ISAÍAS 60:19 - Biblia Guarani Tumpa Iñee

¹⁹ Ngaraa ma reipota kuaraɨ omboesape vaerä ndeve ara pe, ani yasɨ ave omboesape vaerä ndeve pɨ̈tu yave, echa, che ndeYa jae ko tembipe opambae; che, neTumpa, jae ko ndemboesape vae.

ISAÍAS 60:19 ပူးပေါင်းရင်းမြစ်များ

SALMOS 3:3

Ërei nde cheYa, jae ko cheyeopiaka, cheyemboetea, chemoäta ngatu vae.

SALMOS 36:9

echa nde renoi ɨ tekove pegua, ndereño orepuere roikove.

SALMOS 4:2

Pe kuimbae reta, ¿kërai yave regua pa perekota cheyemboetea ñemomarai pe? ¿Kërai yave regua pa peipota jare peekata mbaetɨ mbaerä osirive vae jare añetembae vae?

SALMOS 62:7

Tumpa re oï cheyereroasayepe jare cheyemboetea, jae ko ita guasu cheñepɨ̈roa jëguambae jare cheñemía ikavigüe.

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

SALMOS 84:12

CheYa Tumpa Imbaepuere yae ete vae, ¡oyerovia ko jókuae nderé oyeko vae!

ISAÍAS 2:5

¡Peyu, Jacob iñemuña reta, yaguata yandeYa omee tembipe yandeve vae pe!

ISAÍAS 24:23

Jare yandeYa Imbaepuere yae ete vae oguapɨ mburuvicha guasurä ɨvɨtɨ Sión re, Jerusalén pe yave, yasɨ jare kuaraɨ ngaraa ma oesape, jare tëta imbae pegua tenondegua reta oecha iyemboetea.

ISAÍAS 28:5

Jókuae ara yandeYa Imbaepuere yae ete vae oïta tëta imbae vae jembɨregüe reta peguarä äka-regua yemboete pegua rami, jare mbae imopöraka ikavi yae vae rami,

ISAÍAS 30:26

YandeYa oipoanota pepere. Jayave yasɨ omoembipeta kuaraɨ rami, jare kuaraɨ omoembipeasɨ yaeta chiu kuaraɨ jembipe rami.

ISAÍAS 41:16

Remboveveta jare opata ɨvɨtu güɨraja; kusumirou opata omoai moai. Ërei nde reyeroviata ndeYa re, reyemboeteta Tumpa Iyoambae Israel pegua re.

ISAÍAS 45:25

Cheré opaete Israel iñemuña reta oyembojupita jare oyemboeteta.”

ISAÍAS 51:11

Añetete, yandeYa oyoragüe reta oyerova yeta, otairari reve oyerova reta yeta Sión kotɨ; jova, oyerovia katu avei retata; ovɨa jare oyerovia katu retata, mbaeporara jare yaeo opata okañɨ.

ISAÍAS 60:1

Epüa Jerusalén, emboesape, echa oväe ma ndeve tembipe, yandeYa iyemboetea ou nderé.

ISAÍAS 9:2

Tëta pɨtumimbi pe oguatase vae oecha tembipe tuicha yae vae; mano ipo pe yogüɨrekose vae reta re, tembipe oesape.

ZACARÍAS 2:5

Ërei yandeYa jei: Che aïta chupe reta ikësearä tata rami, jare aïta ipɨte pe mbaemboetea peguarä.’ ”

ZACARÍAS 2:9

Mase, ko chepo añono jese reta, jembiokuai ae reta opɨ̈rota imbaembae reta chugüi.” Jökorai peikuaata yandeYa Imbaepuere yae ete vae ko chembou.

San Lucas 2:32

Jae ko tembipe ramita judiombae vae reta pe. Jare ndembae vae Israel pegua reta iyemboetearä.”

DEUTERONOMIO 10:21

Echa ikotɨño ko penoita opaete mbaemboete, jaeño ko peTumpa, oyapo peve opaete kuae mbaembae tuicha yae vae jare mɨakañɨ reta peecha vae.

Apocalipsis 21:23

Jare jókuae tëta guasu mbaetɨ oeka kuaraɨ ani yasɨ omoembipe vaerä. Echa Tumpa jare Vecha kuimbae taɨrusu vae etei omoembipe.

Apocalipsis 22:5

Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta. Jare oporookuai retata jekuaekuae avei rupi.