ISAÍAS 60:7 - Biblia Guarani Tumpa Iñee

⁷ Opaete mɨmba Cedar pegua reta oyereruta ndeve; vecha kuimbae Nebaiot pegua reta ñogüɨnoita ndepo pe, remee vaerä ndeYa imbae mɨmba oyeyuka oyeapɨ jese vae re mbota mbɨakatu peguarä jare jae jeiete omopörata itupao ikavi yae vae.

ISAÍAS 60:7 ပူးပေါင်းရင်းမြစ်များ

GÉNESIS 25:13

kuae jae ko Ismael taɨ reta jee taɨrɨpɨ güive; jae ko: Nebaiot, jaɨkue rupi Cedar, Adbeel, Mibsam,

JOB 42:8

Añave peipɨɨ chiu toro raɨ jare chiu vecha kuimbae, jare pekua cherembiokuai Job pɨri, jare perökuavee mbota mɨmba oyeyukagüe opa etei oyeapɨ vae peyé, jare cherembiokuai Job oyerureta peré; echa añetete jae iyerure reño ayeapɨsakata, agüɨye vaerä ayapo ikavimbae peve, echa mbaetɨ pemiari kavi jupi rupi cheré, cherembiokuai Job rami.”

SALMOS 120:5

¡Cheparavete, che aiko mombɨrɨ Mesec pe vae, ani mombɨrɨ Cedar pe aiko o guakapi pegua pe rami!

CANTARES 1:5

Kuña reta Jerusalén pegua, cherúndai viña, ërei chepöra yae; cherúndai ko, Cedar pegua reta jo guakapi pegua jüu vae rami, chepöra, Salomón jo jöke regua asoya rami.

ISAÍAS 19:19

Jókuae ara rupi oyeapota ɨvɨ Egipto pe mɨmba oyeyuka oyeapɨ jese vae yandeYa peguarä, jare jókuae ɨvɨ jembeɨ pe oñemopüata metei ita yandeYa jee re.

ISAÍAS 19:21

YandeYa oyekuaaukata Egiptoɨgua reta pe, jae reta oikuaata jare omboeteta, omeeta chupe mɨmba oyeyukagüe jare mbota. Oñererökuavee retata yandeYa pe jare ombopo retata iñee chupe.

ISAÍAS 21:16

YandeYa jei cheve: “Kuae güi metei añoa pe, jókuae ara ñavo oyemboepɨ iparavɨkɨ chupe vae oipapa ara reta rami, opata okañɨtei ɨvɨ Cedar imboetea yae yepi vae.

ISAÍAS 42:11

Toyerovia ñuu reta jare pɨpegua tëta guasu reta, Cedar iñemuña reta jëta raɨ raɨ rupi. Totairari Sela pegua reta oyerovia güi, tosapúkai reta ɨvɨtɨ reta iyapɨte güi.

ISAÍAS 56:7

che araja retata cheɨvɨtɨ oñeñono tee vae pe, jare ambovɨakatu retata chero yerure pegua pe; jare mɨmba oyeyukagüe opa etei oyeapɨ vae, jare ïru mɨmba oyeyukagüe reta re chepɨakatuta amae, omee reta yave mɨmba oyeyuka oyeapɨ jese vae re; echa chero oyembojeeta, o yerure pegua opaete vae reta peguarä.

ISAÍAS 60:13

YandeYa jei Jerusalén pe: “Líbano pegua mbaeyekou oyereruta ndeve: Ɨvɨra reta pino, ciprés jare bojes jee vae, remopöra vaerä pɨpe chero mbaemboetea, rembokavi vaerä che aikoa.

EZEQUIEL 20:40

Ërei cheɨvɨtɨ añono tee vae re, ɨvɨtɨ ɨvate Israel pe vae re, jei yandeYa Tumpa. Joko pe chemboeteta Israel iñemuña reta, joko pe aiporuta chupe reta mbota mbaagüɨyerɨpɨ jare opaete mbota oñeñono tee vae.

EZEQUIEL 27:21

Arabia pegua reta jare opaete mburuvicha reta Cedar pegua ombaegua ndegüi, omboepɨ reta ndeve vecha kuimbae taɨrusu vae pe, vecha kuimbae pe jare kavara kuimbae pe; kuaekuae reta re remee ndembaembae.

MIQUEAS 4:1

Ara taɨkuegua rupi ɨvɨtɨ, yandeYa jo oï jese vae, oïta kuri opaete ɨvɨtɨ reta itenondeguarä, ɨvate yaeta opaete vae ɨvɨtɨ reta güi, jare opaete vae tëta yogüeruta ikotɨ.

SOFONÍAS 3:10

Ɨvɨ Etiopía pegua ɨ̈aka reta kutɨ jovaicho kotɨ güi tëta chembae vae opa oñemoai moai ñogüɨnoi vae güeru retata cheve mbota.

ZACARÍAS 2:8

Echa yandeYa Imbaepuere yae ete vae chembou tëtaguasu reta pepogüɨrai pereeya vae pe kuae ñee ndive. “Echa opoko pere yave kia nunga vae, cheresäɨ kunumi re opoko rami ko.

Romanos 12:1

Jáeramo, cherɨvɨ reta, pomoñera Tumpa iporopareko rupi, pemee chupe perete, mɨmba oyeyukagüe Tumpa pe oñemee rami, peñeñono tee chupe, jae omboyerovia vae. Echa jupi ko körai añetete rupi pemboete vaerä Tumpa.

Romanos 15:16

ayeokuai vaerä Jesucristo pe judiombae vae reta ipɨte pe, amoërakua Tumpa ñee ikavi vae. Judiombae vae reta vi oñemee vaerä mbota Tumpa pe oñemee vae rami, oñono tee Espíritu Santo rupi vae.

Hebreos 13:10

Yande ñanoi metei mɨmba oyeyuka oñemee jese vae, joko pe mbaetɨ ipuere okaru sacerdote reta o guakapi pegua pe oparavɨkɨ vae reta.