ISAÍAS 60:5 - Biblia Guarani Tumpa Iñee

⁵ Reechata jare reyerovia yaeta, nepɨakañɨ yaeta; echa güeru retata ndeve mbaeyekou reta tëtaguasu reta ɨguasu jembeɨ rupigua güi, güeru retata ndeve ïru tëtaguasu reta imbaeyekou reta.

ISAÍAS 60:5 ပူးပေါင်းရင်းမြစ်များ

SALMOS 119:32

Ndeporookuai reta jeigüe ayapo jarembae voi, yerovia katu pe remotɨnɨe chepɨa yave.

SALMOS 34:5

Omae jese vae reta oyerovia katu, mbaetɨ oñemomaraiuka reta.

ISAÍAS 23:18

Ërei opaete omonganagüe oñeñono teeta yandeYa peguarä, mbaetɨta omboɨru ani oñovatu reta iyeupe, omee retata yandeYa jembiokuai reta pe, jae reta ogua vaerä jeta tembíu jare temimonde ikavigüe.

ISAÍAS 54:2

Embopɨguasu ndero guakapi pegua, embopɨguasu ndero guakapi pegua oyemboyao yao vae; agüɨye toata, embopuku nerɨmasa ndero imoataa, ietaka reta eyatɨka kavi eñono,

ISAÍAS 60:11

Neröke reta oyepea aveita; ngaraa oyeokenda ara pe ani pɨ̈tu yave ave, oyereru vaerä ndeve tëtaguasu reta imbaeyekou reta, jare mburuvicha guasu reta oike vaerä jupiegua reta ndive.

ISAÍAS 61:6

Jei retata pekotɨ, Tumpa isacerdote reta, Tumpa pe oyeokuai vae reta. Peyekouta ïru tëtaguasu reta imbaeyekou re, jae reta iyemboetea pe peyemboeteta.

ISAÍAS 66:12

Echa che peYa, körai ko jae: “Ko aru jese mbɨakatu, ɨ̈aka pe ɨ ou oväe rami, jare tëtaguasu reta imbaeyekou reta, ɨ̈aka pe ɨ jembeɨ oyepɨyere rami. Jae reta pemongaruta jare pereruta iyɨva re, jare täpapau pe pemboyaru yaru retata.

JEREMÍAS 33:9

Jare Jerusalén oïta cheve yerovia katurä, mbaemboete jare yemboete pegua opaete tëtaguasu reta ɨvɨ pegua jóvai. Jare jae reta oikuaa che amee opaete mbae ikavi vae Jerusalén pegua reta pe yave, orɨrɨi retata okɨɨye güi.”

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

San Mateo 25:16

Jayave jókuae pandepo talento omboresive vae omboɨpɨ omombaravɨkɨ, jare jökorai omoïru ye pandepo.

Hechos 10:45

Jare judío oporogüɨrovia vae Pedro jupíe yogüeru vae reta ipɨakañɨ, kërai judiombae vae reta pe vi oñemee Espíritu Santo vae re.

Hechos 11:17

Tumpa ko omee chupe reta Espíritu Santo yande yarovia yandeYa Jesucristo re vae pe omee vae rami yave, ¿kia pa che amboavai vaerä Tumpa oyapo vae?

Hechos 24:17

Ɨma pe ayu ye cheɨvɨ pe. Aru mbota iparavete vae reta peguarä jare Tumpa peguarä, añererökuavee chupe rami.

Romanos 11:25

Cherɨvɨ reta, aipota peikuaa yaikuaambae vae regua, agüɨye vaerä peyemboete peyé. Jae ko kuae: Amogüe Israel pegua reta ipɨatäta vae, jaeño oikota judiombae vae reta opaete oporogüɨroviata vae oporogüɨrovia regua;

Romanos 15:26

Echa Macedonia jare Acaya pegua reta jei ikavi ko omboatɨ jare omondo vaerä korepoti, Jerusalén pegua oporogüɨrovia vae iparavete vae reta pe.

2 Corintios 10:15

Mbaetɨ ko royembotuicha mbaravɨkɨ ambuae re. Ërei roipota okuakuaa vaerä peporogüɨrovia, royapo vaerä jeta mbaravɨkɨ pepɨte rupi, Tumpa oipota royapo vaerä vae rupi,

DEUTERONOMIO 33:19

Ɨvɨtɨ guasu re omboatɨ retata tëta guasu reta, jare joko pe omee retata mɨmba oyeyukagüe jupi vae; oyekou retata mbaeyekou ɨguasu pegua re, jare mbaeyekou ɨvɨkuitï pe oñeotɨ oï vae re.”

Apocalipsis 21:24

Opaete tëtaguasu oyemboasauka vae oguatata jókuae tëta jembipe pe, jare ɨvɨ pegua mburuvicha guasu reta güeru retata imbaeyekou reta chupe.

Apocalipsis 21:26

Jare opaete tëtaguasu pegua reta imbaeyekou reta oñemeeta chupe.

1 SAMUEL 2:1

Ana oyerure, jei körai: “CheYa chepɨa oyerovia nderé chemopɨ̈rata nde, tamoë cheñee cherovaicho reta kotɨ. ¡Ayerovia yae chemborɨ vae re!