ISAÍAS 6:5 - Biblia Guarani Tumpa Iñee

⁵ Jayave jae: “¡Atataɨ, maera pa ko amanota! Echa che kuimbae iyuru ikɨa Tumpa jóvai reve, jare tëta iyuru ikɨa Tumpa jóvai vae reta ipɨte pe aiko reve aecha Mburuvicha guasu, yandeYa Imbaepuere yae ete vae.”

ISAÍAS 6:5 ပူးပေါင်းရင်းမြစ်များ

GÉNESIS 32:31

Jare Peniel güi oasa ma yave oë chupe kuaraɨ; jare jumbɨrasɨ güi iköcho ojo oiko.

SALMOS 24:10

¿Kia pa ko kuae Mburuvicha guasu imboetea yae vae? ¡Jae ko yandeYa Imbaepuere yae ete vae! ¡Jae ko Mburuvicha guasu imboetea yae vae!

ÉXODO 24:10

jare joko pe oecha reta Israel iTumpa; oecha reta ipɨ igüɨ pe ipe kavi, ita zafiro jee vae jembipeasɨ rami vae, ara jembipeasɨ oï rami etei vae.

ÉXODO 3:6

Che ko jae neñemuñagüe Abraham, Isaac jare Jacob iTumpa. Jayave Moisés oñomi jova, echa okɨɨye omae vaerä Tumpa re.

ÉXODO 33:20

Ngaraa ndepuere reecha cherova, echa ngaraa metei kuimbae chereecha yave oikoveño.

ÉXODO 4:10

Jayave Moisés jei yandeYa pe: —¡Atataɨ cheYa! Mbaetɨi ko che kuimbae iñee ngatu vae tenonde güive, ani nde nemiari che nderembiokuai ndive yave ramoä ko; echa ɨma ɨma yave aväe cheñeerä jare chekü ipoɨ.

ÉXODO 6:12

Ërei Moisés omboyevɨ ñee yandeYa pe: —Mase, Israel iñemuña reta viña pa mbaetɨ oyeapɨsaka cheñee re. ¿Këraita pa Faraón oyeapɨsaka cheñee re?, echa chemiari vaerä chekü ipoɨ yoapɨ.

ÉXODO 6:30

Ërei Moisés omboyevɨ ñee yandeYa pe: —Mase, chekü ipoɨ yae ko chemiari vaerä. ¿Oyeapɨsakata pa Faraón cheñee re?

ISAÍAS 24:16

Ɨvɨ iyapɨ kotɨ güi roendu otairari reta yandeYa pe körai: “¡Toyemboeteuka Jupi yae vae!” Ërei che jae: “¡Atataɨ, maera pa ko jökorai mbatee!” ¡Jupimbae reta oyapo ikavimbae yae vae!

ISAÍAS 29:13

Jayave yandeYa jei: “Echa kuae tëta chemboete iñee rupi jare jembe pe, ërei ngatu ipɨa mombɨrɨ ko oï chegüi; oipoɨu reta chegüi vae, kuimbae reta iporookuai re oyemboe vae ramiño ko;

ISAÍAS 33:17

Jekuae reecha yeta Mburuvicha guasu iyemboetea ikavi yae vae; jare reechata kuae ɨvɨ ipɨguasu yae ko vae.

ISAÍAS 59:3

Echa pe reta peporoyuka vae ko, jare pepo reta tugüɨ yepeai, peapu jare pere ñee ikavimbae.

ISAÍAS 64:6

Opaete ore reta ko mbae ikɨa vae rami, orerembiapo kavi reta, tarapo ikɨa vae rami ko ndeve; opaete ore roa, ɨvɨra joo oa rami, jare orerembiapo kavimbae reta orereraja, ɨvɨtu güɨraja mbae rami.

JEREMÍAS 1:6

Jare che jae: “¡Atataɨ, cheYa Tumpa! Mase, ¡che mbaetɨ aikatu chemiari, echa chetaɨrusu yae vɨteri ko!”

JEREMÍAS 51:57

Mburuvicha guasu, yandeYa Imbaepuere yae ete vae jei: “Ambosavaɨpota Babilonia pegua mburuvicha reta, iyarakuaa vae reta jare sundaro ruvicha reta, jare mburuvicha guasu iyɨvɨrigua reta jare sundaro reta; jökorai oketa jekuae avei pegua, ngaraa ye ma okuera.

EZEQUIEL 12:2

“Nde kuimbae, reiko ipɨapochɨ vae reta ipɨte pe. Oime tëi jesa reta omae reta vaerä, ërei mbaetɨ oecha reta; oime tëi iyapɨsa reta, oendu reta vaerä, ërei mbaetɨ oendu reta, echa ipɨapochɨ vae reta ko.

EZEQUIEL 33:31

Yogüeru ndekotɨ chembae vae reta rami, ñogüɨnoi nderóvai tenonde yave yogüɨrekose rami, oendu reta neñee, oyeapɨsaka reta neñee re. Ërei mbaetɨ oyapo reta oendugüe. Yepe tëi oikatu imiari reta vaerä pɨpe, ërei ipɨa reta korepoti pota reteiño.

DANIEL 9:20

Che jekuaeñoi ayerure jare ayemombeu cheyoa re jare cherëta Israel iyoa re, aeka yemborɨ cheYa Tumpa pe iɨvɨtɨ oñeñono tee vae peguarä.

HABACUC 3:16

Opaete kuae aendu yave ayandu akɨɨye yae, jare cherembe osɨsɨi, chekägüe reta opa jëogüe, opaete cherete orɨrɨi. Jökorai reve aäro pɨagüiveta Tumpa ombou mbɨatɨtɨ vae iara pe, jókuae sundaro reta yogüeru oremboai vaerä yave.

NÚMEROS 17:12

Jayave Israel iñemuña reta jei Moisés pe: “¡Opaeteita ndipo romano! ¡Ngaraa ndipo rojoyepe!

JUECES 13:22

jare jei jembireko pe: —Ñamanota ko, echa Tumpa yaecha.

JUECES 6:22

Gedeón oecha yandeYa iaraɨgua ko yave jei: —¡Atataɨ cheYa! ¡Aecha cheYa iaraɨgua jova!