ISAÍAS 59:13 - Biblia Guarani Tumpa Iñee

¹³ Nde oreYa oreokuai tëi vae mbaetɨ royapo jare oreapu ndekotɨ, jare rosɨrɨ nde oreYa Tumpa güi, royangao jare royembopɨapochɨ, orepɨa güi oë oreapu vaerä. Roporombotavɨ vaerä.

ISAÍAS 59:13 ပူးပေါင်းရင်းမြစ်များ

JOB 31:28

Kuaekuae reta jupi ko oñejäauka vaerä, ¡echa aröɨrota tëi ko viña Tumpa ara pe oï vae!

SALMOS 18:21

echa che aiko yandeYa jemimbota rupi, ¡mbaetɨ ayembosɨrɨ mbaeyoa rupi cheTumpa güi!

SALMOS 78:36

Ërei jei raangaiño, iñee-yukɨ reta chupe, iyapu reta chupe.

PROVERBIOS 30:9

güɨramoi cherɨ̈vɨata ete yave rokuaku jare jae: “¿Kia pa jae YandeYa?” Ani cheparavete ete yave, amanaro, jare cheñeenguru ndekotɨ.

ISAÍAS 10:1

Tumpa jei: ¡Peparavete, pe peyapo mborookuai reta jupimbae vae, jare jókuae rupi peiporarauka pepïrimbae,

ISAÍAS 30:12

Jáeramo, Iyoambae Israel pegua jei: “Pe reta peröɨro kuae ñee, jare peyeko teko kavimbae reño, ikavimbae reño perovia katu;

ISAÍAS 31:6

Israel iñemuña reta, peyerova ye jókuae peyembopɨapochɨ yae ikotɨ vae kotɨ.

ISAÍAS 32:6

Echa kuimbae jeko kavimbae, imiarita ko ikavimbae re, oyemongeta ipɨa pe, oyapo vaerä ikavimbae, ani jei ikavimbae vae yandeYa kotɨ; yɨmbɨaɨ vae güi opɨ̈ro jembíu, ani iɨuve vae güi opɨ̈ro ɨ.

ISAÍAS 48:8

Nde mbaetɨi ko reendu kuae regua, jare mbaetɨi reikuaa, echa ndeapɨsa oyeokenda avei oiko. Che rokuaa ko nde mbaetɨ jupi, ndei rea güive voi ma rombojee ‘ipɨarai vae’ pe.

ISAÍAS 5:7

Jókuae yandeYa Imbaepuere yae ete vae iuvarupa, jae ko Israel iñemuña reta, jare temitɨ ikavi vae, jae ko kuimbae Judá pegua reta. YandeYa oäro tëi chugüi reta jupi vae, ërei jeieteño ikavimbae, oäro tëi chugüi reta jupi vae, ërei jeieteño jäse oiporara vae reta.

ISAÍAS 57:11

¿Kia pa jókuae tumpa-raanga reta reipoɨu chugüi jare remboete vae, jupimbae reiko vaerä cheve? Mbaetɨ kërai ave nemaendúa cheré; nde mbaetɨ chemboete yave, kïriiño apɨta iyɨpɨ güive jare mbaetɨi reipoɨu chegüi.

ISAÍAS 58:13

Emboete ara mbutuu pegua, agüɨye eyapo ndeparavɨkɨ cheara oñeñono tee vae pe. Kuae ara ereko, ara yerovia katu pegua, che ndeYa peguarä oñeñono tee jare imboetea yae vae. Emboete, agüɨye eeka nderemimbotaño ani mbae ndeyeupeguaräño.

ISAÍAS 58:2

Ara ñavo chereeka reta jare ikɨ̈reɨ yae oikuaa reta vaerä cheremimbota, tëta jembiapo ikavi yae vae rami, mbaetɨ cheporookuai güi opia vae rami; mborookuai jei vae güi mbaetɨ opia vae rami, oeka reta cheve morojäa jupi vae, jare ikɨ̈reɨ yae yogüeru chekotɨ,

ISAÍAS 58:9

Jayave, reyerureta jare ndeYa oenduta, resapúkai yave, jae jeita: ‘Ko aï.’ Reeya yave reporogüɨrekoasɨ katu vae, mbaetɨ yave reporomomburu ani rere ñee ikavimbae vae,

JEREMÍAS 12:8

Kuae tëta chembae vae, añave yaguapope kaa rupigua rami oyeapo cheve; jäse jäse oporepeña cheré, jáeramo aröɨro.

JEREMÍAS 17:13

CheYa Tumpa, nde jae ko Israel iyeroviaka. Opaete ndereeya vae imarata ko. Opaete oyembosɨrɨ ndegüi vae, okañɨta metei kuimbae jee oyekuatía ɨvɨkúi re rami, echa ndereeya, nde ɨesaɨ osɨrɨ vae.

JEREMÍAS 2:13

Echa tëta chembae vae oyapo mókoi mbae ikavimbae: Chereeya reta, ɨesaɨ osɨrɨ vae rami aï chupe reta vae, jare oyapo reta iyeupe ɨrɨru, ɨrɨru oyeka vae, mbaetɨ ikavi ɨ oñeñovatu pɨpe vaerä vae.

JEREMÍAS 2:16

Tëta Menfis jare Tafnes pegua reta ave opa neapiasɨ.

JEREMÍAS 2:17

Körai ko reasa, chereeya vae jeko pegua, che, ndeYa Tumpa rogüɨroatase vae.

JEREMÍAS 3:10

Opaete kuaekuae rupi, ipɨkɨɨ ipɨapochɨ vae Judá mbaetɨ oyerova ye chekotɨ ipɨa reve, oyerova raangaiño añete vae nunga. Che ndeYa jae kuae ndeve.”

JEREMÍAS 3:20

Ërei metei kuña jeko kavimbae oeya ime rami, jökorai mbaetɨ ndereko ikavi cheve. Che peYa, jae.

JEREMÍAS 32:40

Jare ayapota jae reta ndive morogüɨrökuavee päve opambae, kërai ayapo aveita ikavi vae chupe reta, jare añonota jae reta ipɨa pe oipoɨu vaerä, agüɨye vaerä osɨrɨ reta chegüi.

JEREMÍAS 42:20

¿Maera pa pembaeyavɨ? Echa pe reta etei ko cheokuai aja vaerä ayerure yandeYa Tumpa pe, pere cheve: ‘Eyerure yandeYa Tumpa pe oreré, jare eikuaauka oreve jae jei vae, royapo vaerä.’

JEREMÍAS 5:23

Ërei ngatu pe reta peyembopɨa täta jare peyembopɨapochɨ; peyerova chegüi jare opa chereeya.’

EZEQUIEL 18:25

Jare pere yave: ‘Mbaetɨ jupi Tumpa oyapogüe.’ Peyeapɨsaka añave Israel pegua reta, ¿peyemongeta pa mbaetɨ jupi ayapo? ¿Pe retaä ra jupimbae peyapo?

EZEQUIEL 6:9

Kuae aroasayepegüe reta imaenduata cheré ïru tëtaguasu reta pe oyererajaukaa pe; imaendúa retata cheré, aiporarauka chupe reta vae re, mbaetɨ ramo jupi yogüɨreko cheve, jare omboete reta ramo tumpa-raanga reta. Jae reta imarata iyeugüi aeño, oyapo mbae ikavimbae yae vae jeko pegua.

OSEAS 1:2

YandeYa omboɨpɨ imiari Oseas rupi, körai jei chupe: “Ekua, ereko metei kuña iyaguasa pota vae, jare toime nderaɨ reta jae ndive; jökorai jae reta toyogüɨreko iyaguasa pota vae imembɨrä; echa kuae tëta iyaguasa pota rami chegüi.”

OSEAS 11:12

Efraín pegua reta jeta iyapu cheve; Israel pegua reta jeta chembotavɨ. Judá pegua reta mbaetɨ oyembosɨrɨ chegüi, ërei añave omboete reta tumpa-raanga.

OSEAS 6:7

Ërei jae reta Adán ramiño, morogüɨrökuavee päve oyapoä, oikuaa reve mbaetɨ oyapo jupi vae.

OSEAS 7:1

Israel pegua reta aipoano yave, oyekuaa Efraín jare Samaria ikavimbae oyapo vae. Echa iyapu reta; imonda vae rami oike reta o pe, jare omaepɨ̈ro reta ikatu rupi.

OSEAS 7:13

¡Atataɨ! ¡Maera pa ko opia reta chegüi! Opata amokañɨtei reta, echa oyembopɨapochɨ reta chekotɨ. Che, chekɨ̈reɨ aepɨ reta, ërei jae reta iyapu reve imiari chekotɨ.

AMÓS 6:12

¿Osɨita pa kavayu ɨ̈vavira rupi? ¿Ani oyeara pa güeye pe jokoropi? ¿Maera pa pe reta perokomegua ñejäa jare jupi vae?

San Mateo 10:33

Ërei kia nunga vae chekuaku yave ïru vae reta jóvai, che vi aikuakuta cheRu ara pe oï vae jóvai.

Tito 1:16

Jae reta jei tëi oikuaa Tumpa, ërei jembiapo reta rupi mbaetɨ etei omboyekuaa oikuaa ko Tumpa vae, jae reta ko jeko pɨ̈chɨi yae, ipɨapochɨ, oyapo rapeä etei mbae ikavi vae.

Hebreos 3:12

Jáeramo cherɨvɨ reta, peyeandu agüɨye vaerä pepɨa oñemotäta mbaetɨ peporogüɨrovia ramo, jare pesɨrɨ Tumpa oikove vae güi;

Santiago 1:15

Jayave, pɨa jemimbota güeru mbaeyoa. Jare mbaeyoa oyeapo yave güeru mano.

Santiago 3:6

Ñanekü metei tata rami ko. Tɨnɨe ikavimbae pe. Ñanekü oï yanderete pe, ërei omongɨa opaete yanderete; tata ogüembae rami ko yaikove yaiko ramboeve. Jare kuae ikavimbae vae ou ko kañɨtei güi etei.

JOSUÉ 24:27

javoi jei opaete vae pe: —Kuae ita toiko yandemomaendúa vaerä echa oendu rami ko opaete ñee reta yandeYa ñanemomiari vae. Toiko pemomaendúa vaerä, agüɨye vaerä peapu peTumpa pe.