ISAÍAS 59:14 - Biblia Guarani Tumpa Iñee

¹⁴ Jupi vae rogüɨröɨro, sɨmbi vae osɨrɨ oregüi, añete vae rombosɨrɨ oreyeugüi oka guasu pe, jare mbaetɨ oime mboromboete.

ISAÍAS 59:14 ပူးပေါင်းရင်းမြစ်များ

1 REYES 21:10

Javoi peñono jóvai mókoi kuimbae ipɨapochɨ vae yapu reve oporomboeko vae, imiari reta vaerä ikotɨ, jei reve: ‘Nde rere ñee ikavimbae Tumpa kotɨ jare mburuvicha guasu kotɨ.’ Javoi penoe ikatu pe peyapi ita pe, jökorai tomano.”

1 REYES 21:11

Jare opaete vae reta, tenondegua reta jare mburuvicha reta, Jezabel oyapo ombou kuatía rupi oyókuai rami.

SALMOS 119:150

Chemotareɨ vae reta oya ikavimbae re, oyembosɨrɨ reta ndeporookuai güi.

ECLESIASTÉS 3:16

Aecha vi kuae ɨvɨ pe: Añete vae jekovia pe, teko kavimbae, jupi vae jekovia pe, jupimbae.

ISAÍAS 1:21

¡Tëta guasu jupi vae! ¿Këraiägua pa reyu repɨta metei kuña iyaguasa pota vae rami? Yepi, jeta kuae pe jupi vae reta jare jeko kavi vae reta, ërei añave jaeño ma oñeväe kuae pe oporoyuka vae reta.

ISAÍAS 46:12

Peyeapɨsaka cheré, ipɨatäta vae reta, pe, mbaetɨ perovia yereroasayepe outa ma ko vae:

ISAÍAS 5:23

Peipɨɨ vɨari korepoti vae rupi mbaetɨ pemboeko, jeko tëi vae, jare mbaetɨ peñono kavi teko, jekombae vae peguarä.

ISAÍAS 5:7

Jókuae yandeYa Imbaepuere yae ete vae iuvarupa, jae ko Israel iñemuña reta, jare temitɨ ikavi vae, jae ko kuimbae Judá pegua reta. YandeYa oäro tëi chugüi reta jupi vae, ërei jeieteño ikavimbae, oäro tëi chugüi reta jupi vae, ërei jeieteño jäse oiporara vae reta.

ISAÍAS 59:11

Opaete yande reta ñanepüae, oso ipüae rami, ani pɨkasu ipüae rami; ñaäro tëi jupi vae, ërei mbaetɨ oväe; ñaäro tëi yeyora, ërei osɨrɨ yandegüi.

ISAÍAS 59:4

Mbaetɨ kia oñeapo jupi rupi, mbaetɨ vi kia oporojäa añetegüe rupi. Güɨrovia katu reta apu re, jare ñee añetembae re; ipurúa reta rami ikavimbae pe, jare omoë reta mbaeyoa.

ISAÍAS 59:9

Isaías jei: Jáeramo osɨrɨ yandegüi jupi vae, mbaetɨ ou yandeve isɨmbi vae; ñaäro tëi tembipe, jaeño oime yandeve pɨtumimbi; ñaäro tëi jembipe katu vae, ërei yaguata pɨtumimbi rupi.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

JEREMÍAS 7:28

Ere körai: ‘Jae ko kuae tëtaguasu mbaetɨi oyapo iYa Tumpa jeigüe vae, mbaetɨ vi oipota oyeapo kavi. Jupi rupi yogüɨrekose vae opa okañɨ chugüi.’ ”

DANIEL 8:12

Oike oyapo reta ikavimbae yae vae jókuae ara ñavo mɨmba oyeyuka oñemee Tumpa pe vaea pe, jare oekɨ omombo añete vae. Oyapo opaete jae jeigüe, jare opaete mbae oë kavi avei chupe.

OSEAS 7:1

Israel pegua reta aipoano yave, oyekuaa Efraín jare Samaria ikavimbae oyapo vae. Echa iyapu reta; imonda vae rami oike reta o pe, jare omaepɨ̈ro reta ikatu rupi.

AMÓS 5:11

Peyuvanga paravete vae re jare pekovara chupe trigo güɨnoi vae re, peyapo perorä ita oñeopagüe katuai vae jeko pegua, mbaetɨta peiko pɨpe; peuvarupa kavi peñotɨ vae güi mbaetɨta peu vino.

AMÓS 5:7

¡Pe reta perokomegua jupi vae, jare jupi vae pemombo ko ɨvɨ re!

AMÓS 6:12

¿Osɨita pa kavayu ɨ̈vavira rupi? ¿Ani oyeara pa güeye pe jokoropi? ¿Maera pa pe reta perokomegua ñejäa jare jupi vae?

HABACUC 1:4

Mbaetɨ oyeapo mborookuai jei vae, morojäa mbaetɨ oyeapo jupi rupi, iyoa vae reta omotareɨ jeko kavi vae, jáeramo mbaejupi oikomegua.