ISAÍAS 56:2 - Biblia Guarani Tumpa Iñee

² Oyeroviata kuimbae oiko kuae mborookuai reta jeigüe rupi vae, omboete ara mbutuu jare mbaetɨ güɨröɨro vae, oyeandu mbae ikavimbae oyapo vaerä güi vae.”

ISAÍAS 56:2 ပူးပေါင်းရင်းမြစ်များ

NEHEMÍAS 13:17

Jayave añeengata mburuvicha Judá pegua reta pe, jare jae chupe reta: —¡Peyapo ko ikavimbae, pemboeteä ramboeve ara mbutuu!

SALMOS 106:3

Oyerovia ko, jupi vae oyapo vae reta, jupi vae oyapo avei vae reta.

SALMOS 112:1

Oyerovia ko kuimbae, yandeYa güiño oipoɨu vae, oñono ipɨa yandeYa iporookuai reta reño vae.

SALMOS 119:101

Ayembosɨrɨ opaete ikavimbae güi, ayapo vaerä neñee reta.

SALMOS 128:1

Oyerovia ko opaete Tumpa güi oipoɨu vae, jókuae jemimbota rupi oiko vae.

SALMOS 34:14

Eyembosɨrɨ ikavimbae güi, jare eyapo ikavi vae; eeka mbɨakatu, jare eiko avei mbɨakatu rupi.

SALMOS 37:27

Eyembosɨrɨ ikavimbae güi jare eyapo ikavi vae, jare reikota jekuae avei pegua.

ÉXODO 20:10

ërei chiúa ara, mbutuu pegua ko, che peYa Tumpa peguarä; jókuae ara agüɨye peyapo mbae nunga mbaravɨkɨ, jaeramiño vi peraɨ, perayɨ, perembiokuai kuimbae, perembiokuai kuña, ani perɨmba yepe, ani ketɨgua pero pe pereko vae yepe.

ÉXODO 20:8

Pemaendúa ara mbutuu pegua re peñono tee vaerä.

PROVERBIOS 14:16

Yarakuaa katu vae, oipoɨu ikavimbae güi jare oyembosɨrɨ chugüi, ërei yarakuaambae, mbaetɨ etei mbae güi oipoɨu.

PROVERBIOS 16:17

Jupi vae reta jeko, jae ko osɨrɨ vaerä ikavimbae güi; oyangareko jeko re vae, jekove re ko oyangareko.

PROVERBIOS 16:6

Mboroparareko jare añetete vae rupi, iyoa vae pe oime ñɨ̈ro; yandeYa güi yaipoɨu vae rupi ko, yasɨrɨ ikavimbae güi.

PROVERBIOS 4:13

Eipɨɨ ndeyeupe yemboarakuaa, agüɨye eeya; eñovatu opaete arakuaa, echa tekove ko ndeveguarä.

PROVERBIOS 4:27

Agüɨye epia ketɨ ave; agüɨye emomoe ikavimbae.

ECLESIASTÉS 7:18

Kuaekuae eyapo, jókuae ïru reta reeyambae reve. Echa Tumpa güi oipoɨu vae, oë kavita chupe opaete mbaembae.

ISAÍAS 56:4

Echa yandeYa jei: “Eunuco reta omboete yave cheara mbutuu, yogüɨreko yave jaegüe rupi jare cheporogüɨrökuavee päve rupi,

ISAÍAS 56:6

Jare ketɨgua reta taɨ, cheremimbota rupi yogüɨreko, oyeokuai reta vaerä cheve vae, jare oaɨu reta cheree yogüɨreko vaerä cherembiokuairä; jare opaete omboete ara mbutuu vae reta, agüɨye vaerä güɨröɨro, yogüɨreko cheporogüɨrökuavee päve rupi vae reta,

ISAÍAS 58:13

Emboete ara mbutuu pegua, agüɨye eyapo ndeparavɨkɨ cheara oñeñono tee vae pe. Kuae ara ereko, ara yerovia katu pegua, che ndeYa peguarä oñeñono tee jare imboetea yae vae. Emboete, agüɨye eeka nderemimbotaño ani mbae ndeyeupeguaräño.

EZEQUIEL 20:12

Aikuaauka vi chupe reta cheara mbutuu pegua, jókuae rupi ikañɨmaa vaerä tëi jae reta cheve, jare metei yemomaendúa che ko añono tee reta cheyeupeguarä vae.

EZEQUIEL 20:20

jare peñono tee cheara mbutuu pegua, toiko kañɨmaarä cheve jare peve, jökorai peikuaata che ko jae peYa Tumpa vae.

LEVÍTICO 19:30

Pemboete cheara reta mbutuu pegua, jare chero mbaemboetea. Che ko peYa.

San Lucas 11:28

Ërei Jesús jei: —Oyerovia ko opaete oyeapɨsaka Tumpa iñee re vae reta, jare oyapo jae jei vae reta.

San Lucas 12:43

Oyerovia ko jókuae tembiokuai, iya ou ye oväe yave, oparavɨkɨ oï vae.

San Juan 13:17

Kuae peikuaa jare peyapo yave, peyeroviata yaeta ko.

Romanos 12:9

Peyoaɨu añetetegüe rupi. Pemotareɨ ikavimbae vae, pemomoe ikavi vae.

Apocalipsis 22:14

Oyerovia ko jemimonde oyoe vae reta, ipuere vaerä oya ɨvɨra tekove pegua re, jare oike vaerä tëta guasu pe jöke rupi.