ISAÍAS 58:5 - Biblia Guarani Tumpa Iñee

⁵ ¿Jae pa kuae yekuaku tembíu güi vae chembopɨakatu vae? Pepɨatɨtɨ vae, peäkatindɨ käipepe rami vae, peyepɨso temimonde jaimbe vae re vae, ani tanimbu re vae. ¿Jókuae pe pa pere ‘yekuaku tembíu güi’, jare ‘ara yandeYa omboyerovia vae’?

ISAÍAS 58:5 ပူးပေါင်းရင်းမြစ်များ

2 REYES 6:30

Mburuvicha guasu oendu yave jókuae kuña jei vae, omondoro jemimonde, jare jökorai oasa tëta guasu ikësea iárambo rupi; jare kuimbae reta oecha oyemonde temimonde mbɨatɨtɨ pegua pe.

2 CRÓNICAS 20:3

Jayave Josafat okɨɨye; jare oñemomichi reve oparandu yandeYa pe. Jare omoërakuauka opaete Judá pegua reta pe oyekuaku vaerä tembíu güi.

ESDRAS 10:6

Javoi Esdras ojo Tumpa jo jóvai güi, jare oike Johanán, Eliasib taɨ jo pe, jare joko pe opɨta, mbaetɨ okaru jare oɨu, echa ipɨatɨtɨ yae tembipɨɨ güi oyerova ye vae reta iyoa re.

ESDRAS 8:21

Jare jókuae ɨ̈aka Ahava jembeɨ pe royekuaku tembíu güi, roñemomichi vaerä oreTumpa jóvai royavɨ jeko pegua, jare royerure vaerä chupe orereraja kavi vaerä, ore, oremichia reta jare orembaembae reta.

ESTER 4:16

“Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

ESTER 4:3

Jare ɨvɨ oyemboyao vae ñavo rupi mburuvicha guasu omee mborookuai vae ojo oväea pe, Judáɨgua reta ipɨatɨtɨ yae, oyekuaku reta tembíu güi, oyaeo mbɨatɨtɨ ndive; jare jeta amogüe reta jemimonde mbɨatɨtɨ pegua ndive oke tanimbu re.

JOB 2:8

Jare Job oguapɨ tanimbu re, oipɨɨ takɨpe jaɨgüe oñekari vaerä pɨpe.

SALMOS 69:13

CheRu Tumpa, añave ayerure ndeve ndepɨakavi re; cheRu Tumpa, ndeporoparareko tuicha yae vae re, ndeporogüɨroasayepe añete vae re, ¡eendu cheve!

ISAÍAS 49:8

YandeYa jei: “Ou ma oväe aechauka vaerä cheporoaɨu, jáeramo ayeapɨsaka nderé, ou ma oväe yereroasayepe iara, jáeramo romborɨ. Che ko roñovatu, nderupi ayapo vaerä ñererökuavee päve tëta ndive, amopüa ye vaerä kuae tëtaguasu, amee ye vaerä iyagüe reta pe ɨvɨ opa oyemboai oï vae.

ISAÍAS 58:3

ërei ngatu jei reta: ‘¿Maera pa yayekuakuta tembíu güi? Tumpa mbaetɨ ko yandereecha. ¿Maera pa ñañemomichita? Tumpa mbaetɨ ko oikuaa.’ Yekuaku tembíu güi iara pe, peyapo pepɨa jemimbotaño, jare perekoasɨ katu oyeokuai peve vae reta.

ISAÍAS 61:2

amoërakua vaerä yandeYa ipɨakavi iara ou ma oväe vae, jare ñaneTumpa oyepɨ vaerä iara ou ma vae regua; ambopɨakatu vaerä mbɨatɨtɨ pe ñogüɨnoi vae reta;

LEVÍTICO 16:29

Kuae mborookuai jekuae avei pegua toiko peveguarä: Chiu yasɨa pe, payandepo araa pe jókuae yasɨ, peiporarauka peyeupe aeño, agüɨye peyapo mbae nunga mbaravɨkɨ ani ketɨgua reta ave pepɨte rupi yogüɨreko vae.

LEVÍTICO 16:31

Ara mbutuu pegua toiko peve, peiporarauka peyeupe aeño; mborookuai jekuae avei pegua toiko peveguarä.

ZACARÍAS 7:5

“Ere opaete kuae ɨvɨ pegua reta pe, jare sacerdote reta pe: ‘Kuae setenta año rupi peyekuaku tembíu güi, jare pepɨatɨtɨ pandepoa yasɨ jare chiúa yasɨ pe año ñavo vae, ¿peyekuaku ya cheveguarä?

San Mateo 6:16

Peyekuaku tembíu güi yave, agüɨye perovambuae pemboyekuaa jova mókoi vae reta oyapo rami. Echa jae reta jovambuae omboyekuaa ïru vae reta pe oyekuaku ko ñogüɨnoi tembíu güi vae. Añete che jae peve, jókuae rupi jepɨ ma ko chupe reta.

San Lucas 4:19

Chembou vi amoërakua vaerä yandeYa ipɨakavi re.”

Romanos 12:2

Agüɨye mo peiko añave ipɨa jemimbota reño yogüɨreko vae rami. Peipoepɨ peyemongeta, oyepoepɨ vaerä vi peikogüe vae jare peikuaa vaerä Tumpa jemimbota re; jae ko ikavi yae vae, omboyerovia vae, jaekavi yae vae.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.