ISAÍAS 6:13 - Biblia Guarani Tumpa Iñee

¹³ Jare opɨta yave mbovɨ yepe kuae tëta pe, jókuae jaenunga vi oyemboaita; ërei ngatu ɨvɨra roble jare encina jee vae reta oyeasɨa yave, jekuaeño opɨta iyɨpɨgüe, jökoraita ko opɨta ñemuña reta oñeñono tee vae jembɨregüe.”

ISAÍAS 6:13 ပူးပေါင်းရင်းမြစ်များ

GÉNESIS 22:18

Neñemuña rupi outa cheporerekua opaete kuimbae reta ɨvɨ pegua re, nde reyandu cheñee ramo.”

ESDRAS 9:2

Echa jae reta jare taɨ reta güɨreko jókuae ɨvɨ pegua reta tayɨ, jökorai Tumpa jembiparavo reta oyea ïru tëta pegua reta ndive. Mburuvicha reta etei tenonde oyapo kuae mbaeyoa.”

ESDRAS 9:8

Jare añave michi pegua nde oreYa Tumpa remboyekuaa ndeporoparareko royeyora vaerä mbovɨ ropɨtagüe pe, remee vaerä oreve jókuae ɨvɨ nde rerökuavee oreve vae, remee ye roï kavi pɨau ye vaerä royeokuai pɨte pe.

ISAÍAS 1:9

Ërei yandeYa Imbaepuere yae ete vae mbaetɨ yave mona oeya mbovɨ yepe yandeve ñemuña, Sodoma jare Gomorra rami ko yapɨtata tëi.

ISAÍAS 11:1

Ɨvɨraɨpɨ rami vae Isaí güi oëta metei jokɨ, iyɨpɨasɨ güi jeñɨita.

ISAÍAS 4:3

Sión pe jembɨre vae reta, jae ko Jerusalén pe jembɨre vae reta, ombojee retata, “Oñeñono tee Tumpa peguarä vae reta”. Opaete Jerusalén pe oikove vɨteri vae reta, jee oñemoapɨta ñogüɨnoi rami,

EZEQUIEL 6:8

Ërei mbovɨ che aroasayepeta mano güi oikoveño vaerä; kuae reta opata amoai moai ïru tëtaguasu reta rupi.

AMÓS 5:3

Echa körai jei yandeYa Tumpa Israel iñemuña reta pe: “Metei tëta guasu güi ojo yave mil sundaro ñeraroa pe, cienño oyerova yeta; ojo yave cien, payandepoño oyerova yeta.”

MIQUEAS 5:6

Kuae reta omboaita ɨvɨ Asiria pegua reta kɨsepuku pe, Nimrod iɨvɨ; jare yandereepɨta Asiriaɨgua reta güi, yogüeru opɨ̈ro yandeɨvɨ yandegüi yave.

SOFONÍAS 3:12

Aeyata ndeve ipɨa omomichi vae jare mbaetɨ ipɨayemboete vae reta, jae reta oyekota chereño.

ZACARÍAS 13:8

YandeYa jei: Jare opaete kuae ɨvɨ rupi, mbɨte oasa ye omanota, okañɨtei retata; ërei oimeñota jembɨre pɨpe vae.

MALAQUÍAS 2:15

Tumpa ko oyapo mókoi vae güi meteiño, güɨnoi jete jare jekove. ¿Maera pa oyapo metei ramiño? Echa oipota tëi ko peñemuña vaerä Tumpa peguaräño. ¡Jáeramo, peñeñovatu agüɨye pembotavɨ perembireko, petaɨrusu güive pemenda jae ndive vae!

San Mateo 24:22

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

San Marcos 13:20

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

Romanos 9:5

Jae reta vi ko ñaneñemuñagüe reta iñemuña, jare jupi reta Cristo ou oyeapo kuimbaerä. Tumpa etei ko. Jae ko opaete mbaembae iYa. Toyemboeteuka jekuae avei pegua. Amén.

DEUTERONOMIO 28:62

Jare mbovɨ yae pepɨtata, peiko tëi ma reve jeta yeyé yasɨtata rami, mbaetɨ ramo peendu yandeYa Tumpa iñee.

DEUTERONOMIO 7:6

Echa pe reta ko jae tëta oñeñono tee yandeYa Tumpa peguarä vae; yandeYa Tumpa ko peparavo, peiko vaerä chupeguarä metei tëta ikavi yae vae, opaete ïru tëta reta kuae ɨvɨ pe ñogüɨnoi vae güi.