ISAÍAS 59:17 - Biblia Guarani Tumpa Iñee

¹⁷ Oyemonde jupi vae pe, jete regua temimonde ñeraro pegua pe rami, jare oyemonde mborogüɨroasayepe pe, äka-ɨru ñeraro pegua pe rami, yepɨse pe oyemonde, temimonde pe rami, jare oñeova arasɨ pe, ñeapevaka pe rami.

ISAÍAS 59:17 ပူးပေါင်းရင်းမြစ်များ

JOB 29:14

Aiko ayemonde jupi vae pe rami, jare jae cheöva, ñeapevaka jare äka-regua rami cheve isɨmbi aiko vae.

SALMOS 69:9

Echa ndero re cherägüɨro yae vae re aiporara; ndeangao vae reta cheangao vi.

SALMOS 94:1

¡CheYa, Tumpa oyepɨ ikavimbae iyapoa reta re vae, Tumpa oyepɨ ikavimbae iyapoa reta re vae, eyeechauka!

ISAÍAS 11:5

Jare oyemondeta jupi vae pe, jare oyekuakuata añete vae pe.

ISAÍAS 26:11

CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

ISAÍAS 37:32

echa Jerusalén pe oimeta jembɨregüe reta, ɨvɨtɨ Sión pe oasayepegüe reta. YandeYa Imbaepuere yae ete vae, oporoaɨu yae vae jeko pegua oyapota kuae.

ISAÍAS 42:13

YandeYa oëta, metei jëia yae ñeraro regua vae rami, jare oñerarota, ñeraro regua yavaetegüe rami; osapúkai pukaita jare omoamɨrita jovaicho reta.

ISAÍAS 51:9

Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;

ISAÍAS 63:15

Emae ara güi, jókuae ikɨambaea jare iyemboetea yaea pe reikoa güi. ¿Ketɨ pa oime nerägüɨro, ndembaepuere, ndepɨaä jare ndeporoaɨu orekotɨ vae? ¿Opa ma pa rembosɨrɨ oregüi?

ISAÍAS 63:2

—¿Maera pa ko moropɨ̈ta nderemimonde, uva re opɨ̈ro vae jemimondeecha?

ISAÍAS 63:3

—Cheño etei ko apɨ̈ro aiko uva re, mbaetɨ etei kia chemborɨ vae; chearasɨ yae reve apɨ̈ro cherovaicho reta re, chearasɨ yae reve aumbiri reta, jare jugüɨ otɨi cheremimonde re, jare opaetei cheremimonde amongɨa.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

EZEQUIEL 5:13

Aitɨta chearasɨ jare ayemoangapɨɨta jese reta, jayave chepɨakatuta apɨta. Aitɨ ma yave chearasɨ jese reta, chekuaa retata che ko jae iYa vae, che ko jae jare ayapo chearasɨ reve cherägüɨro güi.

ZACARÍAS 1:14

Jare araɨgua imiari che ndive vae jei cheve: “Emoërakua rere reve: ‘Körai jei yandeYa Imbaepuere yae ete vae: Cherägüɨro yae Jerusalén re, jae ko Sión.

San Juan 2:17

Jayave jemimboe reta imaendúa oyekuatía oï vae re: “Ndero re cherägüɨro yae vae re aiporara.”

2 Corintios 6:7

ñee añete vae rupi, Tumpa imbaepuere pe, royapo avei jupi vae,

Efesios 6:14

Jáeramo peñemomɨ̈rata, peyeumbɨkua añetegüe pe, peyemonde mbaejupi pe, temimonde ñeraro pegua pe rami,

Efesios 6:17

Peñono peäka re äka-ɨru jiero pegua yemboasa pegua, jare peiporu Tumpa iñee, jae ko kɨsepuku Espíritu pegua.

1 Tesalonicenses 5:8

ërei yande yaiko tembipe pe vae reta yayeandu ñaï, yamonde reve mborogüɨrovia pe jare mboroaɨu pe temimonde ñeraro pegua pe rami. Jare peñono peäka re äka-ɨru jiero pegua yemboasa pegua.

2 Tesalonicenses 1:8

Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

Hebreos 10:30

Yaikuaa ko Tumpa jei: “Oiporarauka vae ko che. Che tamboekovia chupe.” Jei vi: “YandeYa oiporaraukata imbae vae reta pe.”

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.