ISAÍAS 58:13 - Biblia Guarani Tumpa Iñee

¹³ Emboete ara mbutuu pegua, agüɨye eyapo ndeparavɨkɨ cheara oñeñono tee vae pe. Kuae ara ereko, ara yerovia katu pegua, che ndeYa peguarä oñeñono tee jare imboetea yae vae. Emboete, agüɨye eeka nderemimbotaño ani mbae ndeyeupeguaräño.

ISAÍAS 58:13 ပူးပေါင်းရင်းမြစ်များ

SALMOS 122:1

¡Che ayerovia ko, jei reta yave cheve: “Yaja, yandeYa jo pe”!

SALMOS 27:4

Metei mbae aiporu yandeYa pe, jaeño kuae aipota vae: Aï vaerä yandeYa itupao pe, opaete ara aikove aiko ramboeve, amae vaerä yandeYa ipöra re, amboete vaerä itupao pe.

SALMOS 42:4

Chemaendúa kuae mbaembae re yave, ayembopɨatɨtɨ yae. Chemaendúa kërai aja jeta vae ndive, araja reta Tumpa jo kotɨ, sapúkai yerovia pegua jare mbaemboete pegua ipɨte pe aja. ¡Arete tuichagüe ko jókuae ara!

SALMOS 84:10

¡Echa ikavi yae ko aï vaerä metei ara nderoka pe, jeta ara ikatu rupi aiko vae güi! Ikavi ko aiparavo aiko vaerä tupao jöke järoarä mbaeyoa ipɨte pe aiko vae güi.

SALMOS 84:2

¡Aipota yae jare chekɨ̈reɨ yae aï vaerä nderoka pe, cheYa! ¡Opaete chepɨa ndive atairari ayerovia reve Tumpa oikove vae pe!

ÉXODO 35:2

Ova ara toyeparavɨkɨ, ërei chiúa ara toiko tee peve, ara mbutuu pegua yandeYa peguarä, kia nunga vae oyapo yave oipotagüe mbaravɨkɨ jókuae ara, tomano.

ÉXODO 35:3

Agüɨye etei peyatapɨ peikoa rupi ara mbutuu pegua pe.”

ISAÍAS 55:8

YandeYa jei: Cheyemongeta reta mbaetɨ ko peyemongeta reta rami, jare perape reta, mbaetɨ cherape rami.

ISAÍAS 59:13

Nde oreYa oreokuai tëi vae mbaetɨ royapo jare oreapu ndekotɨ, jare rosɨrɨ nde oreYa Tumpa güi, royangao jare royembopɨapochɨ, orepɨa güi oë oreapu vaerä. Roporombotavɨ vaerä.

EZEQUIEL 44:24

Oime ñeapo yave jae reta oporojäata; che aporojäa rami toporojäa reta. Toyapo reta opaete cheporookuai reta jare cheporomboe reta opaete chearete regua, jare toñono tee reta cheara mbutuu pegua.

LEVÍTICO 19:3

Metei ñavo tomboete tu jare ichɨ, Tomboete vi cheara mbutuu pegua. Che ko peYa Tumpa.

Apocalipsis 1:10

Espíritu Santo güɨnoi mbaepuere cheré tenondegua ara semana iyɨpɨ pe, jare aendu chekupe kotɨ ñee tätagüe, mimbɨguasu iñee rami,