ISAÍAS 56:1 - Biblia Guarani Tumpa Iñee

¹ YandeYa jei körai: “Peyapo jupi vae, peyapo sɨmbi vae, echa köiño ma ou cheporoyora; amboyekuaa vaerä chembaepuere, cheporogüɨroasayepe.

ISAÍAS 56:1 ပူးပေါင်းရင်းမြစ်များ

SALMOS 106:3

Oyerovia ko, jupi vae oyapo vae reta, jupi vae oyapo avei vae reta.

SALMOS 50:23

mbaemboete omee cheve vae, chemboete ko. Jupi rupi kavi oiko vae pe, aechaukata cheporogüɨroasayepe.”

SALMOS 85:9

Añetete, köiño yae oï Tumpa iporogüɨroasayepe, oipoɨu chugüi vae reta peguarä, iyemboetea oiko vaerä yandeɨvɨ pe.

ISAÍAS 33:5

YandeYa ko tuicha vae, echa ara pe oiko; jae ko opa omotɨnɨe Sión isɨmbi vae pe jare mbaejupi pe,

ISAÍAS 46:13

Che, aruta yereroasayepe; aruta ete ma, köi yae ma ou. Che ameeta yereroasayepe Sión pe, jare cheyemboete tëtaguasu Israel pe.

ISAÍAS 51:5

Köi yae ma oï aï vaerä mburuvicharä, cheporogüɨroasayepe oyemboɨpɨ ma; chembaepuere rupi aïta mburuvicharä tëta reta re. Tëtaguasu reta ɨguasu jembeɨ rupigua cheräro ñogüɨnoi, chembaepuere re oyeko retata.

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

ISAÍAS 61:8

Echa che peYa, jupi vae oaɨu vae ko, amotareɨ ko mɨmba oñeomi oñemee mɨmba oyeyukagüe opaetei oyeapɨ vaerä vae. Che, ameeta jupi rupi kavi mbota mbaravɨkɨ re, jare ayapota morogüɨrökuavee päve jae reta ndive jekuae avei pegua.

ISAÍAS 64:5

Nde remboresive jókuae ipɨakatu reve kavi oyapo mbaejupi vae, jare imaendúa nde ndepɨa jemimbota oyapo vaerä vae reta. Nde ndearasɨ oreve, echa oreyoa; ɨma yae rupi ma roiko mbaeyoa rupi, ¿roasayepe vɨteriñota ra?

DANIEL 9:24

Setenta semana oasata nerëtaɨgua reta re jare nerëta guasu oñeñono tee vae re, opa vaerä oyemboai mbaeyoa yavaetegüe jare ikavimbae, oime vaerä ñɨ̈ro mbae ikavimbae re, jare jupi vae oime vaerä jekuae avei pegua, oyembopo vaerä jókuae mbae oyeecha jare maratuta vae, jare oñeñono tee vaerä Tumpa pe oñeñono tee kavi yae vae.

OSEAS 12:7

YandeYa jei: “Omaemee vae güɨnoi ipo pe mbaejäaka oyemboyoavɨgüe, echa ipöra chupe oporombotavɨ vaerä.

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

MIQUEAS 7:9

Aropɨata yandeYa iyarasɨ; echa cheyoa ikotɨ, ojäa regua chereko jare chembojupi regua. Jae cherenoeta tembipe pe jare aechata iporombojupi.

MALAQUÍAS 4:4

Pemaendúa cherembiokuai Moisés iporookuai reta re, ɨvɨtɨ Horeb pe. ¡Jae ayókuai omee vaerä mborookuai reta opaete Israel iñemuña reta pe!

San Mateo 3:2

Jei reve: “Peeya peyemongeta ikavimbae vae pepɨa pe penoi vae. Echa outa ma oväe araɨgua mborookuaía.”

San Mateo 4:17

Jayave güive Jesús omboɨpɨ omombeu Tumpa iñee, jei: “Peeya peyemongeta ikavimbae vae pepɨa pe penoi vae. Echa ou ma oväe araɨgua mborookuaía.”

San Marcos 1:15

Jei reve: “Ara oväe ma, outa ma oväe Tumpa iporookuaía. Peeya peyemongeta ikavimbae vae pepɨa penoi vae, jare perovia ñee ikavigüe vae.”

San Juan 7:17

Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

Romanos 1:17

Echa ñee ikavi vae omombeu yandeve kërai Tumpa yandembojupi ko yarovia yave. Echa Tumpa Iñee pe oyekuatía oï körai: “Tumpa ombojupi vae güɨnoita tekove oporogüɨrovia ramo.”