ISAÍAS 57:13 - Biblia Guarani Tumpa Iñee

¹³ Resapúkai netumpa-raanga reta pe ndemborɨ vaerä yave, ngaraa ndemborɨ, ngaraa vi ndereroasayepe. Opata ɨvɨtu güɨroveve jókuae netumpa-raanga reta; ërei cheré güɨrovia vae, güɨnoita ɨvɨ imbaerä jare oikota cheɨvɨtɨ oñeñono tee vae pe.

ISAÍAS 57:13 ပူးပေါင်းရင်းမြစ်များ

2 REYES 3:13

Jayave Eliseo jei mburuvicha guasu Israel pegua pe: —¿Maera pa reyu chekotɨ? Ekua eparandu ñeemombeúa reta nderu jare ndesɨ pe oyeokuai vae reta pe. Mburuvicha guasu Israel pegua jekuae jei ye: —Mbaetɨ, echa yandeYa orereru ore mboapɨ mburuvicha guasu reta oremee vaerä Moab iñemuña reta pe.

JOB 21:18

Jae reta kapii ramiño ko ɨvɨtu güɨroveve, ani mbae javiyugüe rami ɨvɨtuai opa güɨraja.

SALMOS 1:4

Ërei iyoa vae reta mbaetɨ jökorai, mbae javiyugüe ɨvɨtu güɨroveve vae rami.

SALMOS 118:8

YandeYa re yayeko vae ko ikavi, kuimbae re yayeko vae güi.

SALMOS 125:1

YandeYa re oyeko vae reta, ɨvɨtɨ Sión rami ko, mbaetɨ omɨi, oï avei jenda pe.

SALMOS 37:11

Ërei oñemomichi vae reta, güɨnoita imbaerä ɨvɨ, yogüɨreko pɨagüiveta mbɨakatu rupi.

SALMOS 37:22

Echa yandeYa iporerekua jese vae güɨnoita ɨvɨ, ërei oyepopeyu jese vae okañɨteita.

SALMOS 37:29

Jupi vae reta güɨnoita imbaerä ɨvɨ, jare yogüɨreko aveita jókuae ɨvɨ pe.

SALMOS 37:3

Eyeko yandeYa re, jare eyapo ikavi vae; reikota ɨvɨ pe, jare jae ndeangarekota jupi rupi.

SALMOS 37:34

Eyeko yandeYa re, eyapo jae jemimbota, jae ndembotuichata jare omeeta ndembaerä ɨvɨ. ¡Iyoa vae reta oñemokañɨteiuka yave, reechata!

SALMOS 37:9

Echa jeko kavimbae reta oñemokañɨteita ko; ërei ngatu yandeYa re oyeko vae reta, güɨnoita ɨvɨ imbaerä.

SALMOS 58:9

Tókai reta yuu jendɨ rai vae rami, jökorai jekove reve jare iyarasɨ reve topa ɨvɨtuai togüɨroveve reta.

SALMOS 84:12

CheYa Tumpa Imbaepuere yae ete vae, ¡oyerovia ko jókuae nderé oyeko vae!

PROVERBIOS 28:25

Ipɨarai yae vae, oporomoñerarouka katu ko, ërei yandeYa reño oyeko vae, oiko kavita.

ISAÍAS 11:9

Ngaraa oyapo reta ikavimbae opaete cheɨvɨtɨ oï tee vae pe; echa opaete ɨvɨ pegua reta oikuaata yandeYa, ɨ tɨnɨe ɨguasu oï rami.

ISAÍAS 14:32

¿Mbae pa yaeta jokotɨ güi ñee jerúa reta pe? Echa kërai, yandeYa omomɨ̈rata ma Sión, jare jae imbae vae reta matɨ rupi oiporara yogüɨreko vae reta yogüeru yeta joko pe.

ISAÍAS 25:4

Echa, nde ko jae paravete vae iñepɨ̈roka, nde reepɨ oiporara oï vae, okɨrai yave nde ko ñemía, araku yae yave nde ko küaraɨa. Echa kuimbae ipɨapochɨ vae reta iyarasɨ, okɨrai vae oa ovapetea re vae rami ko.

ISAÍAS 40:24

Jae reta ko temitɨ ipɨau vae rami, jaeramo etei japo oyepota oï vae rami. Tumpa oipeyu yave, jaema voi opa ipiru reta, kusumirou ou yave, opa güɨraja kapii rami.

ISAÍAS 41:16

Remboveveta jare opata ɨvɨtu güɨraja; kusumirou opata omoai moai. Ërei nde reyeroviata ndeYa re, reyemboeteta Tumpa Iyoambae Israel pegua re.

ISAÍAS 45:20

Peyomboatɨ jare peyu opaete tëtaguasu pegua reta jembɨregüe. Mbaetɨ ko iyarakuaa jókuae tumpa-raanga ɨvɨra pegua ovoɨ güɨroata vae reta, jare oyerure reta jókuae oporoepɨ rapembae vae pe vae reta.

ISAÍAS 49:8

YandeYa jei: “Ou ma oväe aechauka vaerä cheporoaɨu, jáeramo ayeapɨsaka nderé, ou ma oväe yereroasayepe iara, jáeramo romborɨ. Che ko roñovatu, nderupi ayapo vaerä ñererökuavee päve tëta ndive, amopüa ye vaerä kuae tëtaguasu, amee ye vaerä iyagüe reta pe ɨvɨ opa oyemboai oï vae.

ISAÍAS 56:7

che araja retata cheɨvɨtɨ oñeñono tee vae pe, jare ambovɨakatu retata chero yerure pegua pe; jare mɨmba oyeyukagüe opa etei oyeapɨ vae, jare ïru mɨmba oyeyukagüe reta re chepɨakatuta amae, omee reta yave mɨmba oyeyuka oyeapɨ jese vae re; echa chero oyembojeeta, o yerure pegua opaete vae reta peguarä.

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

ISAÍAS 65:11

Ërei, pe chereeya vae reta, peakañɨ cheɨvɨtɨ oñeñono tee vae güi, peñono tembíu tumpa-raanga Gad, mbaeyekou pegua pe, pemee mbota vino oyepɨyere vae tumpa-raanga Mení, maratuta vae regua pe,

ISAÍAS 65:25

Aguarayaɨmba jare vecha kuimbae raɨ okaru päveta, yaguapope jouta kapii güeye rami; jare mboi jembiurä ɨvɨkúi. Ngaraa oyombopɨatɨtɨ reta, jare ngaraa oyapo reta ikavimbae opaete cheɨvɨtɨ oñeñono tee vae pe.” Jei yandeYa.

ISAÍAS 65:9

Amoñemuñata Jacob, Judá amoñemuñata yogüɨreko vaerä ɨvɨtɨ re. Cherembiparavo reta oiketa yogüɨreko jókuae ɨvɨ pe, joko pe yogüɨrekota cherembiokuai reta.

ISAÍAS 66:20

Jare güeru retata opaete perëtara reta, tëtaguasu ñavo pe oime vae, güeru retata kavayu re, käretou pe, voɨka pe, mburika guasu re jare camello re. Güeru retata mbotarä cheve tëta Jerusalén pe, ɨvɨtɨ oñeñono tee vae re. Israel iñemuña reta güeru chero pe mbota mbae ikɨambae vae pe rami.” Che, peYa ko jae kuae.

JEREMÍAS 2:28

Judá, ¿ketɨ pa oime tumpa-raanga reta reyapo ndeyeupe vae? ¡Topüa reta, yaecha ra ipuere reta ndereepɨ ou yave ndeve mbaesusere! Echa, ¡jeta yae tumpa-raanga renoi, tëta guasu reta jeta yae renoi rami!

JEREMÍAS 22:20

“¡Judá, eyeupi ɨvɨtɨ Líbano re jare esapúkai! ¡Ɨvɨtɨ Basán re esapúkai! ¡Esapúkai ɨvɨtɨ Abarim güive, echa opaete ndeporopota jese vae reta opa oñemokañɨtei!

JEREMÍAS 22:22

Ɨvɨtu opata güɨraja nderuvicha reta, jare ndeporopota jese vae reta opata oyereraja iɨvɨ güi. Nemara yaeta repɨta jare reñemomichiukata, opaete ikavimbae reyapo vae jeko pegua.

JEREMÍAS 30:14

Opaete pepotase vae iñakañɨ pegüi; mbaetɨ ma oyemoambeko reta peré. Che ko pombopere, tovaicho ombopere jovaicho rami, aiporarauka ete kavi peve, jeta ikavimbae peyapo jeko pegua, jare peyoa jeta yae jeko pegua.

EZEQUIEL 20:40

Ërei cheɨvɨtɨ añono tee vae re, ɨvɨtɨ ɨvate Israel pe vae re, jei yandeYa Tumpa. Joko pe chemboeteta Israel iñemuña reta, joko pe aiporuta chupe reta mbota mbaagüɨyerɨpɨ jare opaete mbota oñeñono tee vae.

OSEAS 13:3

Jáeramo, ndeimbove yave ɨ̈vɨti oyekuaa vae ramita, ɨsápɨi köe pota yave oa vae ramita, jarembae okañɨ, ama ɨvɨtuai reve vae güɨroveve trigo pire javiyugüe ramita, jare tätati oë horno jemimbɨ rupi ramita.

JOEL 3:17

Jayave peikuaata che jae ko peYa Tumpa, cheɨvɨtɨ oñeñono tee vae Sión pe aiko vae; Jerusalén oñeñono teeta ko, ngaraa ye ma opïro ketɨgua reta.

ZACARÍAS 7:13

Jare jei: “Che aenɨi reta tëi yave mbaetɨ oyeapɨsaka cheré, jökoraiño vi osapúkai reta chekotɨ yave; che mbaetɨta aendu chupe reta.

JUECES 10:14

¡Pekua, jare peiporu yemborɨ jókuae tumpa reta peiparavo peyeupe vae pe! ¡Jae reta tapereroasayepe peiporara peï yave!”