ISAÍAS 60:2 - Biblia Guarani Tumpa Iñee

² Mase, pɨtumimbi oñovata ɨvɨ, jare tëtaguasu reta, ërei nderé omboesapeta yandeYa, nderé oyekuaata iyemboetea.

ISAÍAS 60:2 ပူးပေါင်းရင်းမြစ်များ

1 REYES 8:11

Jókuae jeko pegua sacerdote reta mbaetɨ ipuere opɨta oyapo iparavɨkɨ pɨpe, echa yandeYa iyemboetea omotɨnɨe yandeYa jo.

SALMOS 102:16

YandeYa omopüa ye Sión yave, oyekuaa iyemboetea yave,

SALMOS 80:1

Eyeapɨsaka Israel iñemuña reta iyangarekoa, nde reyangareko José re vecha re oyeangareko rami vae, nde reiko araɨgua querubín reta iä ipäu pe vae,

ISAÍAS 2:5

¡Peyu, Jacob iñemuña reta, yaguata yandeYa omee tembipe yandeve vae pe!

ISAÍAS 4:5

jare yandeYa oyapota amapɨtu pɨtumimbi vae ara pe, tembipe jare tata jendɨ vae pɨ̈tu yave, opaete o ñavo re Sión pe, jare opaete oyomboatɨa re. Echa yandeYa iyemboetea oïta opaete mbaembae iárambo küaraɨa rami,

ISAÍAS 58:10

remee nderembíu oata chupe vae pe yave, remborɨ yave ipɨatɨtɨ vae, jembipeta reyekuaa pɨtumimbía pe, kuaraɨ ara mbɨte pe oï rami reyekuaata.

ISAÍAS 58:8

Jayave, reyekuaata tembipe omboesape köembipe yave vae rami, jare ndepere okuerata jarembae pegua, jupi vae oikota nde ndive, ndeYa Tumpa oikota nderaɨkue ndeangareko vaerä.

ISAÍAS 62:1

Sión, nde roaɨu jeko pegua ngaraa chekïrii; Jerusalén nde roaɨu jeko pegua mbaetɨta aputuu, oyekuaa kavi regua jupi vae, köembipe jembipe oyekuaa rami, jare iporogüɨroasayepe mechero jendɨ omoembipe rami.

ISAÍAS 66:11

peu jare peyemoangapɨɨ iporombopɨakatu re. Peu jare peyekou iyemboetea jembipe re.”

ISAÍAS 8:22

jare oeka reta tëi yemborɨ kuae ɨvɨ pe yave, jaeño oväe retata mbaeporara jare mbɨatɨtɨ; jare jókuae susere pe opata ɨvɨ oñeñono oyeeya.

JEREMÍAS 13:16

Pemboete peYa Tumpa, ndei jae ombou mbove pɨtumimbi vae, jare ndei pepɨ̈sa-yeyuka mbove ɨvɨtɨ reta rupi; peäro tëi tembipe, ërei jae oipoepɨ pɨtumimbiasɨ pe peve, ñamano rape katu vae pe.

EZEQUIEL 10:4

Jayave yandeYa iyemboetea oyemboɨvate araɨgua querubín reta iárambo güi, ojo tupao jöke pe; jare amapɨtu tɨnɨe tupao, jare yandeYa iyemboetea jembipegüe oesape oka.

LEVÍTICO 9:23

Javoi Moisés jare Aarón oike tupao guakapi pegua pe, jare ñogüɨnoe jei ñee kavi jeta vae reta kotɨ. Jare yandeYa iyemboetea jembipe oyekuaa opaete vae reta pe.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

NÚMEROS 16:19

Coré opa ma yepe omboatɨuka tëta pegua reta Moisés jare Aarón kotɨ, tupao guakapi pegua jöke pe; jayave yandeYa iyemboetea oyekuaa opaete yatɨ vae reta pe,

San Mateo 15:14

Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe.

San Mateo 23:19

¡Yarakuaambae reta, jesambae vae reta! ¿Mbae pa yambotenondeta mbota pa ani mɨmba oyeyukagüe oyeapɨ jese vae pa?, echa mɨmba oyeyukagüe oyeapɨ jese vae ko oñono tee mbota.

San Mateo 23:24

¡Peresambae reve peporogüɨroata vae reta! Pembogua ñeti reta agüɨye vaerä peu, ërei pemókoi camello.

San Juan 1:1

Iyɨpɨ ete pe oiko Ñee. Jare jókuae Ñee oiko Tumpa ndive. Jae ko Tumpa etei.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 1:18

Mbaetɨi kia oecha Tumpa vae. Ërei Tumpa Taɨ jaevaeño vae, oiko jae ndive etei vae oikuaauka yandeve.

San Juan 8:55

Ërei pe reta mbaetɨ peikuaa Tumpa, ërei che aikuaa. Che jae yave mbaetɨ aikuaa, cheaputa tëi ko pe reta rami. Ërei aikuaa ko, jare ayapo jei cheve ayapo vaerä vae.

Hechos 14:16

Tumpa omaeño arakae pegua reta re oyapo vaerä jae reta oipota vae.

Hechos 17:23

Echa aguata ramboeve pembaemboete renda reta rupi, aecha metei mɨmba oñemee jese vae re oyekuatía oï körai: ‘TUMPA YAIKUAAMBAE PEGUARÄ.’ Jókuae Tumpa pemboete peikuaambae reve vae re ko che amoërakua peve.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

2 Corintios 3:18

Jáeramo, opaete yande ñamae ramboeve yandeYa iyemboetea re epeo rupi rami, yayepoepɨ yaja yaiko yandeYa iEspíritu rupi.

Colosenses 1:13

YandeRu yandereepɨ ma mbaepuere pɨtumimbi pegua güi, jare yandereroyakavo ma Taɨ oaɨu vae iporookuaía pe;

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.