai vae reta.

ISAÍAS 56:7

che araja retata cheɨvɨtɨ oñeñono tee vae pe, jare ambovɨakatu retata chero yerure pegua pe; jare mɨmba oyeyukagüe opa etei oyeapɨ vae, jare ïru mɨmba oyeyukagüe reta re chepɨakatuta amae, omee reta yave mɨmba oyeyuka oyeapɨ jese vae re; echa chero oyembojeeta, o yerure pegua opaete vae reta peguarä.

ISAÍAS 58:14

Jökorai yave reväeta cheré yerovia katu, jare ameeta reiko vaerä tenondeguarä ndeɨvɨ pe. Ameeta reyekou neñemuñagüe Jacob imbaeyekou re.” Che ndeYa etei jae kuae.

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

ISAÍAS 65:18

Ërei pepɨakatuta jare peyerovia katuta jekuae avei, mbaembae che ayapo pɨau ye vae re; echa, ko che aruta Jerusalén pe yerovia katu, jare pɨpegua reta pe vɨakatu.

JEREMÍAS 2:32

¿Ipuere pa metei kuñatai iñakañɨ oñemopöra pɨpe vae güi, ani jemimonde imenda pegua güi? Ërei tëta chembae vae ɨma yae ma iñakañɨ chegüi.

EZEQUIEL 42:14

Sacerdote reta oike tupao pe yave, agüɨye toë reta joko güi oka tuicha vae pe jemimonde sacerdote pegua ndive, jókuae jemimonde oyeokuai Tumpa pe jae ndive vae, echa oñeñono tee Tumpa peguarä vae ko; toyemonde jemimonde ae pe, oë vaerä jeta vae reta ñogüɨnoia pe.”

ZACARÍAS 10:7

Efraín iñemuña reta sundaro jëia yae vae ramita. Ipɨa oyeroviata vino jou vae rami. Taɨ reta oecha yave oyerovia yaeta vi. ¡Ipɨa oyeroviata yandeYa re!

ZACARÍAS 3:5

Jaɨkue rupi jei: “Peñono äka-regua ikɨambae iñäka re.” Jare jae reta oñono jese güire omondeuka chupe temimonde. Jare yandeYa iaraɨgua jekuaeño oyemboɨ oï jóvai.

San Lucas 15:22

Ërei tu jei jembiokuai reta pe: ‘Peru temimonde ikavi vae pemondeuka chupe. Jaeramiño vi peñono moäka-vera ipoäka re jare pɨapaa ipɨ re.

Romanos 13:14

Ërei peyemonde etei yandeYa Jesucristo pe. Agüɨye peñemee pesoo jemimbota pe.

Romanos 14:17

Echa Tumpa iporookuaía mbaetɨ ko mbae jau vae, jae ko jupi vae, mbɨakatu jare yerovia katu Espíritu Santo rupi.

Romanos 3:22

echa Tumpa ombojupita opaete Jesucristo re güɨrovia vae reta iporogüɨrovia rupi. Echa jae mbaetɨ oporomboyoavɨ.

Romanos 5:11

Jare mbaetɨ kuaeño, yayerovia vi Tumpa re yandeYa Jesucristo rupi, echa Cristo rupi yamboresive yembopɨakatu.

Gálatas 3:27

echa opaete Cristo re peyembobautisa vae, peyemonde ma rami ko Cristo pe.

Filipenses 3:9

jare oñeväe vaerä jae imbae ko che. Mbaetɨ aipota ayembojupi mborookuai jei vae ayapo vae rupi, jaeño Cristo re arovia vae rupi; jae ko yembojupi Tumpa güi mborogüɨrovia rupi.

Filipenses 4:4

Peyerovia katu avei yandeYa re. ¡Peyerovia katu avei!

1 Pedro 1:8

Yepe tëi mbaetɨ peecha Jesucristo, ërei peaɨu. Yepe tëi añave mbaetɨ peecha, ërei perovia jese, jare penoi yerovia tuichagüe yaupitɨ rapembae ñanemiari jese vae,

Apocalipsis 21:2

Jare che etei aecha jókuae tëta guasu oñeñono tee Tumpa peguarä vae, jae ko Jerusalén ipɨau vae, ogüeyɨ ou Tumpa oïa güi. Oyeapokatu ou metei kuñatai omendata vae rami.

Apocalipsis 21:9

Jayave jókuae chiu araɨgua reta chiu kopa chiu mbaesusere taɨkuegua tɨnɨe güɨnoi vae güi metei ou chekotɨ jare jei cheve: “Eyu kuae pe, taechauka ndeve Vecha kuimbae taɨrusu vae imenda ïrurä vae.”

Apocalipsis 4:4

Jare jókuae tenda iyɨ́vɨri rupi oï ïru veinticuatro tenda reta. Jare jókuae tenda reta pe oguapɨ ñogüɨnoi veinticuatro tenondegua okuakuaa vae reta, jemimonde tïi vae jare iñäka re äka-regua oro pegua ndive.

1 SAMUEL 2:1

Ana oyerure, jei körai: “CheYa chepɨa oyerovia nderé chemopɨ̈rata nde, tamoë cheñee cherovaicho reta kotɨ. ¡Ayerovia yae chemborɨ vae re!