ISAÍAS 59:15 - Biblia Guarani Tumpa Iñee

¹⁵ Añete vae mbaetɨ etei ma, ikavimbae güi oyembosɨrɨ tëi vae, oñeñono tembipɨɨrɨru pe. Nde oreYa pe mbaetɨ ikavi jókuae, reecha yave mbaetɨ etei jupi vae.

ISAÍAS 59:15 ပူးပေါင်းရင်းမြစ်များ

GÉNESIS 38:10

Jare yandeYa pe mbaetɨ ipöra jókuae oyapogüe, jare oekɨ chugüi jekove.

2 SAMUEL 11:27

Ërei oasa güire ime oäpiro vae iara yave, David omondo güeru jo pe; jare oiko jembirekorä, jare imembɨ chupe metei kunumi. Ërei kuae David oyapo vae, mbaetɨ etei ikavi yandeYa jesa róvai.

2 REYES 9:11

Jaɨkue rupi Jehú oë ye juvicha imborɨa reta yatɨ ñogüɨnoia pe yave, jókuae reta oparandu chupe: —¿Maratu pa? ¿Maera pa ou omae nderé jókuae imbokere vae? Jehú jei: —Pe reta peikuaa ko jókuae kuimbae jare peikuaa vi iyemongeta.

2 CRÓNICAS 21:7

Ërei yandeYa mbaetɨ oipota opa omboai David iñemuña reta, echa oyapo morogüɨrökuavee päve David ndive jare iñemuña reta ndive yogüɨreko avei vaerä tembipe rami.

SALMOS 5:9

Jae reta mbaetɨ imiari añete vae; iyɨvɨte ikaviä etei ko, tëogüe-rɨru oyepea oï rami ko iyaseo, ¡ikü pe omopöra kavi yapu!

ISAÍAS 1:21

¡Tëta guasu jupi vae! ¿Këraiägua pa reyu repɨta metei kuña iyaguasa pota vae rami? Yepi, jeta kuae pe jupi vae reta jare jeko kavi vae reta, ërei añave jaeño ma oñeväe kuae pe oporoyuka vae reta.

ISAÍAS 10:2

mbaetɨ vaerä peyapo jupi vae paravete vae reta pe, pemboeteä etei vaerä paravete vae reta kuae tëta chembae vae pegua, peyuvanga vaerä imemano vae reta re, pepɨ̈ro vaerä mbae tɨ̈reɨ reta güi!

ISAÍAS 29:21

ambuae rei omboya reta iparapiti, jókuae ikɨ̈reɨ oyavɨuka oporojäa vae pe vae reta, jare oporombotavɨ reve oikuaku jupi vae kia jekombae güi vae.

ISAÍAS 32:7

Jeko kavimbae oeka kërai oyapo vaerä ikavimbae, ikaviä oyemongeta ipɨa pe; apu rupi oyapo ikavimbae vae paravete vae kotɨ jare ñeapo rupi oeka tëi oime vaerä jupi rupi ñeñono kavi chupe vae kotɨ.

ISAÍAS 46:12

Peyeapɨsaka cheré, ipɨatäta vae reta, pe, mbaetɨ perovia yereroasayepe outa ma ko vae:

ISAÍAS 48:1

“Peyeapɨsaka, Jacob iñemuña reta, tee Israel pe peñeenɨi vae reta, Judá iñemuña reta; Tumpa jee re peñererökuavee mbae peyapo vaerä vae; Israel iTumpa pe peyerure vae reta, yepe tëi mbaetɨ añetete reve ani jupi rupi;

ISAÍAS 5:23

Peipɨɨ vɨari korepoti vae rupi mbaetɨ pemboeko, jeko tëi vae, jare mbaetɨ peñono kavi teko, jekombae vae peguarä.

ISAÍAS 59:4

Mbaetɨ kia oñeapo jupi rupi, mbaetɨ vi kia oporojäa añetegüe rupi. Güɨrovia katu reta apu re, jare ñee añetembae re; ipurúa reta rami ikavimbae pe, jare omoë reta mbaeyoa.

ISAÍAS 65:12

che pomeeta pemano ñeraro pe, opaete pe reta peyetavatɨkata peäka oyeasɨa vaerä. Echa poenɨi tëi, ërei mbaetɨ pemboyevɨ cheve; pomomiari tëi, ërei mbaetɨ peendu cheve; peyapo ikavimbae cheróvai, peiparavo peyeupe, mbaetɨ etei ipöra cheve vae.”

ISAÍAS 66:4

Jayave, che aiparavota vi tembiporara chupe reta, aruta chupe reta, jae reta okɨɨye yae chugüi vae. Echa aporoenɨi tëi yave mbaetɨ kia omboyevɨ cheve, cheñee amoë tëi yave, mbaetɨ kia oendu cheve; ikavimbae oyapo reta cheróvai, oiparavo reta iyeupe, mbaetɨ etei ipöra cheve vae.”

JEREMÍAS 29:26

YandeYa neñono sacerdoterä sacerdote Joiada jekovia pe, reyangareko vaerä tupao pe. Oime yave oyekuaa imbokere vae jare omboɨpɨ imiari ñeemombeúa rami yave, nde reipɨɨta reñono tembipɨɨrɨru pe ɨvɨrakua pe.

JEREMÍAS 7:28

Ere körai: ‘Jae ko kuae tëtaguasu mbaetɨi oyapo iYa Tumpa jeigüe vae, mbaetɨ vi oipota oyeapo kavi. Jupi rupi yogüɨrekose vae opa okañɨ chugüi.’ ”

LAMENTACIONES 3:36

mbaetɨ jupi vae oyeapo kuimbae pe vae; opaete kuaekuae Tumpa pe mbaetɨ etei ko jaekavi.

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.

AMÓS 5:10

¡Pe reta pemotareɨ öke pe oepɨ teko jupi vae, jare peröɨro sɨmbi rupi imiari vae!

MIQUEAS 7:2

Mbaetɨ ma iporoparareko vae ɨvɨ pe; metei ave mbaetɨ jeko sɨmbi vae kuimbae reta ipɨte pe; metei ñavo oäro oporoyuka vaerä; metei ñavo oeka kërai omboeko vaerä japicha.

San Marcos 3:21

Jesús jëtara reta kuae oikuaa yave, yogüeru güɨraja vaerä tëi, echa jei reta: —¡Imbokere ma!

San Juan 10:20

Jeta chugüi reta jei: —Aña oya jese. Imbokere ma. ¿Maera pa peyeapɨsaka jese?

San Juan 8:52

Jayave judío reta jei Jesús pe: —Añave roikuaa kavi ma aña ko oya nderé vae. Abraham jare ñeemombeúa reta opa omano. Ërei nde rere: “Che jae vae oyapo vae ngaraa omano.”

Hechos 26:24

Jare Pablo jökorai oñemoe iyé yave, Festo iñeeäta reve jei: —¡Ndembokere ma Pablo! ¡Jeta yae reyemboe vae ndemombokere ma!

Hechos 9:1

Jare Saulo omomburu oyuka vaerä yandeYa re güɨrovia vae reta, jáeramo ojo sacerdote tenondegua ete oïa pe.

Hechos 9:23

Jare ɨma ma oasa yave, judío reta oyomboemboe oyuka vaerä Saulo.

Romanos 8:36

Echa Tumpa Iñee pe oyekuatía oï körai: “Nderé rogüɨrovia ramo, ara ñavo roiko yemomburu rupi. Roiko vecha reta oyereraja mbaeyukaa pe vae rami.”

2 Corintios 5:13

Echa orembokere ko yave, Tumpa peguarä ko. Mbaetɨ orembokere yave, peveguarä ko.