ISAÍAS 6:3 - Biblia Guarani Tumpa Iñee

³ Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

ISAÍAS 6:3 ပူးပေါင်းရင်းမြစ်များ

ESDRAS 3:11

Jare otairari reta, ombaemboete reta omee reta yasoropai yandeYa pe, jei reve: “Jae ipɨakavi ko, echa iporoparareko jekuae avei Israel re.” Jare opaete vae reta osapúkai täta oyerovia reve omboete reta yandeYa, echa jo iguapɨka oyemboɨpɨ ma oñeñono.

SALMOS 57:11

CheRu Tumpa, nde ko ɨvate yae ara güi vae. ¡Ndeyemboetea tɨnɨe oï opaete ɨvɨ!

SALMOS 66:2

Petairari jee imboetea yae re, pemboete petairari pe iyemboetea.

SALMOS 72:19

Toyemboete jekuae avei pegua jee imboetea yae vae. ¡Opaete ɨvɨ titɨnɨe iyemboetea! ¡Amén! ¡Amén!

SALMOS 8:2

Michia reta rupi jare okambu vɨteri vae reta rupi remboyekuaa ndembaepuere nderovaicho reta jeko pegua. Remokïrii vaerä nderovaicho reta jare iyepɨse vae reta.

SALMOS 90:16

¡Eechauka nderembiokuai reta pe nderembiapo, jare taɨ reta pe eechauka ndeyemboetea!

SALMOS 97:6

Ara reta omoërakua jae jupi ko vae, opaete tëta reta oecha iyemboetea.

SALMOS 99:3

Toyemboete jee, kɨɨyea yae vae jare tuicha yae vae. ¡Tumpa ko Iyoambae!

SALMOS 99:9

Pembotuicha yandeYa Tumpa, ¡peyetavatɨka chupe iɨvɨtɨ oñeñono tee vae jóvai! ¡YandeYa Tumpa ko Iyoambae!

ÉXODO 15:11

CheYa, ¿kia pa nde rami ïru tumpa reta güi? ¿Kia pa nde rami tuicha yae jare iyoambae, mɨakañɨ tuichagüe jare yavaetegüe iyapoa? ¡Jupi ko reyemboeteuka vaerä!

ISAÍAS 24:16

Ɨvɨ iyapɨ kotɨ güi roendu otairari reta yandeYa pe körai: “¡Toyemboeteuka Jupi yae vae!” Ërei che jae: “¡Atataɨ, maera pa ko jökorai mbatee!” ¡Jupimbae reta oyapo ikavimbae yae vae!

ISAÍAS 40:5

YandeYa omboyekuaata iyemboetea, jare opaete kuimbae reta oecha päveta. Echa yandeYa etei ko jei.”

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

EZEQUIEL 43:2

jare aecha Israel iTumpa iyemboetea ou kuaraɨ oëa kotɨ güi. Jɨapu oyeendu ɨ tuicha yae vae jɨapu rami, jare ɨvɨ jembipe Tumpa iyemboetea oyekuaa jeko pegua.

EZEQUIEL 44:4

Javoi jókuae kuimbae chereraja öke ɨvɨtuguasu kotɨgua kotɨ tupao jóvai rupi. Amae jare aecha yandeYa iyemboetea omotɨnɨe tupao; jare ayetavatɨka chetindɨasɨ reve ɨvɨ re.

HABACUC 2:14

Echa yandeYa iyemboetea regua jërakuata opaete ɨvɨ rupi, ɨ omotɨnɨe ɨguasu rami.

ZACARÍAS 14:9

YandeYa oïta mburuvicha guasurä opaete ɨvɨ re, jókuae ara yandeYa jaeño oïta, jare jee meteiñota vi.

NÚMEROS 14:21

Ërei cheree re jare cheyemboetea omotɨnɨe kuae ɨvɨ vae re, tamombeu peve:

Efesios 1:18

Tumpa toesape pearakuaa, peikuaa kavi vaerä mbaerä ra pereenɨi vae jare kërai penoi vi ko mborerekua tuichagüe oporogüɨrovia vae reta ndive vae,