ISAÍAS 6:9 - Biblia Guarani Tumpa Iñee

⁹ Jare jae jei cheve: “Ekua jare ere kuae tëta pe: ‘Peendu kavi, ërei ngaraa peikuaa; peecha kavi, ërei ngaraai peikuaa kavi.’

ISAÍAS 6:9 ပူးပေါင်းရင်းမြစ်များ

PROVERBIOS 28:5

Kuimbae jeko kavimbae reta mbaetɨ etei oikuaa ikavi vae regua, ërei yandeYa reño oyeko vae reta oikuaa opaete mbaembae.

ISAÍAS 28:13

Jáeramo, yandeYa omomiarita michia raɨ rami, jaeramo etei oyemboe a, e, i, o, u jei vae re ñogüɨnoi rami. Jae reta oguatata, ërei oyatuaka retata, oñemopë retata, mbaetɨta ipuere omɨi, oa retata tembipɨɨrä.

ISAÍAS 29:10

Echa yandeYa ombou peve topeɨ tätagüe, ñeemombeúa reta opa oesaöva, maratuta vae imombeúa reta opa oesaöva.

ISAÍAS 29:13

Jayave yandeYa jei: “Echa kuae tëta chemboete iñee rupi jare jembe pe, ërei ngatu ipɨa mombɨrɨ ko oï chegüi; oipoɨu reta chegüi vae, kuimbae reta iporookuai re oyemboe vae ramiño ko;

ISAÍAS 29:14

jáeramo, jekuae ayapo yeta mɨakañɨ kuae tëta pe, metei mɨakañɨ tuicha vae jare oporoiämondo vae; jayave yarakuaa katu vae reta iyarakuaa opata okañɨ, jare ipoki vae reta ipɨarakuaa opata vi okañɨ.”

ISAÍAS 42:20

Echa oecha tëi jeta mbaembae, ërei mbaetɨ mbae jei; oendu tëi, ërei mbaetɨ oendu vae ramiño.

ISAÍAS 43:8

Pembou tëta chembae vae, oime tëi jesa, ërei jesambae rami, oime tëi iyapɨsa, ërei iyapɨsambae rami.

JEREMÍAS 5:21

Peendu kuae, pe yarakuaambae jare ipɨa täta vae reta, oime tëi peresa reta, ërei mbaetɨ peecha, oime tëi peapɨsa reta, ërei mbaetɨ peendu.

EZEQUIEL 12:2

“Nde kuimbae, reiko ipɨapochɨ vae reta ipɨte pe. Oime tëi jesa reta omae reta vaerä, ërei mbaetɨ oecha reta; oime tëi iyapɨsa reta, oendu reta vaerä, ërei mbaetɨ oendu reta, echa ipɨapochɨ vae reta ko.

OSEAS 1:9

Jare Tumpa jei Oseas pe: “Embojee, Lo-ammi, echa pe reta mbaetɨ ma ko tëta chembae, jare che mbaetɨ ma vi aiko peTumparä.”

San Marcos 4:12

Kuae ayapo agüɨye vaerä oikuaa kavi, yepe tëi oecha reta, ërei mbaetɨ oecha kavi reta, yepe tëi oendu reta, ërei mbaetɨ oikuaa reta, agüɨye vaerä oyerova reta Tumpa kotɨ, iyoa reta oyemboai vaerä.”

San Lucas 8:10

Jayave Jesús jei chupe reta: “Amombeu ma peve Tumpa iporookuaía regua peikuaambae vae, ërei ïru vae reta amboe ambojaanga reve, yepe tëi oecha reta, agüɨye vaerä oecha reta, jare yepe tëi oendu reta, ërei mbaetɨta oikuaa reta.

San Juan 12:40

“Tumpa oesaöva reta jare ombopɨa täta, agüɨye vaerä oecha kavi reta jare agüɨye vaerä oikuaa kavi reta, jare agüɨye vaerä oyepoepɨ reta. Echa oyepoepɨ reta yave, Tumpa ombogüerata.”

Romanos 11:8

Tumpa Iñee pe jei rami: “Tumpa omee chupe reta agüɨye vaerä iyarakuaa reta. Jáeramo yepe tëi omongeta reta Tumpa Iñee, ërei mbaetɨ oikuaa reta, jare yepe tëi oendu reta Tumpa iñee, ërei mbaetɨ güɨrovia reta añave regua.”

DEUTERONOMIO 29:4

Ërei mbaetɨño yandeYa omee peve peikuaa vaerä, peecha vaerä jare peendu vaerä mbae ko oipota jei opaete kuaekuae vae.