ISAÍAS 59:11 - Biblia Guarani Tumpa Iñee

¹¹ Opaete yande reta ñanepüae, oso ipüae rami, ani pɨkasu ipüae rami; ñaäro tëi jupi vae, ërei mbaetɨ oväe; ñaäro tëi yeyora, ërei osɨrɨ yandegüi.

ISAÍAS 59:11 ပူးပေါင်းရင်းမြစ်များ

SALMOS 119:150

Chemotareɨ vae reta oya ikavimbae re, oyembosɨrɨ reta ndeporookuai güi.

SALMOS 119:155

Matɨ ko oï ndeporogüɨroasayepe iyoa vae reta güi, echa mbaetɨ oeka reta ndeporookuai reta.

SALMOS 38:8

Opaetei cherete jasɨ, mbaetɨ etei chepɨ̈rata, ayandu chepɨa pe etei chemoäse.

SALMOS 55:2

Eïndaivi eï jare emboyevɨ cheve; chepɨatɨtɨ ayerure. Chepɨakaviä cherovaicho reta jeko pegua, jupimbae vae reta. Echa chembopɨatɨtɨ yae reta, oporepeña reta cheré iyarasɨ yae reve.

SALMOS 85:9

Añetete, köiño yae oï Tumpa iporogüɨroasayepe, oipoɨu chugüi vae reta peguarä, iyemboetea oiko vaerä yandeɨvɨ pe.

ISAÍAS 38:14

Cheräse ärakua jare tapérai rami, ani pɨkasu rami. Cheköe amae ara kotɨ. ¡CheYa, aiporara aï, chemborɨ!

ISAÍAS 51:20

Nemembɨ reta opa ogüɨapi ñogüɨnoi, tape oyoasaa ñavo rupi oyepɨso ñogüɨnoi, guasuovɨ ñuai pe oa vae rami. YandeYa iporojäa rupi oiporara reta, neTumpa iporombosɨmbi rupi.

ISAÍAS 59:14

Jupi vae rogüɨröɨro, sɨmbi vae osɨrɨ oregüi, añete vae rombosɨrɨ oreyeugüi oka guasu pe, jare mbaetɨ oime mboromboete.

ISAÍAS 59:8

Mbaetɨ peikuaa mbɨakatu re, mbaetɨ vi peiko jupi rupi. Pereko reta ikaviä etei; jókuae rupi yogüɨreko vae, mbaetɨ oväe mbɨakatu.

ISAÍAS 59:9

Isaías jei: Jáeramo osɨrɨ yandegüi jupi vae, mbaetɨ ou yandeve isɨmbi vae; ñaäro tëi tembipe, jaeño oime yandeve pɨtumimbi; ñaäro tëi jembipe katu vae, ërei yaguata pɨtumimbi rupi.

JEREMÍAS 8:15

Ñaäro tëi mbɨakatu, ërei mbaetɨ etei mbae nunga ikavigüe oväe yandeve; ñaäro tëi yakuera katu yae vaerä, ërei kɨɨyeño oväe yandeve.

JEREMÍAS 9:1

¡Mbae mona cheäka ɨkua rami, jare cheresa ɨesaɨ rami, aäpiro vaerä ara rupi jare pɨ̈tu rupi cherëtaɨgua reta omano vae!

LAMENTACIONES 3:17

Oyembosɨrɨ chegüi mbɨakatu, cheakañɨ ma aiko kavise vae güi.

EZEQUIEL 7:16

Amogüe oasayepe vae reta otekuaraita ɨvɨtɨ kotɨ, pɨkasu ɨvɨtɨ päu ipe kavi vae rupigua okɨɨye güi otekuarai rami, opaete vae omanota, güɨroäse retata iyoa.

OSEAS 7:14

Jupa pe ñogüɨnoi yave mbaetɨ osapúkai ipɨa ndive, trigo jare vino oata yave osapúkai reta oyembopere reve. ¡Oyembopɨapochɨ reta chekotɨ!

NAHUM 2:7

Mburuvicha guasu jembireko güɨraja reta ɨvɨ ambuae kotɨ; jembiokuai reta yogüɨraja jupíe, jäse reta pɨkasu reta rami jare oyaeo reta ipɨtía re okua reve.

NAHUM 2:8

Ɨrɨru osoro vae güi ɨ osɨi rami, Nínive pegua reta otekuarai. “¡Pepɨta! ¡Peyerova ye!”, jei osapúkai chupe reta, ërei mbaetɨ metei ave oyerova ye.