ISAÍAS 59:2 - Biblia Guarani Tumpa Iñee

² Ërei peyoa reta pemboyao peTumpa güi, peyoa reta oñovauka Tumpa jova pegüi, agüɨye vaerä oyeapɨsaka peré.

ISAÍAS 59:2 ပူးပေါင်းရင်းမြစ်များ

PROVERBIOS 15:29

YandeYa, mombɨrɨ oï iyoa vae reta güi, ërei oendu, jupi vae reta iyerure.

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

ISAÍAS 50:1

YandeYa jei körai: “¿Ayapouka pa tupapire yomombo pegua pesɨ Israel peguarä, ani pomee pa chepia chupe vae reta pe, chepia re? Peyoa reta jeko pegua ko opa peñemeeuka, pepɨapochɨ jeko pegua ko pesɨ Israel oyemombouka.

ISAÍAS 57:17

Israel iñemuña reta iyoa jeko pegua chearasɨ, aiporarauka chupe jare ayerova chugüi reta; ërei jeiete oyembopɨapochɨ reta, jare oyapo reta ipɨa jemimbota.

ISAÍAS 58:4

Yekuaku tembíu güi iara pe, peyoaka jare peñoraro vaeräño, peporombopere püriete pe. Agüɨye yekuaku iara pe peyapo jökorai, echa ngaraa aendu peve peyerure reta.

JEREMÍAS 5:25

Ërei pembaeyoa reta oyopia opaete kuaekuae reta pegüi, jare mbaetɨ peyekou jese.

LAMENTACIONES 1:8

Jerusalén tuicha iyoa, jókuae jeko pegua opa oyererajauka. Tenonde yave rupi omboetese reta vae, añave rupi güɨröɨro, oecha reta ramo inandi. Kuae jeko pegua iä-yekɨi oyaeo jare oñomi jova.

EZEQUIEL 39:29

Ngaraa ma ayembosɨrɨ chugüi reta, echa ameeta chembaepuere Israel iñemuña reta pe. Che peYa Tumpa jae kuae.”

MIQUEAS 3:4

Metei ara peenɨita yandeYa, ërei jae ngaraa oendu peve; oñomita jova pegüi jókuae ara rupi, teko kavimbae yae peyapo jeko pegua.

JOSUÉ 7:11

Israel iñemuña reta iyoa, oyavɨ cheporogüɨrökuavee päve che ayókuai reta tëi vae. Oipɨɨ reta mbaembae yepopeyu oï jese vae güi; oñomi reta, yapu reta, jare oñovatu reta imbaembae ipɨte pe.

1 SAMUEL 4:3

Yogüeru ye ma ñeraroa güi teyupa pe yave, Israel iñemuña itenondegua reta jei: “¿Maera pa yandeYa yandeyukauka filisteo reta pe? ¡Yaja yaru yandeYa ikäjou morogüɨrökuavee päve pegua Silo güi, jókuae käjou toï yandepɨte pe, yandereepɨ vaerä yanderovaicho reta güi!”