ISAÍAS 57:15 - Biblia Guarani Tumpa Iñee

¹⁵ Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 57:15 ပူးပေါင်းရင်းမြစ်များ

GÉNESIS 21:33

Abraham oñotɨ metei ɨvɨra tamarisco jee vae Beerseba pe, jare oyerure joko pe yandeYa Tumpa opambae vae jee re.

1 REYES 8:27

Ërei ¿añetete ra ko Tumpa oikota ɨvɨ pe? Mase, ara reta viña pa ipɨguasuä ndeve, ¡vɨtei pa kuae tupao amopüagüe!

2 CRÓNICAS 34:27

echa reyembopɨatɨtɨ jare reñemomichi cheróvai reendu ramboeve kuae tëta re jare pɨpegua reta kotɨ jae vae, nde remondoro nderemimonde ndepɨatɨtɨ güi jare reyaeo ramo cheróvai, che aendu vi ndeve. Jökorai jae che peYa.

JOB 22:29

Echa Tumpa omomichi oyembotuicha vae, jare ombotuicha oñemomichi vae.

JOB 6:10

Yepe mona mbaerasɨ jeiete yae cheve, ërei chepɨakatuta ko, echa aikuaa mbaetɨ ko ayavɨ Tumpa Iyoambae iporookuai reta.

SALMOS 111:9

Oepɨ imbae vae reta, oñono iporogüɨrökuavee päve jekuae avei pegua. Jee ikɨambae jare ikɨɨyea ko.

SALMOS 115:3

Nde, oreTumpa oime reï ara pe, nde reyapo ndepɨa oipota rami.

SALMOS 123:1

CheYa, cherovaɨva amae ndekotɨ, nde, ara pe reiko vae kotɨ.

SALMOS 138:6

Yepe tëi mombɨrɨ ɨvate reï, reyangareko paravete vae re, ërei mombɨrɨ güi reecha ko ipɨayemboete vae.

SALMOS 138:7

Aiko mbɨatɨtɨ rupi yave, nde remee tekove cheve; cherovaicho reta iyarasɨ chekotɨ vae güi, nde chereroasayepe ndembaepuere pe.

SALMOS 147:3

Jae ombopɨakatu ipɨatɨtɨ vae reta, jare oipoano ipere reta.

SALMOS 34:18

YandeYa köiño oï ipɨatɨtɨ yae vae reta güi; jare oepɨ ipɨatɨtɨ yae vae reta.

SALMOS 34:19

Jupi vae, jeta yae ko iyemoambeko reta, ërei ngatu opaete kuae reta güi yandeYa oepɨ.

SALMOS 51:17

Ërei mbota Tumpa pegua vae, jae ko ipɨatɨtɨ yae vae; iyoa güi ipɨatɨtɨ vae jare ipɨa omomichi vae ngaraa nde reröɨro, cheRu Tumpa.

SALMOS 51:19

Jayave remboresive yeta mɨmba oyeyukagüe, mɨmba reta ani mbota temitɨ jäɨ opaetei oyeapɨ vae; jayave mɨmba oyeapɨ jese vae re oñemeeta toro taɨrusu vae.

SALMOS 83:18

¡Toikuaa reta nde jae ko Tumpa vae, ndeño ko jae Tuichagüe yae ete opaete ɨvɨ re vae!

SALMOS 90:2

Arakae, ndei ɨvɨtɨ reta oyeapo mbove güive voi ma, ndei kuae ɨvɨ oyeapo güive voi ma, arakae güive jare arakae regua jekuaekuae avei rupi, nde ko Tumpa.

SALMOS 93:2

Jayave güive ko mburuvicha guasu nde; ¡nde ko reiko avei vae!

SALMOS 97:9

echa, nde cheYa, Tuichagüe yae ete vae ko opaete ɨvɨ re, ndetuicha yae ko opaete tumpa-raanga reta güi.

SALMOS 99:3

Toyemboete jee, kɨɨyea yae vae jare tuicha yae vae. ¡Tumpa ko Iyoambae!

ÉXODO 15:11

CheYa, ¿kia pa nde rami ïru tumpa reta güi? ¿Kia pa nde rami tuicha yae jare iyoambae, mɨakañɨ tuichagüe jare yavaetegüe iyapoa? ¡Jupi ko reyemboeteuka vaerä!

ÉXODO 15:13

Ndeporoparareko rupi reroata kuae tëta reyora vae; reraja ndembaepuere rupi nerëta oñeñono tee vae pe.

ÉXODO 15:18

¡YandeYa oporookuaita iyapɨmbae jare jekuae avei!”

ÉXODO 40:34

Jayave metei amapɨtu oñova tupao guakapi pegua, jare yandeYa iyemboetea omotɨnɨe tupao guakapi pegua.

ÉXODO 40:35

Moisés mbaetɨ ipuere oike tupao guakapi pegua pe, echa amapɨtu opa oñova güɨnoi jare yandeYa iyemboetea omotɨnɨe.

PROVERBIOS 16:19

Ikavi yae ko ñañemomichi vaerä paravete vae reta ndive, ipɨapochɨ vae reta ndive mbae oñepɨ̈rogüe yamboyao vae güi.

PROVERBIOS 8:23

Aikoño mai iyɨpɨ güive voi, ndei ɨvɨ oyeapo mbove.

ISAÍAS 18:4

YandeYa jei cheve: “Che aïa güi amae pɨagüive aï jese reta, kuaraɨ jembipeasɨ ama opoo ramo yave rami, mbaarɨvo iara pe araku yave, oime amapɨtu okɨta vae rami.

ISAÍAS 33:5

YandeYa ko tuicha vae, echa ara pe oiko; jae ko opa omotɨnɨe Sión isɨmbi vae pe jare mbaejupi pe,

ISAÍAS 40:28

¿Mbaetɨ pa reikuaa, mbaetɨ pa reendu yandeYa jae ko Tumpa oiko avei vae, jae ko oyapo opaete ɨvɨ vae? Mbaetɨ ko ipɨtu, mbaetɨi vi ikangɨ, jare iyarakuaa katu mbaetɨ kia ipuere omboyovake.

ISAÍAS 52:13

Mase, cherembiokuai oyekou yaeta ko, oyembotuichaukata jare jërakua yaeta.

ISAÍAS 6:1

Jókuae año mburuvicha guasu Uzías omano yave, che aecha yandeYa oguapɨ oï metei mburuvicha guasu iguapɨka ɨvate jare ipöra yae vae pe; jare jemimonde jembeɨ omotɨnɨe oñemoai tupao pe.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

ISAÍAS 63:15

Emae ara güi, jókuae ikɨambaea jare iyemboetea yaea pe reikoa güi. ¿Ketɨ pa oime nerägüɨro, ndembaepuere, ndepɨaä jare ndeporoaɨu orekotɨ vae? ¿Opa ma pa rembosɨrɨ oregüi?

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

LAMENTACIONES 3:41

Yamondo yandeyemongeta jare yandeyerure yandeYa ara pe oï vae kotɨ.

EZEQUIEL 16:63

Nemaenduata jare nemarata, jare ngaraa ye ma neñee remoë, nemara jeko pegua, cheɨ̈ro ma yave ndeve opaete reyapogüe re. Che ndeYa jae.”

EZEQUIEL 9:4

Jare yandeYa jei chupe: “Emboapɨ eguata tëta guasu Jerusalén rupi, jare opaete ipɨatɨtɨ jare oyembopɨaä mbaeyoa oyeapogüe re jókuae tëta guasu pe vae, emokañɨmaa jesɨva pe.”

DANIEL 2:11

Echa kuae nde mburuvicha guasu reparandu vae yavai ko, jare ngaraa kia ipuere omombeu ndeve; jaeño tumpa reta ipuereta; ¡ërei jae reta mbaetɨ ko yogüɨreko kuimbae reta ipɨte rupi!

DANIEL 4:17

Kuae yemongeta oë ikotɨ vae araɨgua omaangareko vae reta güi ko, jókuae iyoambae reta güi, opaete oikove vae reta oikuaa vaerä Tuichagüe yae ete vae ko güɨnoi mbaepuere kuimbae reta iporookuaía re, echa jae omee kia nunga vae pe oipota omee yave, oñono mburuvicharä mbaeä etei kuimbae reta ipɨte pe vae.

DANIEL 4:34

“Ërei ara reta oyepapa oï vae iyapɨ ma yave, che Nabucodonosor amae ara kotɨ, jare ou akuera ye vaerä; jayave amboete Tuichagüe yae ete vae, jare ambotuicha oikove avei vae körai: ‘Imbaepuere jare iporookuaía opambae vae.

JOEL 2:13

Peyembopɨatɨtɨ, agüɨye pemondoroiño peremimonde; peyerova ye yandeYa Tumpa kotɨ; echa iporoparareko yae vae ko jae jare iyeaeä vae ko, mbaetɨ iyarasɨ raivi vae ko, tuicha yae mboroparareko pe, ñenupa oeyaño vae ko.

MIQUEAS 5:2

Ërei nde Belén Efrata, nemichi yae reï vaerä opaete Judá pegua ñemuña reta ipɨte pe, ndegüi oëta cheve Israel iYarä vae, jae oiko vae ko iyɨpɨ güive voi, ara reta ndei oyemboɨpɨ güive.”

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

ZACARÍAS 2:13

¡Tikïrii opaete vae yandeYa jóvai; echa jae ou jëta ikɨambaea güi!

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Mateo 6:9

Jáeramo peyerure Tumpa pe körai: ‘OreRu ara pe reï vae, toyemboeteuka nderee.

San Lucas 1:49

Echa oyapo mbae tuichagüe cheve Imbaepuere yae vae. Jae ko jee Ikɨambae.

San Lucas 4:18

“YandeYa iEspíritu oï cheré, echa cheparavo amombeu vaerä ñee ikavi vae iparavete vae reta pe. Chembou ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare amomae vaerä jesambae reta. Chembou vi ayora vaerä yogüɨrekoasɨ katu vae reta.

Hechos 3:14

Ërei pe reta peröɨro Iyoambae vae jare Jupi vae, jare peyerure Pilato pe oyorauka vaerä peve metei oporoyuka vae.

Romanos 1:20

Echa jae oyekuaambae vae jare imbaepuere opambae vae, jare jae ko Tumpa vae, oyekuaa kavi yae ɨvɨ oyeapo güive. Ɨvɨ pegua reta oikuaa opaete mbaembae Tumpa oyapo vae rupi. Jáeramo mbaetɨ metei ave ipuere jei: “Mbaetɨ ko aikuaa.”

2 Corintios 1:4

echa jae yandembopɨakatu opaete yaiporara vae rupi, yandepuere vaerä vi yambopɨakatu ïru oiporara ñogüɨnoi vae reta, Tumpa yandembopɨakatu rami.

2 Corintios 2:7

Jáeramo ikavi ko peɨ̈ro jare pembopɨakatu. Agüɨye vaerä mo ipɨatɨtɨ yae oiko.

2 Corintios 7:6

Ërei Tumpa ombopɨakatu ipɨatɨtɨ vae reta vae, orembopɨakatu Tito ou yave oväe orépɨri;

DEUTERONOMIO 33:27

Tumpa oikove avei vae ko jae peñepɨ̈roka, imbaepuere opambae ko peñepɨ̈roa; jae ko ombotekuarai perenonde güi tovaicho reta, jare peokuai pemboai vaerä.

1 Timoteo 1:17

Jáeramo, yamboete yae jekuaekuae avei rupi Mburuvicha guasu opambae vae, omanombae vae, oyeechambae vae, jaeño ko Tumpa yarakuaa yae vae. ¡Amén!

1 Timoteo 6:16

jaeño ete ko omanombae vae, oiko tembipe yaya rapembae jese vae pe, mbaetɨ kia ave oecha vae, jare ngaraai oecha vae. Chupe toñemee mbaemboete jare mbaepuere. ¡Amén!

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

Santiago 4:6

Ërei Tumpa omee yandeve jeta yae ipɨakavi, echa oyekuatía oï: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”

1 Pedro 5:5

Pe taɨrusu reta, peiko petenondegua reta jeia re. Jare opaete vae peiko kavi oyoupi peñemomichi reve; echa: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”

Apocalipsis 15:4

¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei:

Apocalipsis 4:8

Jare metei ñavo jókuae irundɨ oikove vae reta, güɨnoi ova ipepo, jare ipepo iárambo jare igüɨ rupi güɨnoi jeta jesa. Jare ikueraiä jei reta ara rupi jare pɨ̈tu rupi: “¡Iyoambae, iyoambae, iyoambae ko yandeYa Tumpa Imbaepuere yae ete vae, jae ko iyɨpɨ güive, añave jare outa vae!”

1 SAMUEL 2:2

¡Mbaetɨ kia iyoambae nde rami cheYa! ¡Echa mbaetɨ yé kia nde rami! ¡Jare mbaetɨ kia oporoepɨ nde oreTumpa rami!