ISAÍAS 56:10 - Biblia Guarani Tumpa Iñee

¹⁰ echa sundaro ɨvate güi omae vae reta, jesambae rami ñogüɨnoi, mbaetɨ etei mbae oikuaa ñogüɨnoi. Opaete jae reta yaɨmba iñarosembae rami ko, mbaetɨ ipuere oñaro reta; oke reteiño jare oaɨu yae reta jopeɨ.

ISAÍAS 56:10 ပူးပေါင်းရင်းမြစ်များ

2 REYES 12:6

Ërei veintitré añoa re ma Joás oiko mburuvicha guasurä yave, sacerdote reta mbaetɨño oñono kavi tupao jovapetea oyeka yekagüe.

ISAÍAS 29:10

Echa yandeYa ombou peve topeɨ tätagüe, ñeemombeúa reta opa oesaöva, maratuta vae imombeúa reta opa oesaöva.

ISAÍAS 29:9

¡Peiko peikuaambae, jayave! ¡Peiko jesambae rami! ¡Peresagüɨrɨ, osavaɨpogüe rami, yepe tëi mbaetɨ peu mbae oporombosavaɨpo vae!

ISAÍAS 52:8

¡Jare sundaro ɨvate güi omae vae reta isapúkai oyeenduta! Osapúkai retata, opareve osapúkai retata yerovia katu reve; echa jae reta etei oechata yandeYa oyerova ye ma Sión kotɨ vae.

ISAÍAS 58:1

YandeYa jei cheve: “Esapúkai täta, reipoɨumbae reve, neñeeäta mimbɨguasu iñee rami; emboeta chembae vae reta Jacob iñemuña reta pe, ipɨapochɨ re jare iyoa re.

LAMENTACIONES 4:14

Jesambae rami oguata reta kaye rupi; opaetei oyemongɨa reta Tumpa jóvai tugüɨ pe, kuae jeko pegua mbaetɨ etei oipota oyavɨkɨ jemimonde vae.

EZEQUIEL 13:16

jókuae ñeemombeúa reta ñogüɨnoi Israel pe vae, oecha raanga mbɨakatu vae omombeu reta Jerusalén pe, mbaetɨ etei reve mbɨakatu.’ Che peYa Tumpa jae.

EZEQUIEL 33:6

Ërei jókuae omae vae oecha tëi tovaicho reta yogüeru reve mbaetɨ omoñee mimbɨguasu tëta pegua reta oyemombarandu vaerä yave, jare tovaicho reta oyuka yave amogüe tëta pegua, jókuae omano vae, omano ko iyoa jeko pegua; ërei che aiporaraukata imano re jókuae omae vae pe.’

OSEAS 4:6

Chembae vae reta opa okañɨtei, mbaetɨ ramo oipota chekuaa. Nde sacerdote reröɨro yemboarakuaa amee ndeve vae jeko pegua, che rogüɨnoeta sacerdote pegua mbaravɨkɨ güi. Neakañɨ neTumpa iporookuai güi jeko pegua, che cheakañɨta vi neñemuña reta güi.

NAHUM 3:18

¡Mburuvicha guasu Asiria pegua, omano ndeangarekoa reta! Ndemborɨa reta omano, ndesundaro reta opa oñemoai ɨvɨtɨ rupi, jare mbaetɨ kia omboatɨ vaerä.

San Mateo 15:14

Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe.

Filipenses 3:2

Peyeandu jókuae yaɨmba reta güi, peyeandu oporomboe kavimbae reta güi, peyeandu oporombocircuncida vae reta güi.