ISAÍAS 59:10 - Biblia Guarani Tumpa Iñee

¹⁰ Yapovɨvɨ yaguata jesambae rami, ñanepɨ̈sa yeyuka ara pe, pɨ̈tu yave rami; yaiko pɨtumimbía pe, tëogüe reta rami.

ISAÍAS 59:10 ပူးပေါင်းရင်းမြစ်များ

JOB 5:14

Ara pe ave pɨtumimbi chupe reta, arambɨte pe ave opovɨvɨ oguata reta pɨ̈tu yave rami.

PROVERBIOS 4:19

Ërei iyoa vae reta jape pɨtumimbi rami ko; ¡mbaetɨ oikuaa reta mbae re ko ipɨ̈sa-yeyuka retata vae!

ISAÍAS 28:13

Jáeramo, yandeYa omomiarita michia raɨ rami, jaeramo etei oyemboe a, e, i, o, u jei vae re ñogüɨnoi rami. Jae reta oguatata, ërei oyatuaka retata, oñemopë retata, mbaetɨta ipuere omɨi, oa retata tembipɨɨrä.

ISAÍAS 8:14

Jae toï peve mbaemboetea; ërei Israel iñemuña reta oyemboyao mókoi tëtaguasu ñogüɨnoi vae peguarä oïta ita rami, ipɨ̈sa-yeyuka oyepɨaka reta jese vaerä; ñuai ramita, Jerusalén pegua reta oa pɨpe vaerä.

ISAÍAS 8:15

Jeta ipɨ̈sa-yeyukata oyepɨaka reta jese, jare omano retata; jeta oata ñuai pe vae, jare oyepɨɨta opɨta reta.”

JEREMÍAS 13:16

Pemboete peYa Tumpa, ndei jae ombou mbove pɨtumimbi vae, jare ndei pepɨ̈sa-yeyuka mbove ɨvɨtɨ reta rupi; peäro tëi tembipe, ërei jae oipoepɨ pɨtumimbiasɨ pe peve, ñamano rape katu vae pe.

LAMENTACIONES 3:6

chereeya pɨtumimbía pe, arakae yae ma omano vae reta rami.

LAMENTACIONES 4:14

Jesambae rami oguata reta kaye rupi; opaetei oyemongɨa reta Tumpa jóvai tugüɨ pe, kuae jeko pegua mbaetɨ etei oipota oyavɨkɨ jemimonde vae.

EZEQUIEL 21:15

Kuae kɨsepuku oporomongɨɨye yaeta, jeta yaeta oporoyuka. Opaete o reta rupi oimeta kɨɨye kɨsepuku oporoyuka vae güi. Kuae kɨsepuku jembipe oï overa vaerä, oyeimbeeasɨ oporoaseokɨ̈ti vaerä vae.

AMÓS 8:9

“¡Jókuae ara! Jei yandeYa Tumpa: Amoingeta kuaraɨ ara mbɨte peño, ara jembipe katu oï reve ambopɨtumimbita.

MIQUEAS 3:6

“Jáeramo, ñeemombeúa reta pe pɨ̈tu ramita, pɨtumimbi ramita mbae re oikuaa vae reta pe.” Ñeemombeúa reta pe oiketa kuaraɨ; ara oyembopɨtumimbita chupe reta.

San Juan 12:35

Jesús jei chupe reta: —Tembipe oimeño pe reta ndive ramboeve peguata tembipe pe, agüɨye vaerä pepokou pɨ̈tu. Echa pɨtumimbi pe oguata vae mbaetɨ oikuaa kerupi ojo.

San Juan 12:40

“Tumpa oesaöva reta jare ombopɨa täta, agüɨye vaerä oecha kavi reta jare agüɨye vaerä oikuaa kavi reta, jare agüɨye vaerä oyepoepɨ reta. Echa oyepoepɨ reta yave, Tumpa ombogüerata.”

DEUTERONOMIO 28:29

peyeandu reve peguatata, jesambae oyeandu reve oguata rami. Ngaraai mbae peyapo vae oë kavi peve, pepɨatɨtɨ aveita, oñomi aveita mbae pegüi, jare mbaetɨta kia pereepɨ vaerä.

1 Juan 2:11

Ërei omotareɨ ïru oporogüɨrovia vae, oï ko pɨtumimbi pe. Oiko pɨtumimbi pe, mbaetɨ ko oikuaa ketɨ ra ojo vae, echa pɨtumimbi omboesaä.