ISAÍAS 57:19 - Biblia Guarani Tumpa Iñee

¹⁹ jare jaeta opaete vae pe: ‘¡Mbɨakatu toime mombɨrɨ ñogüɨnoi vae pe jare mbɨakatu toime köiño ñogüɨnoi vae pe! Che aipoanota tëta chembae vae reta.’

ISAÍAS 57:19 ပူးပေါင်းရင်းမြစ်များ

ISAÍAS 26:12

CheYa, nde ko remeeta oreve mbɨakatu, nde ko reyapo ore rupi opaete orerembiapo reta.

ISAÍAS 26:3

CheYa, nde reñovatu mbɨakatu pe, ndereño ipɨa oñono vae reta, echa nderé oyeko reta.

ISAÍAS 32:17

Jupi vae omboyekuaata, mbɨakatu, mbutuu jare yerovia katu jekuae avei pegua.

ISAÍAS 50:4

YandeYa Tumpa omee cheve chepoki vaerä chemiari, ambopɨakatu vaerä ikangɨ vae reta, ñee ñemoäta ngatu pegua pe. Ndeimbove ñavo jae chemomba, jare ayeapɨsaka jese chepɨakatu reve kavi.

ISAÍAS 51:16

Ndeyuru pe añono cheñee reta, roñovatu chepo iä pe, che, ara iyapoa, jare ɨvɨ amboguapɨ iguapɨka re vae jare Sión pe jae vae: ‘Chembae vae ko nde.’ ”

ISAÍAS 59:21

YandeYa jei: “Kuae jae cheporogüɨrökuavee päve ayapo pe reta ndive vae, chembaepuere jare cheporomboe ngaraa oata peve jare peñemuña reta pe.” Jei yandeYa jekuae avei pegua.

ISAÍAS 6:7

jare pɨpe cherembe oñátai reve jei: “Mase, kuae tätapɨi oñátai nderembe. Oyeekɨ ndegüi ndereko, jare oyetɨo ndeyoa.”

JEREMÍAS 30:17

Ërei pombogüerata, aipoanota pegüi pepere reta, perovaicho reta jei tëita peve: ‘Sión oyemombo oï, mbaetɨ kia oyemoambeko jese.’ Che peYa ko jae kuae.”

JEREMÍAS 33:6

Ërei aipoano retata, oikovekatuta jare ameeta chupe reta mbɨakatu jare oiko pɨagüive reta vaerä.

OSEAS 14:2

Peyu peYa kotɨ jare pere pemoñera reve: “Neɨ̈ro oreve opaete oreyoa re, ndepɨakatu oreve, mbaemboete romee ndeve vae re.

OSEAS 14:5

Aïta Israel pe ɨsápɨi rami, jae reta ipotɨta tüpa-ɨpɨ rami. Japo reta mombɨrɨ ojota ɨvɨtɨ Líbano rami;

SOFONÍAS 3:9

Jókuae ara, che ameeta opaete vae pe iñee kavi vaerä, jökorai opaete vae chereenɨi vaerä jare oyeokuai vaerä cheve ipɨa-kɨ̈reɨ ngatu reve.

ZACARÍAS 9:10

Jae amboaita Efraín ikäretou reta, jare kavayu reta Jerusalén pegua, jare güɨrapa reta ñeraro pegua opata omopë; jare imiarita mbɨakatu re opaete tëtaguasu reta pe, jare opaete oyeokuaita chupe, ɨguasu jembeɨ güive ïru ɨguasu jembeɨ kotɨ, jare ɨ̈aka Éufrates güive ojoita ɨvɨ iyapɨ re oya.

San Mateo 10:13

Jare ipɨakatu joko pe yogüɨreko vae reta peve yave, oimeta mbɨakatu chupe reta. Ërei mbaetɨ ipɨakatu reta peve yave, pe retaño penoita mbɨakatu.

San Marcos 16:15

Jayave Jesús jei chupe reta: —Pekua opaete ɨvɨ rupi, pemoërakua ñee ikavi vae opaete vae reta pe.

San Lucas 2:14

“¡Toyemboeteuka Tumpa ara pe, jare ɨvɨ pegua reta tipɨakatu, Tumpa ipɨakavi chupe vae reta!”

San Lucas 21:15

Echa che ameeta peve ñee jare arakuaa, metei ave perovaicho reta mbaetɨta ipuere peré ani peaka.

Hechos 10:36

Tumpa ombou ñee ikavi vae Israel iñemuña reta pe. Jae omombeu chupe reta oime mbɨakatu Jesucristo re. Jesucristo ko jae opaete vae iYa.

Hechos 2:39

Echa pembaerä ko Tumpa güɨrökuavee vae, peraɨ reta peguarä jare opaete mombɨrɨ ñogüɨnoi vae reta peguarä; opaete yandeYa Tumpa oenɨita vae reta peguarä.

Efesios 2:13

Ërei añave Cristo Jesús re, pe reta mombɨrɨ peikose Tumpa güi vae, peyemboyauka jese Cristo Jesús jugüɨ rupi.

Efesios 6:19

jare cheré vi, Tumpa omee vaerä cheve ñee, akɨɨyembae reve aikuaauka vaerä yaikuaa rapembae vae ñee ikavi regua.

Hebreos 13:15

Jáeramo yamboete avei Tumpa Jesús rupi, kuae oipota jei yamboete Tumpa yandeyuru pe.