ISAÍAS 56:7 - Biblia Guarani Tumpa Iñee

⁷ che araja retata cheɨvɨtɨ oñeñono tee vae pe, jare ambovɨakatu retata chero yerure pegua pe; jare mɨmba oyeyukagüe opa etei oyeapɨ vae, jare ïru mɨmba oyeyukagüe reta re chepɨakatuta amae, omee reta yave mɨmba oyeyuka oyeapɨ jese vae re; echa chero oyembojeeta, o yerure pegua opaete vae reta peguarä.

ISAÍAS 56:7 ပူးပေါင်းရင်းမြစ်များ

1 REYES 8:41

Jökoraiño vi ketɨgua, tëta ndembae peguambae vae, yogüeru yave mombɨrɨ güi nderee oendu jeko pegua

SALMOS 2:6

Jei: “Ërei che amboguapɨ mburuvicha guasu Sión re, ɨvɨtɨ chembae oï tee vae re.”

ÉXODO 28:38

Jare toï Aarón jesɨva re, jare Israel iñemuña reta oyapo yave mbaepɨ̈chɨi ani omee reta yave mbota, jae togüɨraja opaete mbaembae oñeñono teea pe, jare togüɨnoi jesɨva re jekuae avei pegua, chepɨakatu vaerä amae jese oike yave che peYa aïa pe.

ISAÍAS 11:9

Ngaraa oyapo reta ikavimbae opaete cheɨvɨtɨ oï tee vae pe; echa opaete ɨvɨ pegua reta oikuaata yandeYa, ɨ tɨnɨe ɨguasu oï rami.

ISAÍAS 19:19

Jókuae ara rupi oyeapota ɨvɨ Egipto pe mɨmba oyeyuka oyeapɨ jese vae yandeYa peguarä, jare jókuae ɨvɨ jembeɨ pe oñemopüata metei ita yandeYa jee re.

ISAÍAS 19:21

YandeYa oyekuaaukata Egiptoɨgua reta pe, jae reta oikuaata jare omboeteta, omeeta chupe mɨmba oyeyukagüe jare mbota. Oñererökuavee retata yandeYa pe jare ombopo retata iñee chupe.

ISAÍAS 25:6

Ɨvɨtɨ Sión re yandeYa Imbaepuere yae ete vae, oyapota arete opaete ɨvɨ pegua reta peguarä, tembíu kavi ndive jare vino ikavigüe ndive, tembíu jëe ngatugüe ndive jare vino oyeambae ndive.

ISAÍAS 56:5

yepe tëi mbaetɨ taɨ jare tayɨ, ërei che ameeta chupe reta ikavi yae vae, jae ko, jee opɨta vaerä jekuae avei pegua chero pe, chero japɨpe pe; ameeta chupe jee opambae, ngaraa etei oyemboai vae.

ISAÍAS 57:13

Resapúkai netumpa-raanga reta pe ndemborɨ vaerä yave, ngaraa ndemborɨ, ngaraa vi ndereroasayepe. Opata ɨvɨtu güɨroveve jókuae netumpa-raanga reta; ërei cheré güɨrovia vae, güɨnoita ɨvɨ imbaerä jare oikota cheɨvɨtɨ oñeñono tee vae pe.

ISAÍAS 60:11

Neröke reta oyepea aveita; ngaraa oyeokenda ara pe ani pɨ̈tu yave ave, oyereru vaerä ndeve tëtaguasu reta imbaeyekou reta, jare mburuvicha guasu reta oike vaerä jupiegua reta ndive.

ISAÍAS 60:7

Opaete mɨmba Cedar pegua reta oyereruta ndeve; vecha kuimbae Nebaiot pegua reta ñogüɨnoita ndepo pe, remee vaerä ndeYa imbae mɨmba oyeyuka oyeapɨ jese vae re mbota mbɨakatu peguarä jare jae jeiete omopörata itupao ikavi yae vae.

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

ISAÍAS 65:11

Ërei, pe chereeya vae reta, peakañɨ cheɨvɨtɨ oñeñono tee vae güi, peñono tembíu tumpa-raanga Gad, mbaeyekou pegua pe, pemee mbota vino oyepɨyere vae tumpa-raanga Mení, maratuta vae regua pe,

ISAÍAS 65:25

Aguarayaɨmba jare vecha kuimbae raɨ okaru päveta, yaguapope jouta kapii güeye rami; jare mboi jembiurä ɨvɨkúi. Ngaraa oyombopɨatɨtɨ reta, jare ngaraa oyapo reta ikavimbae opaete cheɨvɨtɨ oñeñono tee vae pe.” Jei yandeYa.

JEREMÍAS 7:11

¿Kuae o cheree oñeenɨi pɨpe vae, peve jae pa ko imonda vae reta iñemía? Opaete jókuae che aecha ko. Che peYa jae kuae.

EZEQUIEL 20:40

Ërei cheɨvɨtɨ añono tee vae re, ɨvɨtɨ ɨvate Israel pe vae re, jei yandeYa Tumpa. Joko pe chemboeteta Israel iñemuña reta, joko pe aiporuta chupe reta mbota mbaagüɨyerɨpɨ jare opaete mbota oñeñono tee vae.

EZEQUIEL 47:22

Pemboyao ɨvɨ pembaerä suerte rupi, jare ketɨgua reta pepɨte pe yogüɨreko vae, imichia oa pepɨte pe vae reta pe vi. Pereko vi perëtaɨgua rami. Ɨvɨ pemboyao pembaerä suerte rupi yave, jökorai jae reta toike vi suerte rupi pepɨte pe, güɨnoi reta vaerä vi iɨvɨrä.

JOEL 3:17

Jayave peikuaata che jae ko peYa Tumpa, cheɨvɨtɨ oñeñono tee vae Sión pe aiko vae; Jerusalén oñeñono teeta ko, ngaraa ye ma opïro ketɨgua reta.

ZACARÍAS 8:3

Che ayapo kavi ye Sión, jare aikota Jerusalén pe; Jerusalén jeeta Tëta guasu Jupi vae, jare che peYa Imbaepuere yae ete vae iɨvɨtɨ jeeta, Ɨvɨtɨ Ikɨambae.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Mateo 21:13

Jare jei chupe reta: —Tumpa Iñee pe oyekuatía oï körai: “Chero oyembojeeta o yerure pegua pe.” Ërei pe reta peyapo ma imonda vae reta iñemía rami.

San Marcos 11:17

Jare jei joko pe ñogüɨnoi vae reta pe: —Tumpa Iñee pe oyekuatía oï körai: “Chero oyembojeeta o yerure pegua opaete ɨvɨ pegua reta peguarä.” Ërei pe reta peyapo ma imonda vae reta iñemía rami.

San Lucas 19:46

Jei reve chupe reta: —Tumpa Iñee pe oyekuatía oï körai: “Chero ko jae yerure pegua.” Ërei pe reta peyapo ma imonda vae reta iñemía rami.

Romanos 12:1

Jáeramo, cherɨvɨ reta, pomoñera Tumpa iporopareko rupi, pemee chupe perete, mɨmba oyeyukagüe Tumpa pe oñemee rami, peñeñono tee chupe, jae omboyerovia vae. Echa jupi ko körai añetete rupi pemboete vaerä Tumpa.

1 Timoteo 2:8

Jáeramo aipota kuimbae reta oyerure vaerä Tumpa pe opaete kerupi rupi omopüa reve ipo, iyarasɨmbae reve jare ñerarombae reve.

Hebreos 12:22

Ërei pe reta peya ma ɨvɨtɨ guasu Sión re, Tumpa oikove vae jëta guasu re. Jae ko Jerusalén ara pegua, araɨgua reta jeta yae ñogüɨnoia re,

Hebreos 13:15

Jáeramo yamboete avei Tumpa Jesús rupi, kuae oipota jei yamboete Tumpa yandeyuru pe.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.