ISAÍAS 60:10 - Biblia Guarani Tumpa Iñee

¹⁰ Ketɨgua reta omopüata nekësea, juvicha guasu reta oyeokuaita ndeve; echa, yepe tëi yandeYa iyarasɨ rupi oiporarauka ndeve, añave ipɨakavi ndekotɨ, güɨnoi mboroparareko nderé.

ISAÍAS 60:10 ပူးပေါင်းရင်းမြစ်များ

SALMOS 102:13

Epüa jare eiparareko mo Sión, echa oväe ma ko ara; ¡oväe ma ko neɨ̈ro chupe vaerä!

SALMOS 30:5

Echa jae iyarasɨ michi peguaño ko, ërei jae ipɨakavi mbaetɨ opa chugüi. Pɨ̈tu yave ou yaeo, ërei ndeimbove yave outa yerovia katu.

ISAÍAS 12:1

Jókuae ara rupi retairarita körai: “Yasoropai amee ndeve cheYa, echa yepe tëi ndearasɨ chekotɨ, ërei oasa ma ndearasɨ chembopɨakatu ye ma.

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

ISAÍAS 56:6

Jare ketɨgua reta taɨ, cheremimbota rupi yogüɨreko, oyeokuai reta vaerä cheve vae, jare oaɨu reta cheree yogüɨreko vaerä cherembiokuairä; jare opaete omboete ara mbutuu vae reta, agüɨye vaerä güɨröɨro, yogüɨreko cheporogüɨrökuavee päve rupi vae reta,

ISAÍAS 60:3

Jare nderembipe kotɨ yogüeruta tëtaguasu reta, mburuvicha guasu reta yogüeruta vi nderembipe kotɨ.

ISAÍAS 61:2

amoërakua vaerä yandeYa ipɨakavi iara ou ma oväe vae, jare ñaneTumpa oyepɨ vaerä iara ou ma vae regua; ambopɨakatu vaerä mbɨatɨtɨ pe ñogüɨnoi vae reta;

ISAÍAS 61:5

Ketɨgua reta oyangarekota pevecha reta re, jare peko reta rupi jare peuvarupa reta rupi oparavɨkɨ retata peve.

ISAÍAS 64:9

OreYa, agüɨye ndearasɨ yae, agüɨye vi nemaendúa avei oreyoa reta re. ¡Mase, ndembae vae ko opaete ore reta!

ISAÍAS 66:21

“Jare chugüi reta aiparavota vi sacerdote retarä jare levita retarä, omborɨ reta vaerä sacerdote reta.”

JOEL 2:18

Jayave yandeYa oipararekota imbae vae reta jare iñïrota chupe reta,

ZACARÍAS 6:15

Jare mombɨrɨ ñogüɨnoi vae yogüeruta jare oporomborɨta omopüa pɨau ye yandeYa itupao, jayave peikuaata yandeYa Imbaepuere yae ete vae ko chembou pekotɨ. Kuae oyeapota peendu jare pekɨ̈reɨ ngatu peyapo yandeYa iñee yave.

Apocalipsis 21:24

Opaete tëtaguasu oyemboasauka vae oguatata jókuae tëta jembipe pe, jare ɨvɨ pegua mburuvicha guasu reta güeru retata imbaeyekou reta chupe.

Apocalipsis 21:26

Jare opaete tëtaguasu pegua reta imbaeyekou reta oñemeeta chupe.