ISAÍAS 57:1 - Biblia Guarani Tumpa Iñee

¹ Kuimbae jupi vae omano jare mbaetɨ kia oyemoambeko jese; kuimbae reta jeko kavi vae omano, jare mbaetɨ kia oikuaa, oñerenoe ko ikavimbae güi vae,

ISAÍAS 57:1 ပူးပေါင်းရင်းမြစ်များ

1 REYES 14:13

Jare opaete Israel pegua reta oäpirota jare oñotɨta, echa Jeroboam iñemuña reta güi jaeño ete ko oñeotɨta, echa jeseño oñeväe ikavi vae Jeroboam iñemuña reta güi, yandeYa Israel iTumpa jesa róvai.

2 REYES 22:20

remano vaerä mbɨakatu rupi, rogüɨrajaukata neñemuñagüe reta ñogüɨnoia pe, mbaetɨta reecha opaete susere, che aruta kuae tëta re vae.’ ” Javoi mburuvicha guasu omondo vae reta oyerova ye imiari reta chupe.

2 CRÓNICAS 32:33

Ezequías omano yave oñotɨ reta David iñemuña reta jɨvɨa ɨvate kotɨ oïa pe. Opaete Judá pegua jare Jerusalén pegua reta oyapo reta chupe mboromboete omano yave; jare taɨ Manasés oguapɨ jekovia pe mburuvicha guasurä.

2 CRÓNICAS 34:28

Jáeramo remanota mbɨakatu rupi, jare rogüɨrajaukata neñemuñagüe reta ñogüɨnoia pe, mbaetɨta reecha opaete ikavimbae che aruta kuae tëta re vae jare pɨpegua reta re vae.’ ” Javoi mburuvicha guasu jemimondo reta oyerova ye imiari reta vaerä mburuvicha guasu pe.

2 CRÓNICAS 35:24

Javoi iyɨvɨrigua reta güɨnoe käretou ñeraro pegua güi, jare oñono reta ïru käretou güɨnoi vae pe, jare güɨraja reta Jerusalén pe, joko pe omano. Jare oñotɨ reta iñemuñagüe reta oñeotɨa pe. Opaete Judá jare Jerusalén pegua reta oäpiro Josías imano.

SALMOS 12:1

OreYa Tumpa, orereroasayepe, echa mbaetɨve ma jupi rupi yogüɨreko ndeve vae, opa ma okañɨ kuimbae reta ipɨte güi.

SALMOS 37:37

Emae jupi oiko vae re, echa oime yerovia katu jókuae kuimbae mbɨakatu rupi oiko vae pe.

ISAÍAS 42:25

Jáeramo ko oitɨ iyarasɨ jese reta ñeraro yavaetegüe rupi, opa oapɨ rami opɨta reta, ërei jeseve mbaetɨ oipota reta oendu.

ISAÍAS 47:11

Ërei outa mbaesusere nderé, ngaraa ndepuere reyeopia mbɨrae reta pe; resusereta, ngaraa ndepuere reyopia; susere outa ndeve neparanoe.

ISAÍAS 47:7

Ndeyemongeta pe reiko aveita mburuvicha guasurä, mbaetɨ reyemongeta kuae re, mbaetɨ vi reyemongeta jaɨkue rupi këraita ko reiko vae re.

ISAÍAS 57:11

¿Kia pa jókuae tumpa-raanga reta reipoɨu chugüi jare remboete vae, jupimbae reiko vaerä cheve? Mbaetɨ kërai ave nemaendúa cheré; nde mbaetɨ chemboete yave, kïriiño apɨta iyɨpɨ güive jare mbaetɨi reipoɨu chegüi.

JEREMÍAS 18:11

Ere, Judá pegua reta pe jare Jerusalén pe yogüɨreko vae reta pe, yandeYa jei körai: ‘Ayemongeta aï pekotɨ, aiporarauka vaerä peve. Peyepoepɨ mo ikavimbae güi, peyapo kavi pereko jare perembiapo reta.’

JEREMÍAS 22:10

Agüɨye peäpiro mburuvicha guasu Josías, agüɨye peäpiro omanogüe; peäpiro taɨ Salum, tu jekovia pe oguapɨ mburuvicharä vae, echa oyereraja ko ou yembae vaerä; ngaraa ye ma oecha iɨvɨ oa pɨpe vae.

EZEQUIEL 21:3

Ere ɨvɨ Israel kotɨ: ‘YandeYa Tumpa jei körai: Che ayovaicho ndekotɨ, anoeta chekɨsepuku jɨru güi, jare ayukata ndegüi jupi vae reta jare iyoa vae reta.

MIQUEAS 7:2

Mbaetɨ ma iporoparareko vae ɨvɨ pe; metei ave mbaetɨ jeko sɨmbi vae kuimbae reta ipɨte pe; metei ñavo oäro oporoyuka vaerä; metei ñavo oeka kërai omboeko vaerä japicha.

MALAQUÍAS 2:2

Mbaetɨ yave peendu jare mbaetɨ yave pepɨakatu reve chemboete, ayepopeyuta peré jare mbaembae penoi vae re, echa mbaetɨ chemboete pepɨakatu reve.” Jei yandeYa Imbaepuere yae ete vae.

NÚMEROS 23:10

¿Kia pa ipuereta oipapa Jacob iñemuña reta? ¿Ani mbovɨ ra ñogüɨnoi vae? ¡Amano yepe mona jókuae kuimbae jupi vae reta rami, jare cheapɨ jae reta iyapɨ rami!”