ISAÍAS 60:9 - Biblia Guarani Tumpa Iñee

⁹ Jae ko barco guasu reta yogüeru Tumpa kotɨ vae, tenonde ou barco reta Tarsis pegua, güeru reve nemembɨ Israel iñemuña reta mombɨrɨ güi, ioro ndive jare ikorepoti ndive, ndeYa Tumpa, Iyoambae Israel pegua jee re, jae ko ndemboeteuka vae.

ISAÍAS 60:9 ပူးပေါင်းရင်းမြစ်များ

GÉNESIS 9:27

Tumpa tombotuicha Jafet, Sem toiko o guakapi pegua pe, jare Canaán toiko jembiokuairä.”

1 REYES 10:1

Mburuvicha kuña Sabá pegua oendu Salomón jërakua kavi yae yandeYa omborɨ vae rupi yave, ou oparandu chupe mbae yavaigüe re ojäa vaerä.

1 REYES 10:22

Echa barco Tarsis pegua mburuvicha guasu güɨnoi vae, Hiram imbae ndive yogüeru metei vese mboapɨ año pe, güeru reve oro, korepoti, elefante jäimbukugüe, machi jare pavo júguai puku ipara vae.

1 REYES 22:48

Josafat oyapouka metei barco Tarsis pegua rami, ojo vaerä güeru oro Ofir güi; ërei mbaetɨ ojo echa opa oyeka Ezión-geber pe.

1 REYES 8:41

Jökoraiño vi ketɨgua, tëta ndembae peguambae vae, yogüeru yave mombɨrɨ güi nderee oendu jeko pegua

SALMOS 48:7

ɨvɨtuakuvo opa güɨrokomegua Tarsis pegua barco reta rami.

SALMOS 72:10

¡Mburuvicha guasu reta Tarsis pegua jare ɨguasu jembeɨ rupigua togüeru chupe mbota reta, jare mburuvicha guasu reta Sabá jare Seba pegua togüeru vi chupe mbota reta!

SALMOS 97:1

¡YandeYa jae ko Mburuvicha guasu! ¡Toyerovia opaete ɨvɨ! ¡Toyerovia opaete tëtaguasu reta ɨguasu jembeɨ rupigua!

ÉXODO 33:19

Jayave yandeYa jei chupe: —Che aechaukata ndeve opaete chepɨakavi, nde rupi oñemoërakuata cheree, cheporopararekota che aipota vae re jare chepɨakavita che aipota vae re.

PROVERBIOS 18:20

Kuimbae iñee reta, jókuae jekoviata chupe, yangapɨɨ ta iñee reta rupi.

ISAÍAS 11:11

Jökoraiño vi jókuae ara yandeYa, imbaepuere rupi güeru yeta imbae vae reta jembɨregüe oimeño opɨta Asiria pe vae, Egipto pe, Patros pe, Etiopía pe, Elam pe, Sinar pe, jare Hamat pe jare ɨguasu jembeɨ rupigua tëta reta güi.

ISAÍAS 2:16

opaete barco Tarsis pegua reta, jare opaete ipöra yae oñemopɨ̈ta vae reta rami vae.

ISAÍAS 24:15

Opaete kuaekuae re pemboete yandeYa, kuaraɨ oëa kotɨgua reta, ɨguasu päu rupigua reta pemboete yandeYa, Tumpa Israel pegua.

ISAÍAS 42:10

Petairari yandeYa pe tairari ipɨau vae, pemboete, opaete ɨvɨ pegua reta; ɨguasu rupi peguata vae reta, jare ɨguasu ipo reta, ɨguasu jembeɨ reta jare opaete pɨpegua reta.

ISAÍAS 42:4

Ngaraa ikangɨ jare ipɨtu, oñono regua jupi vae opaete kuae ɨvɨ pe; jare tëtaguasu reta ɨguasu jembeɨ rupigua reta oärota mborookuai jae omeeta vae.”

ISAÍAS 43:4

Echa ndereepɨ yae ko amae nderé, che roaɨu yae ko. Rogüɨnoi vaerä che ndive jare rogüɨroasayepe vaerä, amee ko nderekovia pe kuimbae reta jare tëtaguasu reta.

ISAÍAS 43:6

Ɨvɨtuguasu kotɨgua reta pe jaeta: ‘Opa ye embou’, jare arayevɨ kotɨgua reta pe jaeta: ‘Agüɨye emombɨta. Eru mombɨrɨ ɨvɨ iyapɨ kotɨ güi cheraɨ reta jare cherayɨ reta,

ISAÍAS 46:13

Che, aruta yereroasayepe; aruta ete ma, köi yae ma ou. Che ameeta yereroasayepe Sión pe, jare cheyemboete tëtaguasu Israel pe.

ISAÍAS 49:1

Peyeapɨsaka, tëtaguasu ɨguasu jembeɨ rupigua reta, tëtaguasu reta mombɨrɨ rupigua reta: YandeYa chereenɨi ndei aa güive voi ma, chesɨ jɨe peve voi ma chembojee.

ISAÍAS 49:22

YandeYa jei: “Ayokuaita opaete vae tëtaguasu reta, güeru reta vaerä iyɨva re nemembɨ reta, jare nememɨkuña reta iyatiɨ re.

ISAÍAS 51:5

Köi yae ma oï aï vaerä mburuvicharä, cheporogüɨroasayepe oyemboɨpɨ ma; chembaepuere rupi aïta mburuvicharä tëta reta re. Tëtaguasu reta ɨguasu jembeɨ rupigua cheräro ñogüɨnoi, chembaepuere re oyeko retata.

ISAÍAS 55:5

Mase, reenɨita kuimbae reikuaambae reta, jare kuimbae ndekuaambae reta yogüeruta ndekotɨ, che ndeYa Tumpa jeko pegua, Iyoambae Israel pegua ndemboeteuka vae jeko pegua.

ISAÍAS 57:17

Israel iñemuña reta iyoa jeko pegua chearasɨ, aiporarauka chupe jare ayerova chugüi reta; ërei jeiete oyembopɨapochɨ reta, jare oyapo reta ipɨa jemimbota.

ISAÍAS 60:4

Jerusalén, emopüa neäka jare emae ndeɨ́vɨri: Opaete vae oyomboatɨ jare yogüeru ndekotɨ. Nemembɨ reta yogüeruta mombɨrɨ güi; jare güeruta iyɨva re nememɨkuña reta.

ISAÍAS 60:6

Jetagüe camello omboatɨ retata nderé, Madián jare Efa güi yogüerugüe reta; opaete Sabá pegua yogüerugüe reta, güeruta oro jare ikäti kavi vae incienso, omoërakua retata yandeYa iyemboetea.

ISAÍAS 66:12

Echa che peYa, körai ko jae: “Ko aru jese mbɨakatu, ɨ̈aka pe ɨ ou oväe rami, jare tëtaguasu reta imbaeyekou reta, ɨ̈aka pe ɨ jembeɨ oyepɨyere rami. Jae reta pemongaruta jare pereruta iyɨva re, jare täpapau pe pemboyaru yaru retata.

JEREMÍAS 3:17

Jayave, Jerusalén oyembojeeta kuri yandeYa Iporookuaía; opaete tëtaguasu reta oyemboatɨta joko pe chemboete vaerä, ngaraa ma ipɨapochɨ rupi yogüɨreko ye.

JEREMÍAS 30:19

Chugüi reta oëta tairari yasoropai pegua, jare yerovia katu pegua mbuka reta. Ngaraa iñemuña reta jagüe, echa che amoñemuñaukata. Ngaraa oñereröɨrouka reta, echa che amboeteukata.

EZEQUIEL 39:7

Jare amboyekuaata cheré ikɨambae vae, chembae vae reta Israel ipɨte pe, jare ngaraa ye ma amaeño oñereröɨrouka cheré ikɨambae vae; jare tëtaguasu reta chekuaata che ko jae Tumpa vae, Iyoambae Israel pegua.

MIQUEAS 4:13

¡Tëta guasu Sión, epüa jare embaembopiriri!, echa Tumpa jei: “Roapota toro ipɨ̈rata yae vae rami, toro jäti jiero rami jare ipɨ̈sa jiero iyu vae rami; remoamɨri vaerä jetagüe tëta guasu reta, jare reñono teeta cheve, jae reta opɨ̈rogüe, imbaeyekou reta reñono teeta opaete ɨvɨ iYa pe.”

MIQUEAS 7:12

Jókuae ara rupi yogüeruta ndekotɨ opaete ketɨ ketɨ güi: Asiria güive Egipto kotɨ güi, ɨ̈aka Nilo güive ɨ̈aka Éufrates kotɨ güi, metei ɨguasu güive ïru ɨguasu kotɨ güi, metei ɨvɨtɨ guasu güive ïru ɨvɨtɨ guasu kotɨ güi.

SOFONÍAS 2:11

YandeYa ngaraa ipïri jese reta. Opata omboai tumpa-raanga reta jókuae ɨvɨ pegua, jare opaete vae tëtaguasu omboeteta, ɨguasu ipäu pegua reta ave.

ZACARÍAS 14:14

Jare Judá pegua reta oñerarota vi Jerusalén pe, jare opɨ̈ro retata jetagüe mbaeyekou opaete tëtaguasu reta iyɨvɨrigua güi: Korepoti, oro jare temimonde.

San Lucas 2:32

Jae ko tembipe ramita judiombae vae reta pe. Jare ndembae vae Israel pegua reta iyemboetearä.”

San Juan 17:26

Che romombeu ma chupe reta jare romombeu yeta, jae reta oaɨu vaerä ïru vae reta nde cheraɨu rami, jare che etei aïta jese reta.”

Hechos 9:15

YandeYa jei chupe: “Ekuaño, echa che aiparavo ma kuae kuimbae ojo vaerä omoërakua cheregua judiombae vae reta pe, mburuvicha guasu reta pe jare Israel pegua reta pe.

Gálatas 3:26

echa opaete pe reta Tumpa taɨ reta ko, perovia Cristo Jesús re vae rupi;

Gálatas 4:26

Ërei jókuae Jerusalén ara pegua, oyeokuaimbae ko. Jare jae ko yandesɨ.

JOSUÉ 9:9

Jare jae reta jei: —Mombɨrɨ güi ko royu peYa Tumpa jërakua yae jeko pegua. Roikuaa opaete jae oyapo Egipto pe vae,