ISAÍAS 58:2 - Biblia Guarani Tumpa Iñee

² Ara ñavo chereeka reta jare ikɨ̈reɨ yae oikuaa reta vaerä cheremimbota, tëta jembiapo ikavi yae vae rami, mbaetɨ cheporookuai güi opia vae rami; mborookuai jei vae güi mbaetɨ opia vae rami, oeka reta cheve morojäa jupi vae, jare ikɨ̈reɨ yae yogüeru chekotɨ,

ISAÍAS 58:2 ပူးပေါင်းရင်းမြစ်များ

SALMOS 119:15

Ayemongetata ndeporookuai reta re, jare ayapota nde reipota vae.

SALMOS 119:151

CheYa Tumpa, köi ko reï, jare opaete ndeporookuai reta añetete vae ko.

SALMOS 119:87

Chemokañɨtei seri reta, ërei mbaetɨ aeya ndeporookuai reta.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

ISAÍAS 1:28

ërei oyembopɨapochɨ chekotɨ vae reta jare iyoa vae reta opata oñemokañɨtei, jare oyembosɨrɨ chegüi vae reta opata omano.

ISAÍAS 1:4

¡Paravete, iyoa vae reta, tëta tɨnɨe ikavimbae pe vae, ipɨapochɨ vae reta iñemuña, jare jeko opa oikomeguagüe reta! Oyembosɨrɨ reta yandeYa güi, omboarasɨuka reta Iyoambae Israel pegua, oyerova reta ye chugüi.

ISAÍAS 29:13

Jayave yandeYa jei: “Echa kuae tëta chemboete iñee rupi jare jembe pe, ërei ngatu ipɨa mombɨrɨ ko oï chegüi; oipoɨu reta chegüi vae, kuimbae reta iporookuai re oyemboe vae ramiño ko;

ISAÍAS 42:20

Echa oecha tëi jeta mbaembae, ërei mbaetɨ mbae jei; oendu tëi, ërei mbaetɨ oendu vae ramiño.

ISAÍAS 57:12

Ërei amoërakuata ndereko reta, nderembiapo, ndepɨa pe remboete yae vae.

ISAÍAS 57:3

Pe, imbaekuaa vae reta, peya katu, menda re oyuvanga vae, jare iyaguasa pota vae reta.

ISAÍAS 59:13

Nde oreYa oreokuai tëi vae mbaetɨ royapo jare oreapu ndekotɨ, jare rosɨrɨ nde oreYa Tumpa güi, royangao jare royembopɨapochɨ, orepɨa güi oë oreapu vaerä. Roporombotavɨ vaerä.

JEREMÍAS 42:2

yogüeru jei reta Jeremías pe: —Roiporu ndeve añave, agüɨye neäteɨ oreve: Eyerure ndeYa Tumpa pe oreré, ore mbovɨ ropɨtagüe re. Tenonde yave jeta yae ko roikose, ërei añave mbovɨ yae ropɨta, reecha rami.

JEREMÍAS 42:20

¿Maera pa pembaeyavɨ? Echa pe reta etei ko cheokuai aja vaerä ayerure yandeYa Tumpa pe, pere cheve: ‘Eyerure yandeYa Tumpa pe oreré, jare eikuaauka oreve jae jei vae, royapo vaerä.’

JEREMÍAS 7:10

Javoi peyu kuae o cheree oñeenɨia pe peñeñono cheróvai. ¿Perovia pa jaekavi peiko jökorai, perovia pa jaekavi peyapoño vaerä jókuae ikavimbae reta mbaetɨ aropɨa vae?

JEREMÍAS 7:9

Pemaeñomi, peporoyuka, peyuvanga menda re, peñererökuavee jaanga, peapɨ ikäti kavi vae incienso Baal pe, jare pemboete tumpa ambuae mbaetɨ peikuaa vae reta.

EZEQUIEL 20:3

“Nde kuimbae, nemiari Israel iñemuña itenondegua reta pe, ere chupe reta: ‘YandeYa Tumpa jei Körai: ¿Peyu pa peparandu cheve? Che jae cheyé aeño peve, ngaraa aendu peve.’

AMÓS 5:18

¡Paravete, jókuae yandeYa iporojäa iara oäro vae reta! ¿Maera pa peipota jókuae ara? Yavaete yaeta ko, mbaetɨta ko ikavi.

San Marcos 12:14

Jare yogüeru oväe yave, jei Jesús pe: —Oporomboe vae, roikuaa nde rere vae añete ko. Nde mbaetɨ reipoɨu kia güi ave, echa nde mbaetɨ remae kuimbae jova reño. Nde reporomboe kavi Tumpa jemimbota re. ¿César okovara vae jupi pa yamboepɨ vaerä?, ani ¿mbaetɨ pa? ¿Yamboepɨta pa chupe?, ani ¿mbaetɨta pa?

San Marcos 6:20

Echa Herodes oikuaa Juan ko jae kuimbae jupi vae. Jáeramo oipoɨu, jare omaeñoä kia re oyapo vaerä ikavimbae vae chupe. Jare oyeapɨsaka Juan re yave, ipɨakañɨ yae opɨta, ërei ikɨ̈reɨ ngatu reve oyeapɨsaka jese.

San Juan 5:35

Juan kó jae metei mechero jendɨ jare omoembipe vae rami. Jare pe reta michi pegua yae peyerovia katu jese.

Tito 1:16

Jae reta jei tëi oikuaa Tumpa, ërei jembiapo reta rupi mbaetɨ etei omboyekuaa oikuaa ko Tumpa vae, jae reta ko jeko pɨ̈chɨi yae, ipɨapochɨ, oyapo rapeä etei mbae ikavi vae.

Santiago 4:8

Peyemboya Tumpa re jare jae oyata peré. Iyoa vae reta, peyepoe. Pe iyemongeta oipoepɨ katu vae reta, peitɨo pepɨa.