ISAÍAS 58:1 - Biblia Guarani Tumpa Iñee

¹ YandeYa jei cheve: “Esapúkai täta, reipoɨumbae reve, neñeeäta mimbɨguasu iñee rami; emboeta chembae vae reta Jacob iñemuña reta pe, ipɨapochɨ re jare iyoa re.

ISAÍAS 58:1 ပူးပေါင်းရင်းမြစ်များ

ISAÍAS 2:5

¡Peyu, Jacob iñemuña reta, yaguata yandeYa omee tembipe yandeve vae pe!

ISAÍAS 27:13

Jare jókuae ara oñemoñeeta temimbɨguasu, jare opa oñemoai ñogüɨnoi Asiria rupi vae reta, jaeramiño vi Egipto pe ñogüɨnoi vae reta, yogüeruta omboete yandeYa tëta Jerusalén pe, jae ko ɨvɨtɨ oñeñono tee vae re.

ISAÍAS 40:6

Ñeeäta oyeendu vae jei: “Esapúkai.” Jare che aparandu chupe: “¿Mbae pa jaeta asapúkai?” Esapúkai körai: “¡Opaete kuimbae reta ñana rami ko, opaete iyemboetea mbaepotɨ ñana rupigua rami ko!

ISAÍAS 43:27

Peñemuñagüe tenondegua ete iyoa, pemboe vae reta ombaeyavɨ chekotɨ,

ISAÍAS 50:1

YandeYa jei körai: “¿Ayapouka pa tupapire yomombo pegua pesɨ Israel peguarä, ani pomee pa chepia chupe vae reta pe, chepia re? Peyoa reta jeko pegua ko opa peñemeeuka, pepɨapochɨ jeko pegua ko pesɨ Israel oyemombouka.

ISAÍAS 56:10

echa sundaro ɨvate güi omae vae reta, jesambae rami ñogüɨnoi, mbaetɨ etei mbae oikuaa ñogüɨnoi. Opaete jae reta yaɨmba iñarosembae rami ko, mbaetɨ ipuere oñaro reta; oke reteiño jare oaɨu yae reta jopeɨ.

ISAÍAS 57:12

Ërei amoërakuata ndereko reta, nderembiapo, ndepɨa pe remboete yae vae.

ISAÍAS 59:12

Echa orembaeyoa jeta yae ndekotɨ, oreyoa aeño oñeapo oï oreré; echa ore ndive oï oreyoa reta, roikuaa ikavimbae royapo vae.

JEREMÍAS 2:2

“Ekua nemiari tëta guasu Jerusalén pe, ere: ‘¡Körai jei yandeYa! Chemaendúa ndetaɨrusu yave, reiko jupi rupi cheróvai vae re, cheraɨu, omenda ramo vae ime oaɨu yae rami, reguatase che ndive ñuu rupi, jókuae ɨvɨ mbaetɨ etei oñemaetɨa pe.’

JEREMÍAS 36:9

Joacim, Josías taɨ, chaúa yasɨ pandepoa año ma oiko mburuvicha guasurä Judá pe yave, oñemoërakua oime vaerä yekuaku tembíu güi yandeYa jóvai, Jerusalén pegua reta peguarä jare opaete ïru tëta guasu reta Judá pegua güi yogüeru Jerusalén pe vae reta peguarä.

JEREMÍAS 6:17

YandeYa oñono sundaro reta ɨvate güi omae vae rami vae, jae reta jei vaerä imbae vae reta pe: “Peyeapɨsaka peï mimbɨguasu iñee re.” Ërei chembae vae reta jei: “Ngaraa royeapɨsaka jese.”

LAMENTACIONES 2:14

Ñeemombeúa reta oechagüe omoërakua ndeve vae, jaangaño ko jare mbokereño ko. Mbaetɨ ndeyoa omboyekuaa reta ndeve, echa omboyekuaa yave, mbaetɨta tëi reo tembipɨɨrä; ërei omombeu reta ndeve mbae maratuta vae añetembae, jare güɨroviauka reta jese ndeve.

EZEQUIEL 11:4

Jáeramo, nde kuimbae, emoërakua ikotɨ reta maratuta oasa reta vae.”

EZEQUIEL 16:2

“Nde kuimbae, eechauka Jerusalén pegua reta pe ikavimbae yae oyapo vae.

EZEQUIEL 20:4

Nde kuimbae, ere chupe reta maratuta vae, jare eikuaauka chupe reta iñemuñagüe reta pɨ̈chɨi yae oyapo vae.

EZEQUIEL 22:2

“Nde kuimbae, ere kuae tëta guasu oporoyuka vae pe mbae oasata vae. Emboeko opaete pɨ̈chɨi yae oyapo vae re,

EZEQUIEL 23:36

YandeYa jei cheve: “Nde kuimbae, iara ma rere vaerä Ahola jare Aholiba pe maratuta vae, eikuaauka chupe reta pɨ̈chɨi yae oyapo reta vae.

EZEQUIEL 33:3

Jare jókuae omae vae oecha yave tovaicho reta yogüeru ikotɨ reta, jare omoñee mimbɨguasu omombarandu vaerä tëta pegua reta yave.

OSEAS 8:1

Pemoñee peremimbɨguasu ñeraro pegua, yandeYa imbae vae reta järoa rami, echa pemboeteä cheporogüɨrökuavee päve jare peäteɨ peyapo cheporookuai.

JONÁS 1:2

“Epüa, ekua tëta guasu Nínive pe, jare emoërakua chupe opata amboai vae, echa iyoa jeiete yae ma cheróvai.”

Tito 2:15

Kuae re nemiari, eporomboarakuaa jare emboeta mbaepuere rupi kavi. Agüɨye kia ave tanereröɨro.

Apocalipsis 1:10

Espíritu Santo güɨnoi mbaepuere cheré tenondegua ara semana iyɨpɨ pe, jare aendu chekupe kotɨ ñee tätagüe, mimbɨguasu iñee rami,

Apocalipsis 4:1

Kuae jaɨkue rupi amae jare aecha metei öke oyepea oï ara pe. Jare ñee tenonde yave aendu mimbɨguasu iñee rami vae imiari cheve vae jei cheve: “Eyeupi kuae pe jare aechaukata ndeve mbaembae oasata kuae jaɨkue rupi vae.”