ISAÍAS 56:5 - Biblia Guarani Tumpa Iñee

⁵ yepe tëi mbaetɨ taɨ jare tayɨ, ërei che ameeta chupe reta ikavi yae vae, jae ko, jee opɨta vaerä jekuae avei pegua chero pe, chero japɨpe pe; ameeta chupe jee opambae, ngaraa etei oyemboai vae.

ISAÍAS 56:5 ပူးပေါင်းရင်းမြစ်များ

ISAÍAS 2:2

Ara taɨkuegua rupi, ɨvɨtɨ yandeYa jo oï jese vae, oïta kuri opaete ɨvɨtɨ reta itenondeguarä, jare oyembotuicha yaeta opaete vae ɨvɨtɨ reta güi, jare opaete tëtaguasu reta yogüeruta ikotɨ;

ISAÍAS 2:3

jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ISAÍAS 26:1

Jókuae ara otairari retata kuae tairari ɨvɨ Judá pe: “Ñanoi tëta guasu jëguambae, yandeYa yandereepɨ vaerä oñono tëta guasu ikësea, omboyokupe oñono.

ISAÍAS 43:7

opaete jókuae cheree güɨnoi vae reta, jókuae ayapo jupi reta ayemboeteuka vaerä vae.’

ISAÍAS 48:19

Peñemuña reta jeta yaeta tëi ko, ɨvɨkuitï jeta yae vae yaipapa rapembae ramita tëi ko, ngaraai ko opa tëi amboai, ngaraai ko ambosɨrɨ tëi cheróvai güi.’

ISAÍAS 55:13

Ñurati jekovia pe oñemuñata ɨvɨra ciprés jee vae, jare ïru ñana yuu reve vae reta jekovia pe okuakuaata ɨvɨra mí arrayán jee vae; kuaekuae reta re yandeYa jee oyemboeteukata, jare opɨta retata kañɨmaa opambae vaerä, ngaraa ye ma oyemboai.”

ISAÍAS 56:7

che araja retata cheɨvɨtɨ oñeñono tee vae pe, jare ambovɨakatu retata chero yerure pegua pe; jare mɨmba oyeyukagüe opa etei oyeapɨ vae, jare ïru mɨmba oyeyukagüe reta re chepɨakatuta amae, omee reta yave mɨmba oyeyuka oyeapɨ jese vae re; echa chero oyembojeeta, o yerure pegua opaete vae reta peguarä.

ISAÍAS 60:18

Ndeɨvɨ pe ngaraa ma jërakua tekorai, ngaraa ma vi oime susere ndeɨvɨ pe, jaeño nekësea rembojeeta ‘Yereroasayepe’, jare neröke reta ‘Mbaemboete’.

ISAÍAS 62:12

Israel iñemuña reta pe jei retata: “Tëta oñeñono tee vae.” “IYa Tumpa oepɨgüe.” Nde ndembojee retata: “Tëta guasu ipotaa yae vae.” “Tëta guasu mbaetɨ oyeeya vae.”

ISAÍAS 62:2

Jayave jeta vae reta oechata ndeporogüɨroasayepe, jare opaete mburuvicha guasu reta oechata ndeyemboetea. Jayave ndembojee pɨauta, tee ipɨau pe, yandeYa etei ndembojeeta.

ISAÍAS 66:20

Jare güeru retata opaete perëtara reta, tëtaguasu ñavo pe oime vae, güeru retata kavayu re, käretou pe, voɨka pe, mburika guasu re jare camello re. Güeru retata mbotarä cheve tëta Jerusalén pe, ɨvɨtɨ oñeñono tee vae re. Israel iñemuña reta güeru chero pe mbota mbae ikɨambae vae pe rami.” Che, peYa ko jae kuae.

ISAÍAS 66:22

YandeYa jei vi: “Echa ara ipɨau vae, jare ɨvɨ ipɨau vae che ayapota vae, ñogüɨnoi aveita cheresa róvai rami, jökoraita ko oime avei peñemuña reta jare peree.

SOFONÍAS 3:20

Jókuae ara pogüeru yeta, pomboatɨta; jare ameeta peyemboeteuka vaerä jare perërakua yaeta opaete tëta ɨvɨ pegua rupi, pogüeru ye ɨvɨ ambuae güi yave.”

San Mateo 16:18

Jare che vi jae ndeve, nde jae ko Pedro. Jare che etei amopüata cherembiparavo reta kuae ita guasu re, jare mano ngaraa mbaepuere güɨnoi jese reta.

San Juan 1:12

Ërei opaete omboresive vae reta, güɨrovia jese vae reta pe, omee ipuere vaerä yogüɨreko Tumpa taɨ retarä ani tayɨ retarä.

Efesios 2:22

Cristo rupi pe reta vi peyeapo metei rami, peiko vaerä Tumpa oikoarä, Espíritu rupi.

1 Timoteo 3:15

echa güɨramoi aja raiviä yave, aipota reikuaa këraita reiko Tumpa taɨ reta ipɨte pe, jae ko Tumpa oikove vae re güɨrovia vae reta, jae reta oyoko añete vae.

Hebreos 3:6

Ërei Cristo ko jae Tumpa Taɨ, jare jae ko opaete Tumpa jo iYa. Jare jökoraita ñaneräta ngatu jare yayerovia yave ñaäro ñaï vae re.

1 Juan 3:1

Mase, kërai yandeRu Tumpa yanderaɨu yae, ñanereenɨi jae taɨ retarä. Jáeramo ɨvɨ pegua reta mbaetɨ yandekuaa, echa jae reta mbaetɨ oikuaa Tumpa.

Apocalipsis 2:17

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae maná oñeomi oï vae, jare ameeta vi chupe metei ita raɨ tïi vae. Jókuae ita re oime metei tee ipɨau vae oyekuatía oï, jókuae tee mbaetɨ etei kia oikuaa, jaeño omboresive vae.’

Apocalipsis 3:12

Oporomoamɨri vae añonota cheTumpa jo pe okɨta rami, jare ngaraa etei oë ye. Güɨnoita mbaepuere tuicha vae metei okɨta ipɨ̈rata yae vae rami. Jare aikuatiata jese cheTumpa jee jare jëta guasu Jerusalén ipɨau vae jee ogüeyɨta ara güi cheTumpa ndive vae. Jaeramiño vi aikuatiata jese cheree ipɨau vae.

Apocalipsis 3:5

Oporomoamɨri vae pe ameeta temimonde tïi vae omonde, jare ngaraa amboai jee tembikuatía tekove pegua güi, aikuaaukata cheRu jóvai jare iaraɨgua reta jóvai.

1 SAMUEL 1:8

Jare ime Elcana jei chupe: “Ana, ¿maera pa reyaeo? ¿Maera pa rekarúä? ¿Maera pa ndepɨatɨtɨ? ¿Jaekaviä pa che ndeve, payandepo nemembɨ vaerägüe güi?”