ISAÍAS 60:6 - Biblia Guarani Tumpa Iñee

⁶ Jetagüe camello omboatɨ retata nderé, Madián jare Efa güi yogüerugüe reta; opaete Sabá pegua yogüerugüe reta, güeruta oro jare ikäti kavi vae incienso, omoërakua retata yandeYa iyemboetea.

ISAÍAS 60:6 ပူးပေါင်းရင်းမြစ်များ

GÉNESIS 10:7

Cus taɨ reta jae: Seba, Havila, Sabta, Raama jare Sabteca. Jare Raama taɨ reta jae: Seba jare Dedán.

GÉNESIS 25:13

kuae jae ko Ismael taɨ reta jee taɨrɨpɨ güive; jae ko: Nebaiot, jaɨkue rupi Cedar, Adbeel, Mibsam,

1 REYES 10:2

Jare ou Jerusalén pe, jeta jupiegua reta ndive, camello reta ombovoɨta mbae ikäti kavi vae pe, jeta yeyé oro jare ita ipöra yae vae reta; ou Salomón pɨri yave oparandu chupe opaete ipɨa pe güɨnoi vae re.

2 REYES 8:9

Hazael ojo Tumpa iñeemombeúa pɨri, güɨraja chupe mbota Damasco pe mbae ikavigüe oime vae, ombovoɨta güɨraja cuarenta camello. Jare ojo oväe Tumpa iñeemombeúa oïa pe yave, jei chupe: —Nderaɨ Ben-adad, mburuvicha guasu Siria pegua chembou ndekotɨ, aparandu vaerä ndeve okuerata ra imbaerasɨ güi vae.

1 CRÓNICAS 1:33

Madián taɨ reta jae: Efa, Efer, Hanoc, Abida jare Elda. Opaete kuae reta jae Cetura iñemuña reta.

2 CRÓNICAS 9:1

Mburuvicha kuña Sabá pegua oendu Salomón jërakua yae vae yave, ou Jerusalén pe jeta iyɨvɨrigua reta ndive, güeru mbae ikäti kavi yae vae camello reta re, jare jeta oro jare ita ipöra vae, ou ojäa vaerä Salomón mbarandu yavai vae pe. Ou oväe Salomón jóvai yave oparandu chupe opaete ipɨa pe güɨnoi oparandu vaerä vae re.

SALMOS 67:4

Tëtaguasu reta toyerovia jare tipɨakatu; echa nde reporookuaita tëta reta re, jare reyangarekota tëtaguasu reta.

SALMOS 72:10

¡Mburuvicha guasu reta Tarsis pegua jare ɨguasu jembeɨ rupigua togüeru chupe mbota reta, jare mburuvicha guasu reta Sabá jare Seba pegua togüeru vi chupe mbota reta!

SALMOS 72:15

¡Toikove katu mburuvicha guasu! ¡Toñemee chupe Sabá pegua oro! ¡Toyerure avei jese vae! ¡Tiñee kavi avei ikotɨ vae!

ISAÍAS 30:6

Ɨvɨ Neguev pegua mbaeporou reta maratuta vae regua: Ɨvɨ jeta mbaesusere pɨpe vae rupi, jeta pɨpe yaguapope reta, mboi jare mboi oveve vae, jokoropi güɨraja reta imbaembae ikavigüe jare jepɨ vae mburika re jare camello re, güɨraja reta omboepɨ yemborɨ Egipto pe, tëta mbaetɨta ipuere omborɨ vae pe,

ISAÍAS 42:10

Petairari yandeYa pe tairari ipɨau vae, pemboete, opaete ɨvɨ pegua reta; ɨguasu rupi peguata vae reta, jare ɨguasu ipo reta, ɨguasu jembeɨ reta jare opaete pɨpegua reta.

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

ISAÍAS 60:9

Jae ko barco guasu reta yogüeru Tumpa kotɨ vae, tenonde ou barco reta Tarsis pegua, güeru reve nemembɨ Israel iñemuña reta mombɨrɨ güi, ioro ndive jare ikorepoti ndive, ndeYa Tumpa, Iyoambae Israel pegua jee re, jae ko ndemboeteuka vae.

ISAÍAS 61:6

Jei retata pekotɨ, Tumpa isacerdote reta, Tumpa pe oyeokuai vae reta. Peyekouta ïru tëtaguasu reta imbaeyekou re, jae reta iyemboetea pe peyemboeteta.

JEREMÍAS 6:20

Judá, ¿maera pa reru cheve ikäti kavi vae incienso Sabá pegua, jare mbae ikäti kavi yae vae matɨ güi? Mbaetɨ ikavi ndeve mɨmba oyeyukagüe opaetei oyeapɨ vae, ani ïru mɨmba oyeyukagüe reta ave mbaetɨ ndembopɨakatu.”

EZEQUIEL 27:22

Omaemee vae reta Sabá pegua jare Raama pegua, yogüeru vi ombaegua ndegüi, jae reta omboepɨ kavi ndeve mbae ikäti kavi yae vae reta pe, ita ipöra vae pe jare oro pe.

SOFONÍAS 3:10

Ɨvɨ Etiopía pegua ɨ̈aka reta kutɨ jovaicho kotɨ güi tëta chembae vae opa oñemoai moai ñogüɨnoi vae güeru retata cheve mbota.

ZACARÍAS 14:16

Jare opaete oikoveño yogüeru oporepeña Jerusalén re vae reta, oyeupita año ñavo omboete vaerä Mburuvicha guasu, yandeYa Imbaepuere yae ete vae jare omboareteta o ñairaka pegua.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Mateo 2:11

Oike reta o pe yave, oecha reta michia ichɨ María ndive. Jayave jae reta oyetavatɨka omboete reta michia. Jayave oipea reta imbaerɨru jare omee reta michia pe oro, mbae ikäti kavi vae incienso jare mirra.

Romanos 15:9

judiombae vae reta omboete vaerä vi Tumpa, jae iporoparareko re, Tumpaa Iñee oyekuatía oï rami: “Jáeramo, che toromboete judiombae vae reta ipɨte pe. Tatairari ndeve.”

DEUTERONOMIO 32:43

‘¡Tëtaguasu reta, pemboete Tumpa imbae vae reta! ¡Jae oiporaraukata jembiokuai reta imano re, oiporaraukata jovaicho reta pe, jare iñɨ̈rota kuae tëtaguasu pe jare imbae vae reta pe!’ ”

Filipenses 2:17

Yepe tëi güɨramoi cherugüɨ oyepɨyereta vi, mbota vino oyepɨyere mbaemɨmba oyeyukagüe iárambo rami, ërei jeseve ayerovia ko opaete pe reta ndive.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

JUECES 6:5

Echa jo guakapi pegua jare jɨmba reve reve yogüeru opa omboai ɨvɨ pegua mbaembae. Yogüeru jeta icamello ndive tuku ou opa mbae omokañɨtei rami.

JUECES 7:12

Jare Madián iñemuña reta, jare Amalec iñemuña reta jare kuaraɨ oëa kotɨgua reta, oñemoai ɨvɨpe kavi rupi, tuku jeta yae vae rami, jare jɨmba camello reta oyepapa rapeä, ɨguasu jembeɨ pe ɨvɨkuitï jeta yae rami.