ISAÍAS 60:12 - Biblia Guarani Tumpa Iñee

¹² Tëtaguasu mbaetɨ oyeokuai ndeve vae, okañɨteita; tëtaguasu reta opaeteita oyemboai.

ISAÍAS 60:12 ပူးပေါင်းရင်းမြစ်များ

GÉNESIS 27:29

Toyeokuai ndeve opaete vae, Tëtaguasu reta toyetavatɨka nderóvai; eporookuai nerëtara reta re. Ndesɨ imembɨ reta toyetavatɨka nderóvai. Yepopeyu toï, oyepopeyu nderé vae re, jare mborerekua toï jei ñee kavi ndekotɨ vae reta re.”

SALMOS 108:13

Tumpa iporomborɨ rupi yayapota mbae tuichagüe; ¡jae ko omoamɨrita yanderovaicho reta!

SALMOS 2:12

Pemboete Taɨ, agüɨye vaerä iyarasɨ, jare opa pemano; echa aramoete pegua iyarasɨ. ¡Toyerovia katu opaete jese güɨrovia vae!

ISAÍAS 14:2

Jeta tëtaguasu reta omboresive kavita Israel iñemuña reta, jare omoïru retata yogüeru ye jëta kotɨ yave, jare Israel iñemuña reta oyapota jembiokuairä yandeYa iɨvɨ pe. Jökorai Israel iñemuña reta oyapota tembipɨɨrä arakae jökoraise oyapo vae, güɨnoi retata mbaepuere, arakae güɨrekose mbaepuere jese reta vae re.

ISAÍAS 41:11

Mase, opaete jókuae nemotareɨ vae reta oñemomaraiukata jare oñemomichiukata opɨta; jókuae oñeraro ndekotɨ vae reta opaeteita okañɨtei.

ISAÍAS 54:15

Kia nunga vae oporepeña nderé yave, cheporookuai rupiä ko outa; kia oñemopüa ndekotɨ vae, nde remoamɨrita.

JEREMÍAS 12:17

Ërei jókuae tëtaguasu mbaetɨ oyapo che jaegüe vae, opaeteita amboai, aapo mondorota opa amboai. Che ndeYa jae kuae.”

DANIEL 2:34

Jare remae reï ramboeve oa ɨvate kotɨ güi metei ita, mbaetɨ kia oyoka reve, jare ou oa jókuae kuimbae iä rami vae ipɨ jiero oyea ñaeu oyɨgüe ndive vae pegua re, jare opa omonguruvi.

DANIEL 2:35

Jayave opa vi ikuruvi jiero, ñaeu oyɨgüe, jiero iyu vae, korepoti jare oro, jare opa okañɨ kuaraɨ guasu pe trigo oyembopiriri vae javiyugüe ave opaetei ɨvɨtu güɨroveve rami, mbaetɨ etei mbae ave opɨta chugüi rami. Ërei jókuae ita ou oa jese vae oyeapo metei ɨvɨtɨ guasurä, opaetei omotɨnɨe ɨvɨ.

DANIEL 7:18

Ërei jaɨkue rupi kuae mborookuaía oñemeeta Tumpa Tuichagüe yae ete vae pe oñeñono tee vae reta pe, jare jae reta imbaerä oikota jekuae avei pegua.’

DANIEL 7:27

Mborookuaía, mbaepuere jare yemboetea opaete ɨvɨ pe ñogüɨnoi vae, oñemeeta oñeñono tee Tuichagüe yae ete vae pe vae reta ipo pe. Iporookuaía oikota jekuae avei pegua, opaete ɨvɨ pegua reta oyeokuaita chupe jare yogüɨrekota jae jeia re.’

ZACARÍAS 9:10

Jae amboaita Efraín ikäretou reta, jare kavayu reta Jerusalén pegua, jare güɨrapa reta ñeraro pegua opata omopë; jare imiarita mbɨakatu re opaete tëtaguasu reta pe, jare opaete oyeokuaita chupe, ɨguasu jembeɨ güive ïru ɨguasu jembeɨ kotɨ, jare ɨ̈aka Éufrates güive ojoita ɨvɨ iyapɨ re oya.

San Mateo 21:44

Oime kia nunga vae jókuae ita re ipɨ̈sa-yeyuka yave, oñemopëta ko. Jare kia re jókuae ita oa yave, opata omonguruvi.

San Lucas 19:27

Ërei peru kuae pe cherovaicho reta, jókuae mbaetɨ oipota juvicharä aiko vae reta. Peñäka-sɨa cheróvai.’ ”