ISAÍAS 57:18 - Biblia Guarani Tumpa Iñee

¹⁸ Aecha jeko reta, ërei aipoanota jare ayangarekota jese reta. Che ambopɨakatuta ipɨatɨtɨ vae reta;

ISAÍAS 57:18 ပူးပေါင်းရင်းမြစ်များ

SALMOS 23:2

Kapii jokɨ katúa rupi rami chererajata chemombutuu; ɨ kïrii ngatúa iyɨ́vɨri rupi rami chemongaruta.

SALMOS 51:12

Emboyerova cheve vɨakatu ndeporogüɨroasayepe; jare ndeespíritu ipɨakavi vae tachemborɨ.

SALMOS 94:19

Jeta yemongeta ou chepɨa pe vae ipɨte pe, ndeporombopɨakatu chemboyerovia.

ECLESIASTÉS 9:4

Yaikoveño ramboeve, oimeño ñaï kavi vaerä, echa yaɨmba oikoveño vae ko ikavi yeño yaguapope omanogüe güi.

ISAÍAS 1:18

YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

ISAÍAS 12:1

Jókuae ara rupi retairarita körai: “Yasoropai amee ndeve cheYa, echa yepe tëi ndearasɨ chekotɨ, ërei oasa ma ndearasɨ chembopɨakatu ye ma.

ISAÍAS 19:22

YandeYa ombopereta Egipto, ërei jaɨkue rupi ombogüerata. Jae reta oyerovata yandeYa kotɨ, jare jae oipararekota omae jese reta jare ombogüerata.

ISAÍAS 30:18

Ërei yandeYa oärota, güɨnoi vaerä mboroparareko peré, oïndaivi oï oechauka vaerä mboroparareko peve, echa yandeYa jae ko Tumpa jupi vae. ¡Oyekou, opaete jese oyeko vae reta!

ISAÍAS 30:26

YandeYa oipoanota pepere. Jayave yasɨ omoembipeta kuaraɨ rami, jare kuaraɨ omoembipeasɨ yaeta chiu kuaraɨ jembipe rami.

ISAÍAS 49:10

‘Mbaetɨta peyɨmbɨaɨ ani peɨuve yepe, araku ani kuaraɨ ave mbaetɨta peaporai, echa che poaɨu jare che ko pogüɨroatata, pogüɨrajata ɨesaɨ katuaía rupi.

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

ISAÍAS 52:12

Echa ngaraa peë rai rai, jare ngaraa petekuarai; echa yandeYa ojota perenonde, Israel iTumpa ko pemboatɨta.

ISAÍAS 53:5

Ërei ngatu jae ipere ko, yandepɨapochɨ reta re, oiporara ko yandeyoa jeko pegua; jae oiporara mbɨakatu ñanoi vaerä, jare ipere rupi ko yakuera.

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 58:11

YandeYa ndeangareko aveita, mbaetɨ mbaea pe, omeeta nderembiurä, jare nekägüe reta omopɨ̈ratata; reikota ko raɨ oyemboɨu kavi vae rami, ɨesaɨ tɨpambae vae rami.

JEREMÍAS 13:17

Ërei mbaetɨ yave peendu kuae, ayaeo vɨarita pepɨapochɨ jeko pegua; cheresaɨ osɨrɨta, echa cheYa imbae vae reta opa oyererajauka tembipɨɨrä.

JEREMÍAS 3:22

Peyerova ye chekotɨ, cheraɨ ipɨapochɨ vae reta, jare che popoanota pepɨapochɨ güi.” “Ko royu ndekotɨ, echa nde jae ko oreYa Tumpa.

JEREMÍAS 30:17

Ërei pombogüerata, aipoanota pegüi pepere reta, perovaicho reta jei tëita peve: ‘Sión oyemombo oï, mbaetɨ kia oyemoambeko jese.’ Che peYa ko jae kuae.”

JEREMÍAS 31:3

Ɨma yae ma che ayekuaa chupe reta jae reve: Che roaɨu yae mboroaɨu opambae ndive; jáeramo jekuae aveiño cheporoparareko pekotɨ.

JEREMÍAS 33:6

Ërei aipoano retata, oikovekatuta jare ameeta chupe reta mbɨakatu jare oiko pɨagüive reta vaerä.

ZACARÍAS 1:13

Jare yandeYa jei ñee ikavigüe, ñee oporombopɨakatu vae, araɨgua imiari che ndive vae pe.

San Lucas 15:20

Jayave oyerova ye tu jëta kotɨ. Ërei mombɨrɨ peve tu oecha jare oiparareko. Jayave tu osɨi oövaiti taɨ, oiküava jare oovapɨte.

Romanos 5:20

Echa mborookuai oyeapo, mbaeyoa omboyekuaa kavi yae vaerä. Ërei mbaeyoa reta jeta yae oyekuaa yave, oasa ete ye Tumpa ipɨakavi.

Apocalipsis 7:17

echa Vecha kuimbae taɨrusu vae jókuae guapɨa mbɨte pe oï vae oyangarekota jese reta jare güɨrajata omboɨu ɨ tekove pegua pe, jare Tumpa oyoeta jesaɨ chugüi reta.’ ”